Naba 27:7 - Buka Blahi Ka Cheke Holo

⁷ “Unha glepo te toreni reꞌe tuana, doglou kolho. Kate tufa vido glose ghotilo ka kheragna kmadi reꞌe na, ghotilo jaola tufa keha nodi vido maladi reꞌe. Vido teke nogna kmadi reꞌe na, mala ke tufa lao ka reꞌe.

Naba 27:7 ပူးပေါင်းရင်းမြစ်များ

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Profet Jeremaea 49:11

Nu ghotilo thosei nangadi goro sua te lehe idodi nei kmadi teure. Iara ginauna reireghidi. Eghuteuna goro naikno biꞌo te lehe khetodi ra, rehati tangomana te rouronu ghau iara na.”

Josua 17:4

Gaꞌase igre tei ne filodi pris biꞌo Eliesa ghe mae Josua nei keha nodi lida mae Israel. Reꞌe ne cheke eghu, “Tifa na, neke cheke ka mae Moses mala snakre mei keha glose ka ghehati, mala jateula keha mae thabusimi ghehati te au nodi glose igre eghu, mala jaola ngau ghehati mala au nomi glose themi.” Aonu mae lida igre ne eni unha teke chekeni Lord ka mae Moses tifa ia. Eghuteuna mare ne snakre lao ka rijon aheva hatimare thabusigna te khotogna, mala tangomana mare te au nodi tagna.

Nodi Khoje Hatimare Mae Jiu 68:5

God mae ihei te au teu ka nogna suga te blahi na, mana reireghidi goro sua te glehe kokoi, ba goro gaꞌase te lehe khetodire.

Naba 27:6

Uve, Lord ne cheke eghu ka mana,

Naba 27:8

“Cheke ka naiknodi Israel mala leghudi fabrahu nogu vetula iara igre: Jame lehe kaisei mae, nu mana theo thugna nalhaꞌu eghu, vido mana tuana nake tufa lao ka thugna gaꞌase mana re. Eghuteuna ne theo thugna gaꞌase nga mana nu, vido mana tuana nake tufa lao ka mae thabusigna thegna re. Eghuteuna ne theo thabusigna nga mana nu, vido mana tuana nake tufa lao ka thabusigna mae kmagna re. Nu te theome au thabusigna kolho mae kmagna na, uve, nogna vido mana tuana nake tufa lao ka mae kheragna te namhani fara mana na. Eghume kheragna fofodu mana igne te ginau ke khotogna vido tuana jateula nogna thegna ra eghu.”

Naba 36:6

Eghuteuna unha te chekedi Lord eidi thugna gaꞌase mae Selofehad gre na rehati tangomana te tolaghi ka iheire naikno te magnahaghei thedire, nu rehati mala tolaghi kolho ka tharakna thedire.

Naba 36:5

Aonu Moses ne cheke fajifla nogna cheke Lord re, ne cheke eghu, “Unha te chekedi vikegna mae Manase igre thofno tutuani fara.

Thoutonu Eigna Mae Job 42:15

Theo kaisei gaꞌase te famane te salaꞌui jateula thilo thugna gaꞌase mae Job igre teu ka namono te gnafa ka rijon mare igne. Eghuteuna mae Job ne tufa glose ka retilo igre thofno nanaba ka thabusidi retilo igre.