Naba 24:9 - Buka Blahi Ka Cheke Holo

⁹ Ghotilo jateula lion biꞌo te thuru gnafa nogna teu ia eghu. Uve, ghotilo jateula lion gaꞌase gna te thuru iho teu ia eghu. Mare mhaghu te tei mala fadofrani na. Jame kaisei mae fablahi ghami ghotilo, God ginauna jaola fablahini mana. Nu jame kaisei mae tibri ghami ghotilo mala thoke ghami hoholo teuna, God ginauna jaola tibrini mana mala thokeni hoholo.”

Naba 24:9 ပူးပေါင်းရင်းမြစ်များ

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Jenesis 27:29

Naikno te gnafa ka namono igre ginauna mala loku ranghi nigho iagho, nei mala ghatho tahu nigho iagho. Iagho ginauna mala nodi funei hatimare mae thabusimu iagho gre. Vikegna idomu iagho gre ginauna mala ghatho tahu nigho iagho. Iheire te tibri nigho iagho re, God ginauna nake tibridi. Eghuteuna iheire te fablahi nigho iagho re, God ginauna nake fablahidi.”

Jenesis 49:9

Juda, iagho jateula kaisei lion majaghani te falelehe bosu te ghamu ghegna ra eghu, eghuteuna gnafa teuna gnokro soru me thuru nogna, eghuteuna theo kaisei naikno te frane te mala lao fadofrai ia eghu.

Naba 23:24

Naikno igre nheta fara jateula lion biꞌo ra eghu. Uve, mare jateula lion te falehedi keha glepo mhata te mala ghamu nei koꞌu fahui teu dadaradi ra eghu.”

Matiu 25:45

“Iara mae King na ginauna cheke eghu ka mare, ‘Tutuani fara te chekeni iara ka ghotilo na. Kate tiromi toghoni ghotilo kaisei nogu naikno iara te au pari lahu ka igre na, ghotilo jateula te tiromi togho ghau iara eghu.’

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Mae Khuru 9:5

Mae Sol ne cheke eghu, “Iagho mae ihei sia, Lord?” Mana ne cheke eghu, “Iara mae Jisas. Iara ngala mae ihei teke parani iagho ia.

Nodi Khoje Hatimare Mae Jiu 122:6

Tahati taraidi naikno te au ka namono Jerusalem mala au mare kau pharikeli. Uve, tahati mala tarai eghu agne, “Lord God, jame te keli na iagho toghodi naikno te namha nigho re mala au fakeli.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Thoutonu Eigna Mae Job 41:10

Theo kaisei naikno nabagna te magra ka Leviatana te biꞌo fara igne. Jame te tutuani na, theo kaisei naikno te mei magra ka iara na!

Eksodas 23:22

Nu jame te thofno leghudi ghotilo unha te chekedi mana re nei edi ghotilo glepo teke chekedi iara ra teuna, iara ginau na kegra tughu ghami ghotilo mala magridi nomi mae naoka ghotilo are.

Naba 22:6

Iagho na mei mala togho ghau iara. Iagho ginauna tibridi mare mala thokedi hoholo. Naugna mae igre thofno nheta fara eghuteuna iara theome tangomana te uludi mare ka magra na. Jame te eni iagho na iara ginau tangomana ke chekedi mare mala ke jifla mare ka kantri igne. Naugna iara laseni, naikno te fablahi iagho re ginauna gleꞌa nodi, eghuteuna naikno te tibridi iagho re ginauna thokedi hoholo.”

Naba 22:12

Aonu Lord neke cheke eghu ka mana, “Iagho thosei tei baludi mare. Eghuteuna iagho thosei ke tibridi mare mala thokedi hoholo, naugna iara neke fablahidi naikno igre.”

Naba 24:10

Aonu mae Balak ne diꞌatagna fara ka mae Balam. Mana ne proprosa phea khamegnare ne cheke eghu fabiꞌo ka mana, “Iara tathalei mei nigho iagho agne mala tibridi iagho nogu mae naoka gre neku sia! Nu theo kolho neu! Iagho ke thilo fata fablahidi kolho mare!

Profet Isaia 31:4

Eigna Lord na neke cheke eghuhi, “Iara ginauna mei jateula kaisei lion te theome mhaghuni kaisei glepo ra eghu. Neuba mae iheire te reireghi sipu igre ne eha ba ne fariuriu reireghi fakelidi nodi sipu re, nu lion igne na ginauna mei magra ka mare. Igne unha nate eni iara Lord mae ihei te au nolaghi fateote'o igne ka iheire te au ka Thogele Saion.

Profet Maeka 5:8

Naikno teke au faleghu Israel igre ginauna kate au rheta farihoteidi naikno te jateula lion te tei hiro glepo tautagu mata ba sipu ka sare mala ghamu. Kate dedi sipu igre, naꞌa gasa kolho tei kathu sasakadi, eghuteuna theo kaisei naikno tangomana te fakarhidi re.

Diutronomi 30:7

Aonu Lord ginauna lisa lao puhi biꞌo igre mala thokedi nomi naoka ghotilo te tirodi ghami nei goigoni ghami teu are.

Fapea Kronikols 9:18

Sape nafnakno igne au namno step te mala haghe tagna na, eghuteuna nabotho phei mumuju lion te kegra sopa ka phei khukrudi namno step igre. Mare lilisei kaisei glepo pari ke ulu mala tapla king ke kligna gna. Mare edi glepo igre ka gol. Sape nafnakno igne au phei vido mala lilisei khame, eghuteuna phei mumuju lion khegrau jare, kaisei khegra ka keha phile na, eghuteuna kehana kegra ka keha phile na. Theo kaisei king ka nauthoglu igne teke eni kaisei sape nafnakno biꞌo jateula nogna mae Solomon igne teuna.

Nogna Buka Esta 6:13

Aonu mana ne toutonu ka Seres baludi kheragna re eidi gobigna lepo te edi ka narane igne. Aonu khetogna nei kheragna teu mana igre ne cheke eghu ka mana, “Gognarona iagho theo kaisei nou nolaghi ka mae Modikae. Mana ginauna ulu nigho iagho, naugna mae igne kaisei mae Jiu.”