Naba 28:7 - Buka Blahi Ka Cheke Holo

⁷ Eghuteuna kate eni ghotilo fafara igne, ghotilo ginauna ka tofa lao kaisei lita waen ka olta na mala mei fafara tuana ka iara.

Naba 28:7 ပူးပေါင်းရင်းမြစ်များ

Eksodas 29:42

“Leuleghu fata na, ghotilo baludi iheire nate karha mei ke leghumi ghotilore ginauna edi phei fafara ka grengatha gna Suga Tapuale te Blahi te mala thafoni God. Eghuteuna ka vido igne, iara ginauna thafo ghami ghotilo, mala cheke balumu iagho.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Profet Joel 2:14

Jame te figri mei ghotilo ka Lord noda God na, mana tangomana teke tughu gaoghatho teke kokhoni ghita, nei fablahi ghita teu te mala ke kmana gheda gano na. Eghuteuna tahati ginauna tangomana teke fafara gano nei waen teu ka Sugablahi igne.

Profet Joel 1:13

Ghotilo mae pris te mala fafara ke kligna olta ra, ghotilo pipichi ka pohe te thona, fagaglanagna te diꞌanagnafa ghotilo na. Ghotilo tei tanhi ghilei rane ka Sugablahi gno, naugna gognaro na theo kaisei gano, ba waen te mala fafara ka noda God na.

Profet Joel 1:9

Gognaro na theo kaisei gano, ba waen te mala fafara ka sugagna Lord. Igne te diꞌanagnafani nei tanhini teu mae pris te loku ka Sugablahi igne.

Profet Isaia 57:6

Ghotilo sene thina salhu ka vido igne, aonu ghotilo pogho soru tagna jateula nomi god eghu. Ghotilo tofa waen ka thina igre, mala jateula nomi fafara eghu tadi, eghuteuna ghotilo jaola fafara gano ka thina igre. Ba, ne kelitagu iara te filodi glepo igre neu si ghotilo ia? Thono theo fara!

Naba 28:31

Neubane edi ghotilo fafara igre leghu rane, ghotilo ginauna fafara fodu u fafara gna narane biꞌo na balugna fafara waen na. Eghuteuna ghotilo ginauna famane vahidi glepo te tautagure kate theo kaisei thona ba thubu teu ka thinidire.”

Naba 28:14

Fafara buluka na balu phei lita waen, eghuteuna keha phei lita waen re fafara balugna keha buluka na. Fafara mei kaisei nei vido lita waen na balu sipu nalhaꞌugna na. Eghuteuna fafara mei kaisei lita waen na baludi bukrei sipu ikodi are. Ghotilo ginauna falehe kaisei nanigot nalhaꞌugna ka fafara na mala ka doglo ghotilo ka tathagu iara na. Neubane edi fabrahu ghotilo fafara te gahu gre leghu rane, ghotilo ginau eni fabrahu ngala fafara gna khafa na ka narane ululahudi bukrei nhigra re.”

Naba 15:10

Eghuteuna mana jaola mala fafara mei phei lita waen mala tofa ka olta. Tuana fafara te siri famane te gle'ani Lord na.

Naba 15:7

eghuteuna mana jaola mala atha mei kaisei vido lita waen mala tofa ka olta. Tuana fafara te siri famane te gle'ani iara na.

Levitikas 23:13

Eghuteuna balugna sipu igne, pris mala ei fafara ka phei kilo flaoa ka famane wit teke ngigno fodu ghotilo balu oliv oel. Pris mala gahu ke kligna olta mala eni kaisei glepo blahi te siri keli gna mala kelitagu iara Lord. Eghuteuna ghotilo mala tofa kaisei lita waen rhegna olta na mala kaisei fafara balu sipu nei fafara ka flaoa.

Eksodas 30:9

Ghotilo thosei gahu keha nafnata glepoi ke kligna gna olta igne malagu iara, ba keha nafnata insens, ba buluka, ba gano ghotilo te magnahaghei fafara mei ka iara. Eghuteuna ghotilo jaola thosei tofa kaisei waen ke kligna gna mala fafara mei ka iara.

Eksodas 29:40

Hamerane, kate gahu iagho sipu ulu lahu na, iagho atha kaisei kilo flaoa teke eni ka famane wit, eghuteuna ngigno flaoa igne balugna kaisei lita ka famane oliv oel te keli, mala gahu balugna. Eghuteuna iagho tofa lao kaisei lita waen balugna ka fafara igne, mala tusu mei ka iara.

Naba 28:6

Nafnata fafara tuana, iara neke chekenihi ka ghotilo tifa, kani au ghotilo ka Thogele Sanai ia, eghume ghotilo ginauna eni fafara tuana leghu rane. Ghotilo ginauna gahu mala blahi fafara te siri famane gna na mala gleꞌa iara.

Naba 28:8

Eghuteuna fei grafi na, ghotilo ginauna fafara fapea sipu na, eghuteuna ghotilo ginauna fafara mei flaoa nei waen eghu jateula teke eni ghotilo fei hamerane ia eghu. Glepo igre kaisei fafara blahi fara ka khaꞌaghi, nei sisiri gna na fagleꞌa ghau iara.”