Naba 27:21 - Buka Blahi Ka Cheke Holo

²¹ Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Naba 27:21 ပူးပေါင်းရင်းမြစ်များ

Ululahu Samuel 28:6

Aonu mana ne tarai ne toreni Lord unha nate eni mana na. Nu Lord ne theome cheke tughuni nogna tharai mana na, eghuteuna theo kaisei cheke tughu te mei ka mifi, ba ka hatimare mae pris, ba ka hatimare mae profet.

Josua 9:14

Mae Josua baludi mae Israel igre ne ima gano hata teke mei mare igre. Nu mare theome kulu ghusnani Lord.

Eksodas 28:30

Eghuteuna mana mala lilisei phei thina igre, Urim ghe Tumim, lamna ka paos te babaꞌo mana ka babango gna na igne, mala au fabrahu ka babango gna mana na kate mei mana te kegra ke ulugu iara. Ka puhi igne, leuleghu fata ke ulugu iara na mana kegra haghe ulu ka vido te au iara na, mana ginauna tangomana te atha phei thina igre mala laseni iagho unha iara Lord iara magnahaghei te eni iagho na.”

Nehemaea 7:65

Eghuteuna gavana gna provins na jaola theome snakredi mare te ghamu gano blahi ka Sugablahi na, ghilei thokeni narane kaisei mae pris te tangomana te hata phei glepo Urim nei Tumim, mala laseni gaoghathogna God na.

Esra 2:63

Eghuteuna mae gavana gna provins na jaola ne theome snakredi mare te ghamu ka Sugablahi na u gano blahi igne, ghilei thoke ka narane kaisei mae pris te hata Urim ghe Tumim, mae pris gre tangomana te hironi gaoghathogna God na ka phei glepo igre.

Ululahu Samuel 30:7

Aonu mana tei ne filoni mae pris Abiata, thugna mae Ahimelek. Aonu mana ne cheke eghu ka mae Abiata, “Atha mei efod blahi ia mala tarai ka Lord.” Aonu mae Abiata atha ne mei phoko blahi igne.

Ululahu Samuel 23:9

Nu kate nomhini mae Devet thoutonu eigna mae Sol te magnahaghei faleheni na, mae Devet ne cheke eghu ka mae pris Abiata, “Atha mei efod ia mala tarai ka Lord.”

Jajis 20:18

Ame tei nga ka magra teuna maedi Israel igre ne tei Betel mala toreni God, mare ne tarai eghu, “Ihei ka ghehati nate tei magra ka vikegna Benjamin igne?” Lord ne cheke eghu, “Vikegna Juda nate batu ghami ghotilo na.”

Jajis 1:1

Ke leghugna te lehe mae Josua na, naiknodi Israel igre ne ghusna eghu ka Lord, “Vikegna ihei gne nate kulu tei magra ka naiknodi Kenan igre?”

Diutronomi 33:8

Vikegna mae Livae, ghotilo mae pris te hata phei nogna thina Lord te kilodi Tumim ghe Urim. Lord laseni te ghotilo kolho te doglo kani teke fariuriu ghami mana namono Masa nei ka khoꞌu Meriba.

Naba 27:17

Mala nu kulu ulu mana me batu fajifladi ba ke pulo mei eghu, jateula mae ihei te batudi mare ka magra ra eghu. Na eghunu fiti au tafri nou naikno iagho gre jateula sipu te theo ihei nga reireghidira eghu.”

Levitikas 8:8

Aonu mae Moses atha paos na ne fagefe lao ka babangogna mae pris biꞌo na, mana famaku lao ke ulu ka efod na, eghuteuna mana atha phei thina te kilodi mare Urim ghe Tumim igre ne hono lao lamna ka paos igne.

Naba 27:5

Aonu mae Moses tei ne facheke nodi gaoghatho reꞌe re ka Lord.

Naba 27:20

Iagho ginauna tufa lao nou nolaghi re ka mana, mala nu leghuni nei ghatho tahuni eghu naiknore eghu.

Naba 27:22

Mae Moses ne eni jateula teke chekedi Lord ka mana re. Mana ne tathaleini mae Josua mala mei fakegra ka tathagna mae pris Eleasa baludi naiknore,

Ululahu Samuel 14:19

Kate cheke teu mana ka Pris Ahaeja igne, mare ne nomhi teini naoglagna armi gna Filistia, aonu mae Sol ne cheke eghu, “Theo, iagho lilisei au Bokis Blahi na! Tahati theome snagla!”

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Diutronomi 31:3

Nu Lord ginauna tei ke ulumi ghotilo, eghuteuna mana ginauna goigonidi naikno te au ka glose nate tei ghotilo tagna na, eghuteuna ghotilo ginauna khotodi gobigna lepo te au ka nodi glose mare re. Gognarona mae Josua ginauna nate nomi mae lida ghotilo na jateu tela chekenihi Lord ia eghu.