Naba 25:18 - Buka Blahi Ka Cheke Holo

¹⁸ naugna mare ne chaghi ghami ghotilo ne maimanihini god Baal, nei jaola chaghi ghami ghotilo ka gaꞌase Kosbi teke falehe mae pris ka narane teke thoke ghami khabru ghotilo jare Peo ia.”

Naba 25:18 ပူးပေါင်းရင်းမြစ်များ

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Eksodas 32:35

Ke leghu, Lord ne kuru mei kaisei fogra biꞌo ne thokedi naiknore, naugna mare neke tarai ka mumuju gna buluka teke horo Eron ka gol igne.

Eksodas 32:21

Moses ne cheke eghu ka Eron, “Unha teke edi naikno gre ka iagho na mala batudi iagho ka nakhibo biꞌo te thono diꞌa fara igne?”

Jenesis 26:10

Aonu mae Abimelek ne cheke eghu ka mana, “Ba, naugna unha sagho te chaichaghi ghami ghehati gnea? Jame thuru balugna khetomu iagho kaisei mae ka mae ghehati igre meu na, ghehati jame nakhibomi fara, naugna iagho ne eni puhi igne ka ghehati.”

Jenesis 3:13

Aonu Lord God ne cheke eghu ka Ivi, “Ba, Ivi mala unha sagho te eni puhi ignea?” Naꞌa ne cheke eghu, “Mogo na neke cheke famaemahe ghau iara neke chaghi ghau iara mala ghamu iara sisi gna gaju na neku.”

Naba 25:15

Eghuteuna nanghagna gaꞌase igne na Kosbi thugna mae Sua, kaisei mae biꞌo ka kokhologna mae Midian.

Naba 25:17

“Uve, ghotilo na tei magra ka naiknodi Midian. Ghotilo ginauna falehedi gnafa naikno tuare,

Naba 26:1

Ke leghugna te gnafahi khabru te diꞌa fara na, Lord ne cheke eghu ka mae Moses ghe mae pris Eleasa, thugna mae Eron,

Ululahu Kings 11:18

Mare jifla ka nohi Midian ne tei ka namono nagou Paran, eghuteuna keha maedi Paran jaola ne toghodi mare. Aonu mare jifla ne tei Ijep mala tei filoni king gna Ijep. King ne snakre lao keha vido glose nei kaisei suga biꞌo neu ka mae Hadad, eghuteuna mana jaola ne toghoni mana ka gano na leghu narane.