Naba 26:53 - Buka Blahi Ka Cheke Holo

⁵³ “Ghotilo ginauna fofota vido glose nate tusu ari iara tami na ka vike ghotilo re, leghudi khaputudi mare re.

Naba 26:53 ပူးပေါင်းရင်းမြစ်များ

Josua 14:1

Aonu pris biꞌo Eliesa balugna mae Josua nei mae lida ka tharakna te gnafa ka vikegna Israel, mare ne fofota glose Kenan ke mosu Khoꞌu biꞌo Jordan mala tei ka iheire te theo kaisei nodi vido glose.

Josua 11:23

Mae Josua ne kafe atha tongana namono igre ne tufa fari hoteidi vike te gnafa Israel. Eghuteuna kate atha te gnafa mae Israel namono igre, mare ne gnafa magra na ne au soru ka pharikeli.

Nodi Khoje Hatimare Mae Jiu 105:44

Mana ne snakre lao nodi glose keha naiknore ka nogna naikno thegnare, nei mare jaola hata maladi thedi nagare re.

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Thakle 5:10

Iagho eꞌeidi mare mala mae pris te mala toghodi nogna naiknore nei mala pogho soruni God Kmagna noda King. Mare ginauna funei frunidi naiknogna nauthoglu igne.”

Matiu 5:5

Keli tadi iheire te au faparidi thedi, mare ginauna nake gleꞌau. Naugna mare na au nodi glepo te keli teke kulu nhaꞌa cheke ranghidi.

Profet Daniel 7:27

Eghuteuna nodi nolaghi nei nafnakno teu mae king te gnafa ka nauthoglu na igre, God mae ihei te fnakno ka maloa kligna igne ginauna hata fadelei ka mare nolaghi igne mala tusu lao ka nogna naiknore. Eghuteuna nodi funei fruni nogna naikno mana igre ginauna theo ka huigna. Eghuteuna mae king te gnafa ka nauthoglu na igre ginauna ghatho tahudi nei leghudi eghu mare.’

Profet Esikiel 47:22

Eghuteuna ghotilo ginauna khotogna fabrahu. Naiknodi keha kantri te au balumi ghotilo are nei iheire te karha thudi ka namono igne, mare ginauna jaola au nodi glose balumi ghotilo. Ghotilo ginauna gaoghathodi naikno igre jateula teke karha mei ka vikegna Israel eghu kolho.

Nodi Khoje Hatimare Mae Jiu 49:14

Eghume, God vahini mana mala lehe jateula sipu eghu, naugna u glehe na ngala te hironi mana na. Ihei te au doglo na ginau keli tagna kate ghosei te boto thinigna na ke lamna beku, te khaba ka nogna famane suga na.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Naba 26:52

Aonu Lord neke cheke eghu ka Moses,

Naba 26:54

Iagho ginauna tufa lao ka vike te au kmana mae lahu are u vido ke biꞌo na, eghuteuna tusu lao vido ke iko na ka vike te theome raꞌe au kmana mae are. Uve, ghotilo na lalahu khale mala hironi unha nafnata vido te ginau tei ka vike te gnafa igre teuna.”

Naba 33:54

Ghotilo ginauna fofota vido glose na ka vike te gnafare. Eghuteuna ne vido biꞌo nga nu nodi vike te biꞌore, eghuteuna ne vido ikoi nga nu nodi vike te ikodire. Ghotilo ginauna lalahu khale ka phei thina mala fofotagna vido glose na. Ghotilo ginau fofota leghudi vike te gnafare. Eghuteuna naiknore mala tei au ka nodi vido glose thedire.

Josua 1:6

Josua, kegra heta! Thosei mhaghu, ba suaraghi. Iagho mala batudi naiknore mala tei ruma haghe ka namono teke nhaꞌa chekehi iara ka kuꞌemi ghotilo tifa ra.

Ululahu Kronikols 16:18

Mana neke cheke eghu ka mae Jekop, “Iara ginauna tusu ari ka iagho namono Kenan igne, eghuteuna vikemu iagho igre ginauna nate khotogna na.”