Naba 27:3 - Buka Blahi Ka Cheke Holo

³ Aonu reꞌe mei ne cheke eghu ka mae biꞌore, “Kmami ghehati na la lehe ka vido te moja na. Mana theome ke leghudi ngala iheire naikno te phile ka mae Kora te mala fadiꞌani Lord na. Mana lehe kolho ka nakhibogna thegna, nei mana theo kaisei thugna nalhaꞌu.

Naba 27:3 ပူးပေါင်းရင်းမြစ်များ

Profet Esikiel 18:4

Mae te gnafa igre nogu iara. Uve, ido nei mama nei goro sua langau teu igre nogu iara. Nu mae ihei te tapla jafra ka nakhibo na, mana ginauna lehe ka nakhibogna thegna.

Naba 14:35

Iara na eni igne ka naikno te diꞌa te mei khapru te buiburi ghau iara igre, mala lehe mare agne ka namono nagou gne. Iara Lord te chekeni igne.”

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Letas Teke Riso Tei Mae Pol Ka Khiloau Rom 5:21

Eghume, neuba ne au nogna nolaghi nakhibo tifa na te mala falehedi naiknore, gognaro na nogna khokofakasai God na au nolaghi biꞌo te mala au doglo tahati ka tathagna thegna na, nei mala hatini u karha fei tifa na ka nogna gloku noda Lord Jisas Kraes.

Letas Teke Riso Tei Mae Pol Ka Khiloau Rom 5:12

Nakhibo na neke thakle mei ka nauthoglu igne leghuni nogna najafra kaisei mae kolho, eghuteuna mana neke lehe eigna nakhibo. Eghuteuna naugna ka nakhibogna mae igne, glehe na neke thakle mei ka tahati te gnafa naikno te thakle mei ke leghugna mana re. Naugna tahati te gnafa na jaola kafe au ka nakhibo.

Jone 8:24

Naugna igne te chekeni iara ka ghotilo na, ‘Ghotilo ginauna lehe baludi nakhibomi are’. Te theome fatutuani ghau iara ghotilo, iara kaisei mae teke karha mei jateula kaisei mae biꞌo teuna, ghotilo ginauna na lehe kau nakhibomire!”

Jone 8:21

Mae Jisas neke cheke eghu ka naiknore, “Iara ginau nake tei koko ghami ghotilo. Eghuteuna ke leghugu iara na, ghotilo ginauna hari ghau iara, nu ghotilo ginauna lehe baludi nakhibomi are. Ghotilo ginauna theome tangomana nate mei thoke ka namono aheva te tei iara na.”

Naba 26:33

Eghuteuna tharakna gna mae Hefa gne ne au kaisei mae, nanghagna na mae Solefehad. Mae Solefehad gne neke theo kaisei thugna nalhaꞌu, nu mana neke au thugna gaꞌase kolho, nanghadire Mala, Noa, Hogla, Milka, nei Tiasa.

Naba 16:49

Nihai te lehe ka narane tuana thokeni nabotho fati thogha, fitu gobi, nu mare theome kahadi iheire teke lehe ka puhigna Kora.

Naba 16:19

Mae Kora ne kilodi mare mala mei kegra ka vido tuana, eghuteuna figri tei ka Moses ghe mae pris Eron ka grengatha gna Sugablahi na. Aonu siasigla gna nogna nolaghi Lord na ne sigla mei ka mare.

Naba 27:4

Ba, te theo thugna kaisei nalhaꞌu mana na, nanghagna mana na ginauna theohi ka tharaknada tahati re sia? Eghume kate tufa vido glose ghotilo ka thabukna ka tharaknami ghehati na, ghotilo jaola tufa mei keha nomi vido ghehati, nu ghehati magnahagheini nanghagna kmami na te karha teuna.”