Naba 28:3 - Buka Blahi Ka Cheke Holo

³ Igre fafara blahi te mala fafara ka Lord na: Leghu rane na, ghotilo mala fafara phei sipu nalhaꞌudi te kaisei finoghadi nei theo kaisei thubu ka thinidi teu are.

Naba 28:3 ပူးပေါင်းရင်းမြစ်များ

Levitikas 6:9

“Cheke ka mae Eron baludi thugna mana ra cheke igne: Igne vetula gna fafara te thofno krono na. Fafara te thofno krono igne te mala atha te mei ghotilo leuleghu rafi na, fafara igne mala au ke kligna olta ghilei hamerane, eghuteuna mae pris mala reireghi khaꞌaghi gna olta na mala dudulu fabrahu bongi thongana na.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Profet Daniel 12:11

“Funu ka narane te lhotidi mae naoka gre nogna naikno God gre te fafara leghu narane na, eghuteuna mare nhaꞌa haghe kaisei glepo te thono diꞌa fara ka sugagna God na, eghuteuna ginauna thokeni kaisei thogha phia gobi nheva salei narane ame thoke mei nga narane leghu lahu na.

Profet Daniel 11:31

“Nogna soldia manare ginauna ruma ka nogna Sugablahi God na, eghuteuna Sugablahi igne ginauna thona ka tathagna God na. Mare ginauna na theome snakredi naiknore te mala fafara leuleghu narane na, eghuteuna mare ginauna lilisei haghe kaisei glepo te thono diꞌa fara ke lamnagna nogna suga God na.

Profet Daniel 8:13

Iara ne nomhini kaisei engel ne ghusna eghu ka keha engel na, “Niha nau gnafadire gobigna lepo te fakakhana God ka mifi na igre? Niha nau gnafadire puhi te diꞌa te tughu fabrahu nodi fafara nogna naikno God igre? Niha fata tapla fabrahu ke klignadi nogna naikno God igre balugna Sugablahi igne si hona ikoi ignea?”

Hibru 9:6

Kate tarabanahi glepo igre, leuleghu narane na hatimare mae pris ruma ka chogho ulu lahu na mala eni nodi gloku na.

Levitikas 3:5

Aonu mae pris igne gahu glepo igre ke kligna olta, baludi keha fafara te thofno krono. Igne kaisei glepo blahi te kelitagu iara Lord ka sisirigna na.

Naba 28:4

Keha na fafara fei hamerane, eghuteuna keha na fafara fei grafi,

Naba 28:23

Neubane edi ghotilo te fafara waen leghu rane na, nu leghu narane ka fafitu narane gna gaghamu na, ghotilo ginauna tufa gano igre jateula kaisei fafara te blahi ia eghu, eghuteuna sisiri gna fafara tuana ginauna fagleꞌa ghau iara.

Naba 28:31

Neubane edi ghotilo fafara igre leghu rane, ghotilo ginauna fafara fodu u fafara gna narane biꞌo na balugna fafara waen na. Eghuteuna ghotilo ginauna famane vahidi glepo te tautagure kate theo kaisei thona ba thubu teu ka thinidire.”

Naba 29:6

Neubane edi ghotilo keha fafara re ka narane ululahu gna nhigra tuana, eghuteuna neubane edi ghotilo u fafara te edi koba ghotilo leghu rane leghudi nodi vetula mare re, ghotilo mala edi ngala u fafara te blahi na ka narane tuana, nei sisiri gna fafara tuana te ginau fagleꞌa ghau iara na.”

Naba 29:11

Eghuteuna ghotilo ginau falehe nanigot nalhaꞌugna na ka fafara na mala ke doglo ghotilo tathagu iara na. Neubane eni ghotilo kaisei fafara te nhogri ngau ka nanigot na mala atha koko nakhibomire, nei fafara te edi koba ghotilo leghu rane ra, ghotilo mala eni ngala u fafara eigna narane biꞌo igne.”

Naba 29:16

Ghotilo jaola mala falehe kaisei nanigot nalhaꞌugna ka fafara na mala ke doglo ghotilo ka tathagu iara na. Neubane edi fabrahu ghotilo fafara te gnafa igre leghu rane, ghotilo mala eni ngala fafara igne.

Ululahu Kronikols 16:40

Nodi gloku mare na mala hata tharai leghu narane hamerane grafi, mare gahu fafara ka olta leghuni vetula teke tusu lao Lord ka naiknodi Israel tifa.

Fapea Kronikols 8:13

Mana fafara koba ka narane blahire leghuni unha te chekeni ka nogna Vetula mae Moses. Tulao ka Narane Sabat, Gaghamu Khafa, nei thilo gaghamu te edi mare leuleghu finogha, Narane biꞌo eigna Bret te Theo Isi gna, Narane biꞌo eigna Fitu Wik, nei Narane biꞌo Eigna te Au ka Grorofe Ikoi.

Esra 3:5

Ke leghugna narane biꞌo igne, mare eni fafara te krono fara igne leuleghu hamerane grafi mala tufru soruni Lord. Eghuteuna mare fafara ka Gaghamu Khafa, nei ka keha nogna narane biꞌo Lord. Mare jaola edi fafara te mala tufru soruni Lord leghuni unha te magnahagheni mare na.

Profet Emos 4:4

Lord ne cheke eghu, “Ghotilo naiknomi Israel ra, ghotilo tei tarai koba ka namono Betel, nu ghotilo eni koba puhi te diꞌa na ka vido te blahi na. Ghotilo tei tarai koba ka namono blahi Gilgal, nu neuba ghotilo ne edi igre, nu ghotilo raꞌe salaꞌui ka puhi te diꞌa na. Leuleghu hamerane na, ghotilo hata mei gano mala fafara ka iara, eghuteuna ghotilo tusu mei ka iara fabothodi nomi gobigna lepore ka fatilo narane na.

Profet Daniel 8:11

Hona ikoi igne ne fafnaknoni thegna, eghuteuna mana ne cheke faparini God mae ihei te funei ka armi gna kligna na. Mana jaola lhotidi naiknore te fafara leghu narane ka God na. Eghuteuna mana goigonini nogna Sugablahi mana na.