Naba 27:16 - Buka Blahi Ka Cheke Holo

¹⁶ “Lord, iagho ngala God te funei frunidi iheire naikno te karha igre, eghume iagho vahini kaisei mae mala ke batudi naiknodi Israel gre.

Naba 27:16 ပူးပေါင်းရင်းမြစ်များ

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Hibru 12:9

Neubane para ghita koba mae kmada te gnafa ka nauthoglu gne, tahati ghatho tahudi koba mare. Naugna igne thofno keli fara tahati te leghuni mae Kmada te au kligna na mala au ka karha balugna mana.

Profet Jeremaea 3:15

Iara ginauna vavahi keha mae te keli ka iheire te leghuni puhigu iara na mala batu ghami ghotilo.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Jone 10:11

“Iara ngala thofno mae greireghi sipu te keli na, te snakreni karhagu na mala lehe ranghidi nogu sipure.

Matiu 9:38

Ghotilo tore ka God, mae khotogna nagare na, mala kuru mei kmana mae gloku mala toutonuni Nonomho te Keli igne, nei toghodi mare mala fatutuani ghau iara. Kate tei loku na, mare jateula mae te tei pulei gano ka nagare ia eghu.”

Profet Esikiel 37:24

“ ‘Iara ginauna vahini kaisei mae ka vikegna nogu mae gloku iara King Devet mala kaisei mae king biꞌo, eghuteuna mana ginauna reireghi fakelidi mare jateula mae ihei te reireghi fakelidi nogna sipu ra eghu. Eghuteuna mare ginauna leghu fakelidi nogu vetula nei nogu cheke teu iara re.

Profet Esikiel 34:23

Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.

Ululahu Samuel 12:13

Eghume, igne mae king teke magnahagheni ghotilo na. Ghotilo neke tanhi nomi king, eghuteuna Lord na la vahinihi mana te mala nomi king ghotilo na.

Diutronomi 31:14

Aonu Lord ne cheke eghu ka mae Moses, “Gognarona, nou narane te mala lehe iagho na la namohi. Kilo meini mae Josua mala mei ka nogu Suga Tapuale te Blahi iara na. Eghuteuna iara ginauna fablahi ni mana jare mala nodi lida mae Israel.” Aonu mae Moses ghe mae Josua ne tei ka Suga Tapuale te Blahi na.

Ululahu Kings 5:5

Eghume, gognarona iara magnahaghei te babana kaisei Sugablahi te mala kilo fnaknoni nanghagna Lord nogu God, jateula Lord teke chekeni mana ka mae kmagu iara Devet. Lord neke cheke eghu ka mana, ‘Mae thumu iagho mae ihei nate gnokro ka sape nafnakno te mala tughu nigho iagho igne ginauna babana Sugablahi te mala kilo fnaknoni nanghagu iara na.’

Naba 27:15

Aonu mae Moses ne tarai,

Fapea Kings 11:8

Ghotilo ginauna mala reireghini King Joas balu naflahi, eghuteuna ghotilo tei balugna aheva te tei mana na. Jame ihei te mei namo ka mana na, ghotilo aknu falehe mae tuana.”

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Profet Jeremaea 32:27

“Iara Lord, nodi God naikno te gnafa ka nauthoglu igne. Theo kaisei glepo te ninhigrana ranghi ghau iara na.

Profet Jeremaea 38:16

Nu King Sedekaea ne cheke faꞌikoi ka mae Jeremaea ne eni kaisei nhaꞌa cheke, ne cheke eghu, “Iara eni nhaꞌa cheke igne ka nanghagna Lord mae ihei te karha te tifa, nei tusu ranghi ghita u karha: Iara ginauna na theome falehe nigho iagho, eghuteuna iara ginauna na theome snakre lao nigho ka khamedi mae iheire te magnahaghei falehe nigho iagho igre.”

Profet Esikiel 18:4

Mae te gnafa igre nogu iara. Uve, ido nei mama nei goro sua langau teu igre nogu iara. Nu mae ihei te tapla jafra ka nakhibo na, mana ginauna lehe ka nakhibogna thegna.