Naba 26:62 - Buka Blahi Ka Cheke Holo

⁶² Eghume khaputudi mae nalhaꞌu ka vikegna mae Livae te funu kaisei nhigra te haghe re, ne thokeni varadaki thilo thogha. Nu mare neke theome kaha fodu vikegna mae Livae gre baludi keha vike are, naugna God theome tufa lao kaisei vido glose ka mare jateula te tufa mana ka keha vike are eghu.

Naba 26:62 ပူးပေါင်းရင်းမြစ်များ

Diutronomi 10:9

Naugna igne mae Livaet gre theo thufadi ka glepo ba vido glose jateula keha vikedi Israel te au thufadi ba au nodi vido glose teu igre eghu. Naugna Lord nomi God ghotilo igne mana la chekehi ka mare te mana tangomana te tusu lao gobigna lepo te nabadi mare te mala karha tagna na.)

Naba 3:39

Eghume khaputudi mae ka vikegna Livae teke cheke Lord ka mae Moses ghe mae Eron mala kaha leghudi tharaknagna mana te vuha ka mae sua nalhaꞌu te kaisei nhigra te haghe na, thokei varadaki phei thogha.

Naba 1:49

“Kate kahadi iagho mae iheire te nabadi te mala magra na, iagho thosei kahani vikegna mae Livae baludi keha vike are.

Josua 14:3

Glose ka keha phile ke maghati Khoꞌu biꞌo Jordan igne, mae Moses neke tufahi ka phei vikedi mare balugna keha vido vikegna mae Manase. Tifa na mae Josep neke au phei thugna nalhaꞌu, nanghadire mae Manase ghe mae Efrem. Eghuteuna vikegna mae Josep gne ne tufa ka phei vike, leghudi phei thugna mana re. Nu vikegna mae Livae igre theo thufadi fei glose na. Mare au nodi namono kolho te mala au na. Eghuteuna namono igre au vido lithui mala au buluka nei sipu nei nanigot eghu tadi.

Josua 13:33

Nu mae Moses neke theome tufa lao kaisei vido glose ka vikegna mae Livae. Eigna mae Moses neke chekehi ka mare te mare ginauna tangomana te atha vido ka unha te fafara lao naiknodi Israel ka Lord, nodi God maedi Israel.

Josua 13:14

Lord neke chekehi ka mae Moses te vikegna mae Livae igre ginauna theo nodi glose, nu mare ginauna au ghedi gano ka unha keha vike are te hata te mei te mala taraidi nei fafara eghu ka Lord.

Naba 4:27

Eghuteuna mae pris Eron baludi phei thugna gre ginau cheke ka vikegna mae Geson mala reireghidi glepo tuare.

Naba 1:47

Nu mare neke theome kahadi vikegna mae Livae baludi keha vikere,

Naba 26:63

Igre ngala vikegna Israel teke kaha mae Moses ghe mae pris Eron ka vido sare biꞌo gna Moab ka philegna khoꞌu Jordan te funu Jeriko na.