Naba 24:8 - Buka Blahi Ka Cheke Holo

⁸ Lord na neke batu fajifla ghami ghotilo Ijep. Ghotilo nheta fara ka magra jateula buluka mata te theo kaisei mae te lokuni ra eghu. Eghume ghotilo ginauna goigonidi nomi mae naoka re. Eghuteuna, ghotilo ginauna lolhopa nhubradire nei fadi falehedi ka nomi khuali re.

Naba 24:8 ပူးပေါင်းရင်းမြစ်များ

Nodi Khoje Hatimare Mae Jiu 45:5

Nou jata iagho te fnonu na ginauna churu ka thinidi nou naokare ghilei tei posa ka nagnafadire. Eghuteuna maedi ka keha kantri are ginauna pogho soru ke ulumu iagho.

Profet Jeremaea 50:17

Lord ne cheke eghu, “Naiknodi Israel igre jateula sipu te ngolhi tafridi lion ra eghu. King gna Asiria teke kulu goigonidi mare na jateula lion te ghamudi sipu ra teku. Eghuteuna King Nebukadnesa gna Babilonia igne mae leghu lahu teke kina ngujadi mare jateula lion te kathu nguanguja nhubra sipu ra neku.”

Nodi Khoje Hatimare Mae Jiu 2:9

Iagho ginauna na falehedi naikno te gnafa igre ka aean, eghuteuna iagho ginauna na puri nguangujadi jateula suspen thina eghu.’ ”

Naba 23:24

Naikno igre nheta fara jateula lion biꞌo ra eghu. Uve, mare jateula lion te falehedi keha glepo mhata te mala ghamu nei koꞌu fahui teu dadaradi ra eghu.”

Naba 23:22

God neke batu fajifladi mare funu Ijep. Mare nheta fara jateula buluka mata te fakaukathu te theome tangomana kaisei naikno te lokuni ra eghu.

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Profet Jeremaea 50:9

Iara ginauna chekedi kmana kantri te nheta ke raru are mala loku fodu mei magra mare Babilonia. Mare ginauna ofodi mae naoka igre mala magra, eghuteuna kate jifla mei mare funudi ke raru na, mare te gnafa na ginauna uluni Babilonia. Jata te gnafa te fada mare igre ginauna na theome jafra.

Profet Isaia 38:13

Iara ofou kolho ghilei hamerane boibongi. Iara ghathoni Lord nate lolhopa nhubragu gre, jateula lion te ghamu sasaka bosu teke kathu falehe ra eghu. Lord, bongi narane na, iagho fagnafani nakarhagu iara na.

Profet Daniel 6:24

Aonu mae king ne cheke ka nogna mae glokure mala hata meidi mae iheire teke fateni mae Daniel ra. Aonu mare hata ne mei mae igre baludi khetodi nei thudi teure mala koko soru ka khora lion igne. Naikno igre theome tei thoke neu pari ne hui ka lion.

Nodi Khoje Hatimare Mae Jiu 21:12

Iagho ginauna na fadi jatadi, eghuteuna mare ginauna na figri tagru e rikha nigho iagho.

Diutronomi 32:42

Nogu jata iara gre ginauna apu ka dadaradi naikno te tirodi ghau iara re. Nogu naflahi mala magra iara na ginauna ghamu thinidire, eghuteuna ginauna falehedi mae te au ka sosolo, eghuteuna kusu phaꞌudi mae biꞌo te naokare.’

Diutronomi 32:23

“ ‘Iara ginauna lisa mei puhi biꞌo ke klignami ghotilo. Puhi biꞌo igre ginauna mei ka ghotilo jateula iara te fada jata ghami ghotilo ra eghu.

Diutronomi 7:1

Aonu mae Moses ne cheke eghu, “Lord, nomi God ghotilo na ginauna hata ghami ghotilo tei mala hata glose ka vikegna mae Het, nei ka vikegna mae Gigas, nei ka vikegna mae Amoa, nei ka vikegna mae Kenan, nei ka vikegna mae Peris, nei ka vikegna mae Hivi, nei ka vikegna mae Jebus. Mana ginauna ngolhi fajifladi keha naikno te au ka glose igne. Eghuteuna neuba fitu vike igre ne nheta ulu ghami ghotilo,

Naba 21:5

Aonu mare ne cheke eghu ka Lord nei ka mae Moses, “Ba, iagho atha fajifla ghami ghehati Ijep mala lehe ka namono nagou igne sia? Vido igne theo gano nei khoꞌu eghu tagna na. Ghehati theome gleꞌa kolho te au agne na, nei ghehati tiromidi kolho gano te diꞌa fara igre.”

Matiu 2:15

Mae Josep ne au neu jare ne ghilei lehe mae Herod. Igne ne horoghoto fara ka chekegna Lord teke cheke eghu mae profet Hosia tifa ia, “Iara neke kilo fajiflani mae thugu na ka namono Ijep.”

Josua 2:10

Ghehati nomhinihi thoutonu eimi ghotilo kate jiflami Ijep ia! Lord neke famojani Thongna Ukru na neke kasa ghotilo ka glose te moja. Eghuteuna ghehati jaola nomhinihi thoutonu eimi ghotilo te falehedi king Sihon ghe king Og, phei mae ka vikegna Amo te au ke maghati Khoꞌu biꞌo Jordan. Ghotilo neke falehedi phei mae igre baludi nodi naikno te gnafara.

Eksodas 23:22

Nu jame te thofno leghudi ghotilo unha te chekedi mana re nei edi ghotilo glepo teke chekedi iara ra teuna, iara ginau na kegra tughu ghami ghotilo mala magridi nomi mae naoka ghotilo are.

Nodi Khoje Hatimare Mae Jiu 45:6

Nolaghi teke tusu ari God ka iagho teke king iagho igne ginauna au fabrahu ka iagho tifa tifa. Iagho funei frunidi nou naiknore ka puhi te doglo.