Naba 25:1 - Buka Blahi Ka Cheke Holo

¹ Ka vido tuana, naiknodi Israel gre neke au ka vido sare biꞌo Akesia. Eghuteuna keha mae ka naiknodi Israel gre ne vuha ei puhi diꞌa tafri baludi goro gaꞌasedi Moab.

Naba 25:1 ပူးပေါင်းရင်းမြစ်များ

Ululahu Korin 10:8

Tahati mala thosei gnognoro tafri jateula mare eghu, eigna God neke falehedi varadaki thilo thogha naikno ka mare ka kaisei narane kolho.

Josua 2:1

Kate au teu mae Josua baludi keha vikedi Israel ka vido te au gaju akesia igne, mana kurudi phei mae mala tei Kenan mala filo poru ka namono Jeriko nei ka namono te au faligohoni. Eghuteuna kate tei poru phei mae igre ke lamnagna namono igne, phei mae igre tei ne au ka sugagna kaisei gaꞌase vine, nanghagna na, Rehab.

Naba 33:49

Jare ka sare biꞌo Moab na mare au farihotei phei namono, namono Bet-Jesimot ke mata nei namono Akesia ke raru.

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Josua 3:1

Hamerane boibongi ka keha narane na, mae Josua baludi naikno te gnafadi Israel igre kegra haghe ne jifla Akesia, aonu mare ne tei au rhegna Khoꞌu biꞌo Jordan. Mare ofo neu ka vido igne mala tei kasa ka keha phile khoꞌu na.

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.

Eksodas 34:15

“Ghotilo thosei eni kaisei nhaꞌa cheke te mala au fakeli baludi naikno gna glose igne, naugna kate pogho soru te tarai nei fafara mare ka nodi god re teuna, mare ginauna kilo ghami ghotilo mala tarai baludi. Glahu ghamu ghotilo gano teke fafara lao mare ka nodi god re.

Naba 25:17

“Uve, ghotilo na tei magra ka naiknodi Midian. Ghotilo ginauna falehedi gnafa naikno tuare,

Naba 31:2

“Ghotilo ginauna tei falelehe naiknodi Midian ke tughu fapulodi gobigna lepo teke edi mare ka ghotilo ra. Eghuteuna ke leghudi te paradi ghotilo mare na, iagho ginauna lehe.”

Diutronomi 3:29

Eghume tahati neke au ka glogu rhegna namono Bet-Peo.”

Diutronomi 4:3

“Ghotilo la filo tathamihi gobigna lepo teke edi mana ka ghotilo Baal-Peo ra. Iheire teke pogho soru ka god Baal Peo ra, Lord neke aknu falehe.

Diutronomi 32:38

Ghotilo neke faghamudi ka garofadi nafnahi teke fafara ghotilo ra, eghuteuna tusu ranghidi waen mala koꞌu mare, nu god igre theome togho ghami nei reireghi ghami eghu ghotilo.

Josua 22:17

Ba, ghotilo kela ghatho ihodihi narane kani teke au tahati Peo teke para ghita mana eidi nakhiboda tahati ra? Tahati nogna naikno mana, nu mana para ghita ka kaisei fogra te thono diꞌa fara teke kafe thoke ghita tahati gnafa. Eghuteuna tahati theome gnafa te au papara fara eigna glepo igne.

Profet Jeremaea 40:11

Naiknodi Juda rikha teke tei ka thilo kantri, Moab, Amon, Idom nei ka keha kantri are langau eghu ne nomhini king gna Babilonia te snakredi naikno te au faleghu teu Juda igre. Mare jaola nomhini king gna Babilonia te vahini mae Gedalaea igne te mala nodi gavana mare na.

Profet Esikiel 20:21

“ ‘Nu goro sua gre jaola magri ghau iara. Eghuteuna neuba mare ne laseni te mae ihei ngala te leghudi nogu vetula iara re ngala nate hatini u nakarha te keli na ginauna neu, mare theome leghudi kolho nogu cheke iara re, ba taji fakelidi nogu vetula iara re. Eghuteuna narane Sabat mala gnafa mare teku iara igne jateula te fiti narane ra eghu kolho ka gaoghathodi mare na. Naugna igne iara diꞌatagu fara neke ghaoghatho te mala paradi mare ke lamnagna namono nagou na.

Profet Hosia 9:10

Lord ne cheke eghu ka naiknodi Israel, “Iara neke vahidi kuꞌemi ghotilo tifa ra mala nogu naikno iara. Ka narane tuare mare neke jateula fig te fuꞌa ulu te muita ra neku. Nu kate tei te posa mare ka thogele Pio igne, mare neke funu tarai neke pogho soru ka mumuju Baal. Kate magnahagheni mare mumuju Baal te diꞌa igne, mare ne jateula mumuju neu ne diꞌa fara.

Eksodas 22:19

“Ghotilo falelehe mae nalhaꞌu ba gaꞌase te eni puhi te diꞌa ka khuma ba ka bosu ba ka buluka teu are.

Fapea Kings 23:7

Ka narane tuare, keha mae neke ei puhi diꞌa baludi naikno te mei tarai ka nodi god mae bongihehe igne, eghuteuna mare au nodi vido ka nogna Sugablahi Lord igne. Eghuteuna goro gaꞌase te horo pohe te mala pogho soru ka god gaꞌase Asera igre jaola au nodi gloku ka vido igne. Nu King Josia ne paꞌe soru vido igre.

Nodi Khoje Hatimare Mae Jiu 106:28

Naugna mare ne kegra fodu baludi naikno khulumono re mala tarai ka mumuju Baal ka thogele Pio. Mare ne kafe ima nafnahi teke fafara naiknodi Pio re ka mumuju te theo karha tagna na.