Naba 28:11 - Buka Blahi Ka Cheke Holo

¹¹ Lord ne cheke eghu, “Ka narane ululahudi leghu nhigra re, ghotilo ginauna gahu fafara malagu iara. Ghotilo ginauna fafara phei buluka majaghani, kaisei sipu nalhaꞌugna nei fitu sipu nalhaꞌudi te kaisei finoghadi te theo thubu ka thinidire are eghu.

Naba 28:11 ပူးပေါင်းရင်းမြစ်များ

Naba 10:10

Eghuteuna kate gleale'a ghotilo na, ghotilo ginauna eni gaghamhu khafa nei keha gaghamhu are, eghuteuna ghotilo jaola mala ifu phei nifu are ke klignadi glepo te fafara te knoro nei fafara fagaglana gna te au fakeli ghotilo balugu iara na. Naoglagna nifu gne mala ke ghathoni ghotilo eigna iara te nomi Lord God ghotilo na.”

Profet Esikiel 46:6

Eghuteuna ka Gaghamu Khafa na, king mala hata mei kaisei sua buluka nalhaꞌu gna, nei namno sua sipu, nei kaisei sipu nalhaꞌu gna te theome au kaisei thona ka thini gna na, mala fafara mei ka iara.

Kolose 2:16

Eghume, thosei snakreni kaisei naikno mala lilisei kaisei vetula ranghi ghami eidi gano nei khoꞌu ba narane Sabat ba gaghamu eigna glaba majaghani ba keha narane tuthuana teu are.

Profet Hosia 2:11

Iara ginauna na theome snakredi ka naꞌa narane gaghamu khafa, narane Sabat, nei keha nafnata gaghamu biꞌo te tei tarai koba naꞌa leuleghu finogha ka mumuju are.

Esra 3:5

Ke leghugna narane biꞌo igne, mare eni fafara te krono fara igne leuleghu hamerane grafi mala tufru soruni Lord. Eghuteuna mare fafara ka Gaghamu Khafa, nei ka keha nogna narane biꞌo Lord. Mare jaola edi fafara te mala tufru soruni Lord leghuni unha te magnahagheni mare na.

Fapea Kronikols 2:4

Uve, iara gognarona tarabana mala horo kaisei Sugablahi mala tarai nei tufru soruni eghu Lord nogu God, nei mala gahu insens te famane sisiri keligna fara. Eghuteuna ghehati ginauna fafara bret blahi na ka Lord leuleghu narane, hamerane nei grafi, ka narane Sabat, nei ka Gaghamu Khafa, nei ka keha nogna narane blahi God. Ghehati ginauna gahu fafara ka Sugablahi igne mala ghatho tahuni Lord. Eghuteuna ghehati ginauna eni igne fabrahu leghuni unha teke chekeni Lord.

Ululahu Kronikols 23:31

Mare eni nafnata puhi igne kate gahu fafara ka narane Sabat, nei ka Gaghamu Khafa, nei ka keha narane biꞌo mala tarai. Mae igre edi gloku ka Sugablahi na leghuni thofno naba te magnahagheni mare na nei leghuni kastom gna gloku na.

Ululahu Samuel 20:5

Aonu mae Devet ne cheke eghu, “Nathuꞌu na gaghamu gna u khafa ia. U narane te mala ghamu iara balugna king. Nu jame theome keli te au iara ka gaghamu na teu iagho gaoghathomu na, iara ginauna tei poru ka nagare gno ghilei grafi nauriha.

Kolose 2:6

Ghotilo hatahi mae Jisas Kraes jateula nomi funei eghu, eghume ghotilo mala leghuni fabrahu puhigna mana na.

Galesia 4:10

Leghu fata na ghotilo tathaji u narane tuthuana, khafa majaghani nei keha nafnata narane ulu ka finogha.

Profet Emos 3:5

Jame kaisei phighoro theo kaisei vido gano te mala chaghini khokorako na, na faꞌunha eghu ruma lamna khokorako na? Na faꞌunha eghu prasa phighoro na jame te theome ruma kaisei nanghaji tagna na?

Profet Esikiel 46:1

Lord God neke cheke eghu, “Ka namno narane igre mala loku, grengatha ke maghati gna glalaba ikoi rhegna nogu Sugablahi iara igne mala bobotho. Ghotilo ginauna tothora kolho ka narane Sabat nei ka Gaghamu Khafa.

Profet Isaia 66:23

Ka Gaghamu Khafa leuleghu nhigra, nei narane Sabat te gnafa teu igre, naiknodi kantri te gnafa igre ginauna mei pogho soru ka iara agne Jerusalem.

