Naba 24:4 - Buka Blahi Ka Cheke Holo

⁴ Igne nogna cheke mae ihei te nomhini chekegna God na. Uve, igne nogna cheke mae ihei te filoni ka mifi unha te mei funu ka God te nolaghi.

Naba 24:4 ပူးပေါင်းရင်းမြစ်များ

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Thakle 1:10

Ka kaisei narane Sade, nogna nolaghi Tharunga te Blahi na neke mei ka iara mala batuni gaoghathogu iara na. Ka narane tuana iara neke nomhini naoglagna God te cheke fabiꞌo ke leghugu iara jateula kaisei khufli neu.

Profet Esikiel 1:28

Juta te siasigla fabiꞌo falithuini mana igne thono famane fara jateula maja eghu. Juta biꞌo igne agha fabiꞌo ka nogna nolaghi biꞌo God na. Kate filodi iara glepo igre, iara ne pogho soru pari ka glose na, aonu ka vido igne, iara ne nomhini kaisei naogla ne cheke mei ka iara.

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Mae Khuru 22:17

“Ke leghugna igne, iara neke pulo Jerusalem. Kaisei narane kate tarai teu iara ka Sugablahi na, iara ne filoni kaisei mifi.

Mae Khuru 10:19

Kate hironi nga teu ngala mae Pita u gaoghathogna u mifi tuana na, u Tharunga te Blahi na ne cheke eghu ka mana, “Ghema Pita, thilo mae are mei hiro iagho.

Mae Khuru 10:10

Kate au teu jare na, mae Pita ne rofo ne magnahaghei ima. Eghuteuna mare ne tarabana gano malagna mana. Aonu mana ne filoni kaisei mifi.

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Ululahu Samuel 19:24

Kate tei mana rhegna mae Samuel na, mana atha koko nogna pohe na ne ragi nei koje neu mala kilo fnaknoni God. Mana uka pari ne thuru soesole ne ghilei romno, eghuteuna mana thuru fabrahu ka vido tuana ne ghilei rane. Naugna igne, naiknore ne ghusna eghu, “Mae Sol gne jaola kaisei mae Profet signea?”

Naba 22:31

Aonu Lord ne snakreni mae Balam mala filoni engel te kegra teu jare te loku naflahi mala magra teuna. Kate filoni mana engel na mae Balam pogho soru ne ghilei thoke phaꞌugna na ka glose pari.

Naba 22:20

Ka bongi tuana God ne mei ka mae Balam, ne cheke eghu ka mana, “Eghume te mei mae igre te cheke ka iagho mala tei baludi teuna, iagho tei baludi mare, nu edi kolho iagho unha te chekedi iara ka iagho re eghu.”

Jenesis 15:12

Kate plulu naprai na, mae Ebram ne roi thuru fara. Kate thuru teu mana na, mana ne filoni kaisei glepo te jateula gromno teu te mei toku tafruni mana na. Eghuteuna mana ne mhaghu nogna fara!

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Naba 24:5

Namono ghotilo vikegna mae Jekob gre thono famane fara!

Naba 24:15

“Uve, igne ngala nogu cheke iara mae Balam, thugna mae Beo na. Iara na cheke thakle aridi unha te filodi iara ka tathaguna.

Ululahu Kings 22:17

Aonu mae Maekaea ne cheke eghu, “Iara ginauna chekeni ka iagho unha te filoni iara ka mifi na. Ka mifi igne iara ne filodi soldia te gnafa Israel igre ne thofa tafri ke kligna thogele jateula sipu te theo kaisei mae te mala reireghidi ra neu. Eghuteuna Lord ne cheke eghu, ‘Mae soldia igre theo kaisei nodi mae lida te keli. Nu te keli na mare tei ka namono, naugna magra na la gnafahi.’ ”