Naba 29:12 - Buka Blahi Ka Cheke Holo

¹² Lord ne cheke eghu, “Ka fanabotho glima narane gna fafitu nhigra na, ghotilo ginauna mei khapru mala kilo fnakno ghau iara eghuteuna ghotilo jaola thosei loku. Ghotilo ginauna eni gaghamu igne ka Lord nabagna fitu narane.

Naba 29:12 ပူးပေါင်းရင်းမြစ်များ

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Profet Esikiel 45:25

“Eghuteuna ka Narane biꞌo te mala Au ka Grorofe Ikoi na, fufunu ka nabotho glima narane ka fafitu nhigra na tei thokeni fafitu narane ka gaghamu igne, king ginauna famei glepo igre leuleghu narane. Glepo igre mala fafara koko nakhibo mala doglo naikno na ka tathagu iara na, eghuteuna fafara te thofno krono fara igre, nei flaoa teke edi ka famane wit igre baludi oliv oel te mala fafara igre.”

Nehemaea 8:18

Eghuteuna leuleghu narane, funu ka narane gaghamu ululahu te posa ka narane leghu lahu na, mae Esra ne iuꞌiju ka nogna Vetula God. Naiknore ne eni nakhapru biꞌo igne nabagna fitu narane, eghuteuna ka fahana narane na, mare khapru ne tarai leghuni unha te chekeni ka Vetula na.

Eksodas 34:22

“Ka narane te tei atha wit saro ulu ka nomi nagare are, leuleghu fata na ghotilo eni gaghamu ka Narane Biꞌo gna Fitu Wik. Eghuteuna ka narane igne gloku ka nagare ra ginauna hui, ghotilo jaola mala eni Narane biꞌo te mala Au ka Grorofe Ikoi.

Eksodas 23:16

“Ghotilo mala jaola ke ghatho fapuloni narane biꞌo teke funu atha gano majaghani teke joꞌu ghotilo ka nomi nagare ra. “Nei ghotilo mala ke ghatho fapuloni narane biꞌo teke au teku ghotilo ka suga tapuale ra, ghotilo neke kulu ukli sisi grep mala eni waen nei oliv mala eni oliv oel neku neke thokei mei nga ka nhigra nakhete na.

Naba 29:1

Lord ne cheke eghu, “Leuleghu finogha, ka narane ululahu gna fafitu nhigra na, tuana kaisei narane blahi tulao mala mei khapru ghotilo mala kilo fnakno ghau iara. Eghuteuna ka narane tuana na, ghotilo mala thosei loku, naugna narane tuana kaisei narane biꞌo mala ifu trampet.

Naba 29:13

Uve, ghotilo ginauna fafara mei u fafara te blahi te siri keligna igne ka narane ululahu gna gaghamu na mala keli tagu iara. Igre glepo mala fafara te gahu ghotilo re: Nabotho thilo buluka nalhaꞌudi te majaghani, phei sipu nalhaꞌudi, eghuteuna nabotho fati sipu nalhaꞌudi te ikodi te kaisei finoghadi are. Eghuteuna thosei fafara glepo te tautagu te au thona ba thubu teu ka thinidire are eghu.

Ululahu Kings 12:32

Mae Jeroboam ne vahini kaisei narane biꞌo ka nabotho glimai gna narane fahana gna nhigra na, igne jateula kaisei nodi narane biꞌo eghu mae Juda. Mana neke horo kaisei olta Betel mala fafara ka phei mumuju buluka igre. Mana jaola neke fablahidi hatimare mae pris igre Betel mala loku ka vido blahi teke edi mana igre.

Esra 3:4

Eghuteuna mare thofno leghuni unha te chekeni ka vetula na, mare khapru ka Narane Gaghamugna Grorofe na. Eghuteuna leuleghu fata na, mare fafara ka narane biꞌo igne.

Levitikas 23:7

Ka narane ulu lahu gna gaghamu biꞌo igne, igne kaisei narane blahi mala kafe khapru mei ghotilo mala kilo fnakno ghau iara. Eghuteuna ka narane igne ghotilo mala thosei loku.

Naba 29:35

“Uve, ka fanhanai narane gna gaghamu na, ghotilo ginau mei khapru mala kilo fnakno ghau iara, eghuteuna ghotilo jaola mala gnafa.