Naba 26:3 - Buka Blahi Ka Cheke Holo

^3-4 Moses ghe mae Eleasa ne leghuni Lord, ne kilo meidi mae te funu ka finogha te magnahagheni mae Moses igne. Mare au neku ka vido sare biꞌo Moab, ka keha philegna khoꞌu Jordan te funu Jeriko na. Igre kokholo gna Israel teke jifla funudi Ijep re.

Naba 26:3 ပူးပေါင်းရင်းမြစ်များ

Naba 22:1

Aonu naiknodi Israel gre tei ne au ka vido sare biꞌo jare Moab rhegna Khoꞌu biꞌo Jordan ka keha philegna khoꞌu te funu Jeriko na.

Naba 33:48

Ke leghugna te jifla mare ka thogele ro Abiram na, mare neke tei au ka vido sare biꞌo gna Moab, ka gerigna Khoꞌu biꞌo Jordan ke maghati, ka philegna khoꞌu te funu Jeriko na.

Naba 35:1

Kate au teu mare ka vido sare biꞌo Moab, ka keha philegna khoꞌu te funu Jeriko, rhegna khoꞌu Jordan na, Lord ne cheke eghu ka mae Moses,

Naba 26:63

Igre ngala vikegna Israel teke kaha mae Moses ghe mae pris Eron ka vido sare biꞌo gna Moab ka philegna khoꞌu Jordan te funu Jeriko na.

Diutronomi 34:8

Ka narane tuare naiknodi Israel teke au ka sare biꞌo Moab igre ne diꞌanagnafadi fara ne tanhi ka glehegna mana na ne ghilei thokeni tolufulu narane, tuare gnafadi narane te mala tanhire.

Diutronomi 34:6

Lord ne giugiluni mana ka kaisei glogu jare Moab rhegna namono Bet-Peo. Nu funu ka narane tuana te mei posa gognarogne theo kaisei naikno te thofno laseni ka vido aheva te au bekugna mana na.

Diutronomi 34:1

Aonu mae Moses jifla ka sare biꞌo Moab ne tei apla ka thogele Pisga, eghuteuna mana haghe kligna ka thogele Nebo ka keha phile Khoꞌu biꞌo Jordan funu Jeriko. Kate au teu jare na, Lord ne fakakhana ka mana glose te gnafa ke lamna nohi Kenan. Mana fakakhana vido te gnafa funu ka nohi Gilead ke maghati Jordan tei posa ke raru Dan.

Naba 31:12

Aonu mare neke pulo ka mae Moses ghe mae pris Eleasa nei ka naikno te gnafa Israel re ka nodi namono thedi na ka vido te sare biꞌo jare Moab, ka keha philegna khoꞌu Jordan te funu Jeriko na.