Naba 28:26 - Buka Blahi Ka Cheke Holo

²⁶ Lord ne cheke eghu, “Ka narane ululahudi Gaghamu ka Fitu Wik, kate fafara mei ghotilo gano teke atha ka nomi nagare ra, tuana kaisei narane blahi mala mei khapru ghotilo mala kilo fnakno ghau iara, eghuteuna ghotilo jaola mala gnafa ka narane tuana.

Naba 28:26 ပူးပေါင်းရင်းမြစ်များ

Eksodas 34:22

“Ka narane te tei atha wit saro ulu ka nomi nagare are, leuleghu fata na ghotilo eni gaghamu ka Narane Biꞌo gna Fitu Wik. Eghuteuna ka narane igne gloku ka nagare ra ginauna hui, ghotilo jaola mala eni Narane biꞌo te mala Au ka Grorofe Ikoi.

Eksodas 23:16

“Ghotilo mala jaola ke ghatho fapuloni narane biꞌo teke funu atha gano majaghani teke joꞌu ghotilo ka nomi nagare ra. “Nei ghotilo mala ke ghatho fapuloni narane biꞌo teke au teku ghotilo ka suga tapuale ra, ghotilo neke kulu ukli sisi grep mala eni waen nei oliv mala eni oliv oel neku neke thokei mei nga ka nhigra nakhete na.

Levitikas 23:10

“Kate tei ghotilo te au ka glose nate tusu ari iara ka ghotilo na, ghotilo mala hata mei ka pris gano saro ulu teke hata ghotilo ka nomi nagare ra.

Ululahu Korin 15:20

Nu tutuani fara God neke fakarha fapuloni Kraes kau glehe. Eghuteuna igne kaisei fagaglana eigna God nate fakarha fapulodi naikno te gnafa teke fatutuani ni mana tela lehehira ginauna.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Naba 28:18

Uve, ka narane ululahu gna gaghamu igne, ghotilo ginauna khapru mei mala kilo fnakno ghau iara, nei ghotilo jaola mala gnafa.

Naba 28:27

Eghuteuna ka narane igne, ghotilo ginauna gahu fafara te siri famane gna na mala gleꞌa iara. Ghotilo ginauna fafara phei buluka nalhaꞌudi te majaghani, nei kaisei sipu nalhaꞌugna, eghuteuna fitu sipu nalhaꞌudi te ikodi te kaisei finoghadi are eghu.

Naba 29:1

Lord ne cheke eghu, “Leuleghu finogha, ka narane ululahu gna fafitu nhigra na, tuana kaisei narane blahi tulao mala mei khapru ghotilo mala kilo fnakno ghau iara. Eghuteuna ka narane tuana na, ghotilo mala thosei loku, naugna narane tuana kaisei narane biꞌo mala ifu trampet.

Eksodas 12:16

Ka narane ulu lahu na nei ka fa fitu narane na teuna, ghotilo mala khapru mala tarai. Ghotilo mala thosei eni kaisei gloku ka phei narane igre. Nu gloku te snakreni iara te mala eni ghotilo ka phei narane igre na te mala kaikaliti ghemi gano na kolho.

Levitikas 23:8

Eghuteuna leuleghu narane ka fitu narane gna narane biꞌo igne, ghotilo mala fafara mala tusu mei jateula glepo blahi eghu ka iara Lord. Ka fafitu narane gna narane biꞌo igne keha narane blahi na mala kafe khapru mei ghotilo mala kilo fnakno ghau iara. Eghuteuna ka narane igne ghotilo mala jaola theome loku.”