Naba 28:1 - Buka Blahi Ka Cheke Holo

¹ Lord ne cheke eghu ka mae Moses,

Naba 28:1 ပူးပေါင်းရင်းမြစ်များ

Naba 27:23

aonu mana habo lao khamegna na ka phaꞌugna mana ne taraini, nei cheke fajifla eigna mae Josua ginau teke batudi naikno gna Israel na. Tuana unha glepo teke chekeni Lord mala eni mana teku na.

Naba 28:2

“Iagho na tonu lao nogu cheke iara gre ka naiknodi Israel: Leuleghu fata kate mala edi fafara re, ghotilo mala fafara nogu fafara blahi iara na mala mei sisiri gna te keli na nei gleꞌa iara eghu.

Levitikas 9:15

Ke leghu mae Eron ne fafara maladi naiknore. Mana atha nanigot na ne aknu falehe ne fafara mala doglo naiknore ka tathagna Lord, jateula teke enihi mana malagna thegna.

Ululahu Kronikols 23:31

Mare eni nafnata puhi igne kate gahu fafara ka narane Sabat, nei ka Gaghamu Khafa, nei ka keha narane biꞌo mala tarai. Mae igre edi gloku ka Sugablahi na leghuni thofno naba te magnahagheni mare na nei leghuni kastom gna gloku na.

Fapea Kronikols 2:4

Uve, iara gognarona tarabana mala horo kaisei Sugablahi mala tarai nei tufru soruni eghu Lord nogu God, nei mala gahu insens te famane sisiri keligna fara. Eghuteuna ghehati ginauna fafara bret blahi na ka Lord leuleghu narane, hamerane nei grafi, ka narane Sabat, nei ka Gaghamu Khafa, nei ka keha nogna narane blahi God. Ghehati ginauna gahu fafara ka Sugablahi igne mala ghatho tahuni Lord. Eghuteuna ghehati ginauna eni igne fabrahu leghuni unha teke chekeni Lord.

Fapea Kronikols 8:13

Mana fafara koba ka narane blahire leghuni unha te chekeni ka nogna Vetula mae Moses. Tulao ka Narane Sabat, Gaghamu Khafa, nei thilo gaghamu te edi mare leuleghu finogha, Narane biꞌo eigna Bret te Theo Isi gna, Narane biꞌo eigna Fitu Wik, nei Narane biꞌo Eigna te Au ka Grorofe Ikoi.

Fapea Kronikols 23:18

Eghuteuna Jehoada ne vahidi keha mae pris ka vikegna mae Livae mala filodi gloku ka nogna Sugablahi Lord. Nodi gloku mare na mala edi gloku teke tusu lao King Devet ka kuꞌedi mare tifa ra. Aonu mare koje nei glealeꞌa fara neu kate gahu fafara ka Lord jateula te chekeni ka nogna Vetula mae Moses naia neu.

Fapea Kronikols 31:3

Aonu king ne famei sipu ba buluka mala gahu fafara leuleghu hamerane nei grafi, nei ka narane Sabat, nei ka Gaghamu Khafa, nei ka keha gaghamu te au ka nogna vetula Lord.

Esra 6:9

Jame mae pris di Jerusalem igre magnahaghedi keha buluka majaghani, ba sipu nalhaꞌudi, ba sua sipu nalhaꞌudi eghu mala fafara ka God gna kligna, ba wit, ba solt, ba waen, ba oliv oel, ghotilo tusu lao ka mare leuleghu rane.

Nehemaea 10:33

Sileni igne mala foli Bret Blahi te mala lilisei ke kligna tevo ka Chogho Blahi na, nei famane wit mala fafara nei fafara te gahu te krono fara te mala edi ghehati phia fata leuleghu narane, nei fafara ka narane Sabat, nei Gaghamu Khafa, nei keha gaghamu, nei keha fafara blahi, nei fafara te mala doglo ghehati maemi Israel ka tathagna Lord, nei keha glepo te mala loku ka nogna Sugablahi God.

Profet Isaia 1:13

Iara theome magnahaghedi fafara te famei fabrahu ghotilo ka iara igre. Kate gnanghodi iara nomi insens ghotilo igre, iara thono rogu luꞌadi fara. Eghume, naugna te edi fabrahu ghotilo puhi te diꞌa igre, iara jaola theome magnahaghei te filodi Gaghamu Khafa, nei Narane Sabat nei keha narane teu te khapru te faidu ghotilo are.

Profet Esikiel 44:24

“Eghuteuna jame naiknore fari pholai, mae pris mala leghuni nogu vetula iara na mala fadoglini ka mare fapholai igne. Mare mala tajidi nogu gaghamu iara re, leghuni unha te chekeni ka nogu vetula iara na, eghuteuna tajini narane blahi Sabat.

Profet Esikiel 45:17

King igne ginauna hata mei fafara te thofno krono fara na, eghuteuna fafara ka flaoa ka famane wit, nei fafara teke tofa waen naikno rhegna olta na. Fafara igre ginauna mala Gaghamu Khafa, nei narane Sabat, nei keha narane biꞌo te vavahi iara malami ghotilo naiknomi Israel. King ginauna famei glepo igre mala fafara mala ke doglo naikno na ka tathagu iara na, eghuteuna flaoa ka famane wit, nei fafara te thofno krono, nei fafara te mala laseni te au fakeli naikno na balugu iara. Jame te eni ghotilo igne na, ghotilo naiknomi Israel te gnafa igre ginauna doglo ka tathagu iara na.”

Profet Esikiel 46:11

Ka narane gaghamu na, ihei jaola te hata te mei sipu nalhaꞌugna te mala fafara na, mana mala nhaꞌa lao nabotho kilo wit ba bali, balugna buluka nalhaꞌugna, eghuteuna mana mala jaola eni igne ka sipu nalhaꞌugna. Eghuteuna eidi sua sipu igre, mana ginauna tangomana te hata niha wit ba bali te magnahaghei tusu lao na. Eghuteuna mana hata fati lita oliv oel, balu nabotho nhana kilo wit ba bali teke hata teke mei mana na.

Galesia 4:10

Leghu fata na ghotilo tathaji u narane tuthuana, khafa majaghani nei keha nafnata narane ulu ka finogha.

Kolose 2:16

Eghume, thosei snakreni kaisei naikno mala lilisei kaisei vetula ranghi ghami eidi gano nei khoꞌu ba narane Sabat ba gaghamu eigna glaba majaghani ba keha narane tuthuana teu are.