Naba 29:39 - Buka Blahi Ka Cheke Holo

³⁹ “Eghume tuare ngala bukrei fafara te mala fafara mei ka iara Lord ka nomi gaghamu ghotilo re. Ka fafara tuare, ghotilo ginau ke edi ngala keha nafnata fafara kate edi ghotilo re, naugna ghotilo neke eni kaisei nhaꞌa cheke, ba fafara unha te magnahaghedi ghotilo re, ba fafara te gahu te knotho, ba fafara wit nei waen, ba fafara mala faglaglanagna te au fakeli ghotilo balugu iara Lord na.”

Naba 29:39 ပူးပေါင်းရင်းမြစ်များ

Levitikas 23:2

“Cheke ka naiknodi Israel. Igre nogna narane biꞌo Lord mala khapru mei ghotilo mala kilo fnakno ghau iara.”

Fapea Kronikols 31:3

Aonu king ne famei sipu ba buluka mala gahu fafara leuleghu hamerane nei grafi, nei ka narane Sabat, nei ka Gaghamu Khafa, nei ka keha gaghamu te au ka nogna vetula Lord.

Ululahu Kronikols 23:31

Mare eni nafnata puhi igne kate gahu fafara ka narane Sabat, nei ka Gaghamu Khafa, nei ka keha narane biꞌo mala tarai. Mae igre edi gloku ka Sugablahi na leghuni thofno naba te magnahagheni mare na nei leghuni kastom gna gloku na.

Profet Isaia 1:14

Iara theome magnahaghedi nomi Gaghamu Khafa nei nomi narane blahi teu ghotilo tuare. Glepo te edi ghotilo tuare bukri soru ghau iara pari!

Nehemaea 10:33

Sileni igne mala foli Bret Blahi te mala lilisei ke kligna tevo ka Chogho Blahi na, nei famane wit mala fafara nei fafara te gahu te krono fara te mala edi ghehati phia fata leuleghu narane, nei fafara ka narane Sabat, nei Gaghamu Khafa, nei keha gaghamu, nei keha fafara blahi, nei fafara te mala doglo ghehati maemi Israel ka tathagna Lord, nei keha glepo te mala loku ka nogna Sugablahi God.

Esra 3:5

Ke leghugna narane biꞌo igne, mare eni fafara te krono fara igne leuleghu hamerane grafi mala tufru soruni Lord. Eghuteuna mare fafara ka Gaghamu Khafa, nei ka keha nogna narane biꞌo Lord. Mare jaola edi fafara te mala tufru soruni Lord leghuni unha te magnahagheni mare na.

Levitikas 7:11

Lord ne cheke eghu, “Igre vetuladi fafara te mala laseni naiknore au ka pharikeli balugu iara na.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Diutronomi 12:6

ghotilo nate hata te mei unha te mala fafara na. Fafara te thofno krono nei keha nafnata fafara la ngau, nei kaisei nomi fabotho re, nei nafnata fafara te nheta eigna nhaꞌa cheke, nei keha nafnata fafara te edi ghotilo leghuni unha te magnahagheni ghotilo, nei nomi sua buluka te karha ulu.

Naba 6:21

“Igne nodi vetula maladi iheire naikno te magnahaghei kaisei mae Nasaraet re. Nu jame mae ihei teke nhaꞌa cheke mala fafara keha glepoi kate blahi teu hila thegna na, mana mala edi ngala jateula teke nhaꞌa cheke mala edi teku thegna re.”

Levitikas 23:28

Ghotilo thosei eni kaisei gloku ka narane biꞌo igne, blahi! Naugna narane mala hata fadelei nakhibomi ghotilo re, mala ke doglo ghotilo ka tathagu iara na.

Naba 29:38

Jaola ghotilo ginau ke falehe kaisei nanigot nalhaꞌugna ka fafara na mala ke doglo ghotilo ka tathagu iara na. Neubane edi fabrahu ghotilo fafara igre leghu rane, ghotilo ginau fafara ngala u fafara gna fanhana narane na.

Naba 29:40

Aonu mae Moses ne cheke ka naikno te gnafa Israel re unha teke chekedi Lord ka mana re.

Profet Emos 5:22

Neuba ghotilo ne gahu buluka, ba sipu mala mei fafara ka iara neu, ba hata mei keha wit mala fafara ka iara neu, iara theome magnahaghedi. Te hata te mei ghotilo buluka te blokhare te fafara ka iara na, iara theome magnahaghedi kolho.

Levitikas 23:38

Narane biꞌo te gnafa igre ghotilo mala jaola tathaji fakeli narane Sabat te gnafa, nei namha te gnafa, nei nhaꞌa cheke te gnafa, nei nogna fafara te gnafa mae ihei te leghuni unha te magnahagheni mana.

Naba 28:2

“Iagho na tonu lao nogu cheke iara gre ka naiknodi Israel: Leuleghu fata kate mala edi fafara re, ghotilo mala fafara nogu fafara blahi iara na mala mei sisiri gna te keli na nei gleꞌa iara eghu.

Fapea Kronikols 31:14

Eghuteuna kaisei mae Livaet nanghagna na Kore, thugna Imna, mana te reireghini grengatha gna Sugablahi fei ke maghati na. Mare jaola vahini mae Kore mala hata thufa teke tusu ranghini God naiknore, leghuni nodi magnahaghei thedi na. Eghuteuna mana jaola tufa gano igre ka hatimare mae pris nei hatimare mae Livaet.

Esra 3:4

Eghuteuna mare thofno leghuni unha te chekeni ka vetula na, mare khapru ka Narane Gaghamugna Grorofe na. Eghuteuna leuleghu fata na, mare fafara ka narane biꞌo igne.