Naba 24:21 - Buka Blahi Ka Cheke Holo

²¹ Aonu mana neke filodi vikegna mae Kein gre ne cheke eghu, “Namono te au teu ghotilo gne, neke kaisei namono nheta fara. Neke jateula gnoku nanghaji te au goro thina kligna ra eghu.

Naba 24:21 ပူးပေါင်းရင်းမြစ်များ

Jenesis 15:19

Namono igne nodi mae igre, mae Kein, mae Kenas, mae Katmon, mae Hit, mae Peres, mae Refaem, mae Amor, mae Kenan, mae Gigas nei mae Jebus.”

Thoutonu Eigna Mae Job 29:18

“Ka narane tuana, iara gaoghathogu na iara gne ginauna karha raugha, eghuteuna iara ginauna lehe kolho ka sugagu na.

Jajis 1:16

Vikegna nanghogna naꞌa Moses te vikegna Kein igne, mare ne tei baludi vikegna mae Juda. Mare ne kafe jifla ka namono Jeriko te kiloi namono thubo igne, eghuteuna mare ne tei ne au ke mata namono nagou rhegna namono Arad baludi naiknodi jare re.

Ululahu Samuel 15:6

Nu ulu lahu na, mana ne fatei kaisei nonomho ka tharaknagna mae Kein. Mana eni igne, naugna kuꞌedi tharakna gna mae Kein igre neke toghodi kuꞌedi tharaknagna Israel kani teke jifla mei mare Ijep. Nonomho igne neke cheke eghu, “Ghotilo mala jifla kokoni Amalek glahu falehe ghami iara baludi mare.” Aonu mare jifla jare ne tei kokodi naiknodi Amalek.