Nodi Khoje Hatimare Mae Jiu 81:3

Kau gaghamu khafa nei kau gaghamu glaba rane teu igre tahati kufli mala fufunu tharai na.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Nodi Khoje Hatimare Mae Jiu 40:6

Iagho theome magnahaghei fafara ba toreni kaisei bosu mala gahu ke kligna olta mala hata koko nakhibo. Nu iagho tusu mei khuli ka iara mala tangomana iara te nomhidi nei leghudi teu nou cheke iagho re. Igne unha te magnahaghei iagho te mala eni iara na.

Nehemaea 10:33

Sileni igne mala foli Bret Blahi te mala lilisei ke kligna tevo ka Chogho Blahi na, nei famane wit mala fafara nei fafara te gahu te krono fara te mala edi ghehati phia fata leuleghu narane, nei fafara ka narane Sabat, nei Gaghamu Khafa, nei keha gaghamu, nei keha fafara blahi, nei fafara te mala doglo ghehati maemi Israel ka tathagna Lord, nei keha glepo te mala loku ka nogna Sugablahi God.

Fapea Kings 4:23

Nu mae khetogna na ne cheke eghu ka naꞌa, “Naugna unha sagho te magnahaghei tei ngala gognaro gnea? Theome narane Sabat, nei theome narane khafa la ngau eghu.” Naikno biꞌo igne ne cheke eghu, “Thosei nanga nou. Keliu kolho!”

Naba 28:19

Ka narane tuana, ghotilo ginau gahu fafara te blahi tuare: Gahu phei buluka nalhaꞌudi te majaghani, kaisei sipu nalhaꞌugna, nei fitu sipu nalhaꞌudi te theo kaisei thutubu ka thinidire are.

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Ululahu Samuel 9:12

Aonu gaꞌase igre ne cheke eghu, “Uve, mana na au ngala. Mana na la kulu nolo la haghehi ke ulumi ghopa gognarogne. Jame faghosei me tei ghopa meuna, ghopa ginauna tangomana te thokeni mana kate tei ghopa ka grengathagna namono na. Mana jame ao ngala thoke ngau ka namono gognaro na, naugna gognarogne, keha mae ei fafara ka vido blahi na ka thogele holo ke kosigna namono na. Eghuteuna mare ginauna ghamu fodu jare, nu mare theome tangomana te ghamu na ghilei thokeni vido te mala fablahi gna u fafara na. Jame faghose ghopa meuna, ghopa ginauna tangomana te deni mana kate theome haghe nga teu mana ka thogele na.”

Fapea Kronikols 8:13

Mana fafara koba ka narane blahire leghuni unha te chekeni ka nogna Vetula mae Moses. Tulao ka Narane Sabat, Gaghamu Khafa, nei thilo gaghamu te edi mare leuleghu finogha, Narane biꞌo eigna Bret te Theo Isi gna, Narane biꞌo eigna Fitu Wik, nei Narane biꞌo Eigna te Au ka Grorofe Ikoi.

Profet Esikiel 46:7

Mana mala famei nabotho nhana kilo wit ba bali balugna sua buluka nalhaꞌu gna, eghuteuna mana mala jaola te eni jateula sipu nalhaꞌu gna tuana eghu. Ka sipu te gnafa igre, mana tangomana te hata niha wit ba bali te magnahaghei te mala tufa na. Eghuteuna mana mala tufa fati lita oliv oel, mala baludi nabotho nhana kilo wit ba bali igre.

Profet Emos 8:5

Leuleghu fata na ghotilo cheke eghu, “Niha nau gnafa nga Narane gaghamu biꞌogna Khafa gnea, mala sabiri tahati noda wit gre? Te keli na narane Sabat gne jame nabagna na ghosei gnafa, mala tangomana tahati te sabiri noda gobigna lepo gre. Eghuteuna tahati ginauna tugha haghe noda praes na eghuteuna tahati famamhaku skel gre mala chaghidi iheire te foli ka tahati gre.

Fapea Kronikols 2:3

Eghuteuna mae Solomon riso tei ka mae Haeram, king gna namono biꞌo Taea. Mana ne cheke eghu ka letas igne, “Iara magnahaghei nigho iagho te togho ghau iara jateula te sughu edi iagho ka mae kmagu iara Devet tifa ra eghu, iagho neke toghoni mana neke famei thaba gaju sida ka mana neke horo nogna suga ra.

Nodi Khoje Hatimare Mae Jiu 81:4

U vetula teke tusu mei God ka tahati vikegna Israel igne ngala u vetula te mala leghuni tahati na.