Naba 28:14 - Buka Blahi Ka Cheke Holo

^14-15 Fafara buluka na balu phei lita waen, eghuteuna keha phei lita waen re fafara balugna keha buluka na. Fafara mei kaisei nei vido lita waen na balu sipu nalhaꞌugna na. Eghuteuna fafara mei kaisei lita waen na baludi bukrei sipu ikodi are. Ghotilo ginauna falehe kaisei nanigot nalhaꞌugna ka fafara na mala ka doglo ghotilo ka tathagu iara na. Neubane edi fabrahu ghotilo fafara te gahu gre leghu rane, ghotilo ginau eni fabrahu ngala fafara gna khafa na ka narane ululahudi bukrei nhigra re.”

Naba 28:14 ပူးပေါင်းရင်းမြစ်များ

Naba 28:13

Eghuteuna ghotilo ginau gahu fitu sipu ikodi ra, fafara fodu bukrei sipu ikodi re balugna kaisei kilo flaoa ka wit te famane teke ngingo ghotilo balugna oliv oel ia. Glepo igre kaisei fafara blahi fara ka khaꞌaghi, nei sisiri gna na ginauna fagleꞌa ghau iara.

Naba 15:9

uve, mana ginauna atha thilo kilo flaoa gna wit te famane te ngingo mana balu phei lita oliv oel naugna tuana fafara eidi gano ka thobi re.

Naba 28:7

Eghuteuna kate eni ghotilo fafara igne, ghotilo ginauna ka tofa lao kaisei lita waen ka olta na mala mei fafara tuana ka iara.

Naba 29:18

Fafara gobi lepo tuare baludi keha fafara wit nei waen are jateula teke eni ghotilo ka narane ululahu ra eghu.

Esra 3:5

Ke leghugna narane biꞌo igne, mare eni fafara te krono fara igne leuleghu hamerane grafi mala tufru soruni Lord. Eghuteuna mare fafara ka Gaghamu Khafa, nei ka keha nogna narane biꞌo Lord. Mare jaola edi fafara te mala tufru soruni Lord leghuni unha te magnahagheni mare na.

Profet Isaia 1:13

Iara theome magnahaghedi fafara te famei fabrahu ghotilo ka iara igre. Kate gnanghodi iara nomi insens ghotilo igre, iara thono rogu luꞌadi fara. Eghume, naugna te edi fabrahu ghotilo puhi te diꞌa igre, iara jaola theome magnahaghei te filodi Gaghamu Khafa, nei Narane Sabat nei keha narane teu te khapru te faidu ghotilo are.

Profet Jeremaea 48:35

Iara ginauna theome snakredi naiknodi Moab igre mala fafara ba gahu insens ka nodi god re.” Igne cheke gna Lord.

Profet Esikiel 46:4

Ka narane Sabat, king ginau hata mei namno sua sipu nei kaisei sipu nalhaꞌu gna, te theo kaisei thona ka thinigna na, mala eni fafara te thofno krono na.

Profet Joel 1:13

Ghotilo mae pris te mala fafara ke kligna olta ra, ghotilo pipichi ka pohe te thona, fagaglanagna te diꞌanagnafa ghotilo na. Ghotilo tei tanhi ghilei rane ka Sugablahi gno, naugna gognaro na theo kaisei gano, ba waen te mala fafara ka noda God na.