Naba 24:7 - Buka Blahi Ka Cheke Holo

⁷ Nakarhami ghotilore ginauna keli fara jateula naikno te au ghedi famane khoꞌu ra eghu, eghuteuna vikemi ghotilore ginauna nheta jateula gano te au kmana khoꞌu tadi te karha kelidi ra eghu. Nomi king ghotilo na ginauna uluni mae Agag, nodi king vikegna mae Amalek, eghuteuna mana ginauna funei frunidi kmana kantri.

Naba 24:7 ပူးပေါင်းရင်းမြစ်များ

Ululahu Kronikols 14:2

Eghuteuna kate filodi mae Devet glepo igre, mana laseni Lord teke vahini mana te mala king gna Israel. Eghuteuna mana jaola laseni Lord te fakelini nogna kantri na, naugna Lord ne namhadi fara nogna naiknore.

Fapea Samuel 5:12

Kate filoni King Devet igne, mana thofno laseni Lord neke vahini mana te mala nodi king mae Israel. Eghuteuna mana jaola laseni Lord te fakelini nogna kantri na, naugna Lord namhadi fara nogna naiknore.

Thakle 17:1

Kaisei mae ka fitu engel igre ne hata fitu disire ne mei ka iara ne cheke eghu, “Mei sagho, mala falalase nigho iara papara nate eni iara ka namono biꞌo Babilon te au rhedi khoꞌu te kmana igre. Namono igne fodu ka nakhibo jateula kaisei gaꞌase vine eghu.

Profet Jeremaea 51:13

Ghotilo naiknomi Babilonia te au ka vido te kmana khoꞌu nei dedei fara teu ra. Nu nomi narane ghotilo te mala au papara na la namo meihi.

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Thakle 17:15

Aonu engel na ne cheke eghu ka iara, “Iagho laseni, khoꞌu te filodi iagho te gnokro teu thau te vine na rhedi are, tuare ngala naiknodi namono te gnafa, vike te gnafa, kokholo te gnafa nei cheke te gnafa.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Profet Isaia 48:1

Ghotilo naiknomi Israel teke karha mei ka vikegna mae Juda ra, nei ghotilo goro thugna mae Jekop ra eghu fanomho mei ka cheke igne! Ghotilo nhaꞌa cheke ka nanghagna Lord, eghuteuna ghotilo chekeni kolho nate tufru soruni nodi God mae Israel. Eigna ghotilo cheke fahaehaghe koba ne naiknogna nogna namono Blahi God teuna. Eghuteuna ghotilo jaola chekeni te lelheghu ka God gna Israel, nanghagna na Lord mae ihei te au nolaghi fateote'o. Nu ghotilo thono chaghi fara! Ghotilo theome thofno leghuni kolho puhigna Mana te doglo na.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Profet Isaia 2:2

Ka narane nate mei mana na, thogele te kegra nogna Sugablahi Lord igne, ginauna ulu salaꞌudi gnafa keha thogele are. Eghuteuna naikno te gnafa ka keha kantri are ginauna tangomana te salo fodu mei tagna.

Nodi Khoje Hatimare Mae Jiu 68:26

Mare ne koje eghu, “Tahati nogna naikno God ra kafe mei mala koje kilo fnaknoni mana. Tahati vikegna Jekop ra pala hagheni nanghagna Lord.”

Nodi Khoje Hatimare Mae Jiu 18:43

Kate naoka ghau iara naiknore, iagho neke mei togho ghau iara te mala tapla sorudi iara mare. Eghuteuna iagho neke snakre ghau iara mala funei frunidi keha naikno teke theome lasedi iara tifa re.

Esra 4:20

Tifa na keha mae king te au nodi nolaghi biꞌo igre, mare neke funei fruni ni provins thongana tei posa ke mosu Khoꞌu biꞌo Iufretis. Eghuteuna leuleghu fata na mare hata thua nafnata takis ka naiknogna provins tuana.

Ululahu Kings 4:21

King Solomon ne funei frunidi kantri te ikodi te gnafa funu ka Khoꞌu biꞌo Iufretis ke raru na tei posa Filistia ke mosu na, eghuteuna tei posa ka nohi Ijep ke mata. Eghuteuna kantri igre foli takis ka mana, nei au ke parigna nogna nolaghi mana kate karha teu mana na.

Naba 24:20

Aonu mae Balam ne filodi vikegna mae Amalek gre ka nogna mifi na ne cheke eghu, “Mae Amalek gre neke uludi fara kmana kantri tifa na, nu kaisei narane na ghotilo ginauna groꞌehi!”

Nodi Khoje Hatimare Mae Jiu 89:27

Mana ginau na mala jateula mae thugu teke kulu karha mei ka iara ra eghu, eghuteuna mana ginauna mala kaisei mae nafnakno ke uludi hatimare mae king te gnafa ka nauthoglu igne.

Ululahu Kings 5:1

King Hiram mae biꞌo gna Taea igne mana kaisei kheragna keli King Devet. Eghuteuna kate nomhini mana mae Solomon te king tughuni mae kmagna na, mana ne kurudi keha nogna mae mala tei filoni mana.

Nogna Buka Esta 3:1

Theome raugha ke leghugna igne, King Sekses ne vahini mae Haman, thugna mae Hamedata, kaisei mae ka vikegna mae Agag mala kaisei nogna mae Praeminista.

Nodi Khoje Hatimare Mae Jiu 72:11

Te keli fara na jame hatimare mae king te gnafa igre mei tufru soru ke ulugna mana. Eghuteuna naikno te gnafa ka kantri fateote'o igre mala loku ranghini mana.

Profet Isaia 30:25

Jaola, ka narane tuana, neubane lehe kmana naikno eghuteuna nomi vido mala poru ghotilore ginauna thono diꞌa fara neu. Nu glokha khoꞌu are ginauna loloro soru ka gukhu te gnafa nei ka thogele te gnafa teu are.