Naba 27:17 - Buka Blahi Ka Cheke Holo

¹⁷ Mala nu kulu ulu mana me batu fajifladi ba ke pulo mei eghu, jateula mae ihei te batudi mare ka magra ra eghu. Na eghunu fiti au tafri nou naikno iagho gre jateula sipu te theo ihei nga reireghidira eghu.”

Naba 27:17 ပူးပေါင်းရင်းမြစ်များ

Profet Esikiel 34:5

Nogu sipu iara igre snivi tafri naugna theo kaisei mae greireghi sipu te reireghidi re, eghuteuna lion tangomana te kathi falehedi te ghamu ghedire.

Nonomho Te Keli Teke Risoi Mae Mak 6:34

Kate longa mae Jisas mata na, mana ne filoni kaisei nakhapru biꞌo ofo neu jare. Mae Jisas ne kokhoni nognadi, naugna mare ne jateula sipu te theo kaisei naikno te reireghidi ra neu. Aonu mana ne funu farirhiudi kmana glepo naba te mala lasedi mare re.

Ululahu Kings 22:17

Aonu mae Maekaea ne cheke eghu, “Iara ginauna chekeni ka iagho unha te filoni iara ka mifi na. Ka mifi igne iara ne filodi soldia te gnafa Israel igre ne thofa tafri ke kligna thogele jateula sipu te theo kaisei mae te mala reireghidi ra neu. Eghuteuna Lord ne cheke eghu, ‘Mae soldia igre theo kaisei nodi mae lida te keli. Nu te keli na mare tei ka namono, naugna magra na la gnafahi.’ ”

Matiu 9:36

Kate filodi mae Jisas naiknore, mana ne kokhoni nognadi fara. Naugna mare ne thono nanga nodi fara, nu theo kaisei naikno te toghodi, jateula sipu te theo kaisei naikno te mala reireghidi ra neu.

Profet Sekaraea 10:2

Nu naiknore toreni mumuju god mala toghodi, eghuteuna mare toreni mae khaekae mala chekeni unha nate thoke mei na. Nu cheke tughu te eni mana na khogla chaghi kolho. Mare rurutha gaoghathodi mifi re, nu mare khogla chaghidi kolho mare. Mare edi igre ka naiknore mala fatutuanidi glepo te theome tangomana nate toghodi naiknore. Naugna igne, naikno igre tei tafri jateula sipu te snivi mata ra eghu. Uve, mae igre papara jateula sipu te theo kaisei naikno te reireghidi ra eghu.

Fapea Kronikols 1:10

Iara magnahaghei nigho iagho te tusu mei gaoghatho te keli nei glalase eghu ka iara, mala tangomana iara te batudi nei saghe leghudi teu nou naikno iagho igre ka puhi te doglo.”

Diutronomi 31:2

Mana ne cheke eghu, “Gognarona iara la kuekuꞌe fara, iara la thokeni hi kaisei gobi varadaki finogha. Iara na theome tangomana nate batu ghami ghotilo na. Eghuteuna Lord nomi God ghotilo na neke cheke ka iara, eigna iara ginauna theome tangomana nate tei kasa ka Khoꞌu biꞌo Jordan.

Ululahu Kings 3:7

“Lord, nogu God, iagho neke vahi ghau iara mala hata sapegna mae kmagu. Nu iara jateula sua eghu theome tangomana te funei frunidi naiknore.

Ululahu Samuel 18:13

Aonu mana ne vahini mae Devet mala nodi komanda kaisei thogha mae soldia. Leuleghu fata na mana theome magnahaghei te filoni mae Devet, aonu mana kuruni mae Devet mala tei ka magra. Mae Devet ne batudi kaisei thogha soldia ne tei ka magra.

Ululahu Samuel 8:20

Ghehati magnahagheni kantri tahati igne te jateula keha kantri are eghu. King igne tangomana te batu ghita ka magra na.”

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.

Jone 10:9

Iara gne jateula u grengatha eghu. Naikno te ruma mei ka iara na, mana ginauna tangomana te ludeni u vido te keli na. Eghuteuna mana ginauna tangomana nate ruma mei nei jifla teu kau nasnagla na. Eghuteuna mana ginauna ludedi u glepo te keli te malagna u nakarhagna na.

Matiu 15:24

Mae Jisas ne cheke eghu, “God neke kuru mei ghau iara mala mei fakarhidi naiknodi Israel gre kolho, naugna mare jateula sipu te theo greireghidi ra eghu.”

Matiu 10:6

Nu ghotilo tei ka naiknodi mae Israel. Mare la snivihi jateula sipu eghu.

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Fapea Kronikols 18:16

Aonu mae Maekaea ne cheke eghu, “Uve, iara ginauna chekeni kaisei glepo ka iagho. Iara la filonihi ka nogu mifi na, armigna Israel na la rikiraka tafrihi ke klignadi thogelero jateula sipu te theo ihei nga te reireghidi ra neu. Eghuteuna Lord na neke cheke eghu, ‘Soldia igre theo nodi funei. Te keli na mare ke sopa figri ka namonodi re kau pharikeli, naugna magra na la gnafahi.’ ”

Fapea Samuel 5:2

Tifa na, mae Sol ia neke noda king tahati ngala, iagho teke batudi mae Israel gre teke tei ka magra na. Eghuteuna Lord na neke cheke eghu ka iagho, ‘Iagho ginauna mala batudi nei reireghidi eghu nogu naikno iara Israel igre, eghuteuna iagho mala nomi king ghehati gnafa.’ ”

Fapea Kings 11:8

Ghotilo ginauna mala reireghini King Joas balu naflahi, eghuteuna ghotilo tei balugna aheva te tei mana na. Jame ihei te mei namo ka mana na, ghotilo aknu falehe mae tuana.”