Naba 24:20 - Buka Blahi Ka Cheke Holo

²⁰ Aonu mae Balam ne filodi vikegna mae Amalek gre ka nogna mifi na ne cheke eghu, “Mae Amalek gre neke uludi fara kmana kantri tifa na, nu kaisei narane na ghotilo ginauna groꞌehi!”

Naba 24:20 ပူးပေါင်းရင်းမြစ်များ

Eksodas 17:14

Ke leghugna igne Lord ne cheke eghu ka mae Moses, “Rioriso eigna magra igne nei unha cheke igne eghu, eigna iara ginau na dalu koko fahui naiknodi Amalek gre mala theo kaisei naikno ka nauthoglu igne nate ghathodi re. Eghuteuna iagho iu'iju fabiꞌo ranghini mae Josua mala nomhini la ngau mana eghu.”

Nogna Buka Esta 9:14

King ne eni unha te toreni Kuin Esta igne ne fatei cheke ka namono biꞌo Susa. Aonu nogna mae gloku king igre ne fagefe haghe thinidi nabotho thugna mae Haman gre mala filo naiknore.

Nogna Buka Esta 3:1

Theome raugha ke leghugna igne, King Sekses ne vahini mae Haman, thugna mae Hamedata, kaisei mae ka vikegna mae Agag mala kaisei nogna mae Praeminista.

Ululahu Kronikols 4:43

Eghuteuna mae igre ne aknu falehe naikno te gnafa ka vikegna mae Amalek teke au teku ka vido igne. Aonu funu ka narane tuana, vikedi fati mae igre ne au sukha jare.

Ululahu Samuel 30:17

Hamerane boibongi ka keha narane na, mae Devet balugna fati gobi mae igre mare tei ne magra ka mare. Eghuteuna mare magra ne ghilei rafi ka narane igne. Eghuteuna mae Devet balugna nogna mae soldia igre magra heta ne ghilei aknu falehedi ne hui maedi Amalek igre, nu fati gobi mae majaghani teke saghe ka kamel ra ngala te rikha na.

Ululahu Samuel 30:1

Kate tei teu delei mae Devet baludi nogna mae soldia igre balugna mae funei Akis igne, maedi Amalek igre mei ne snura ka nohi ke mata Juda nei Siklag. Mare ne theome aknu falehe naiknore. Nu mare ne kafe atha ne tei goro gaꞌase, sua nei mae biꞌo teu gna namono Siklag. Aonu mare ne faghamu khaꞌaghi nodi namono mare na. Kate posa mei mae Devet baludi nogna mae soldiare Siklag ka fatilo narane na,

Ululahu Samuel 14:48

Leuleghu fata na mana tei magra heta fara neke theome tangomana te mhaghu na. Mana neke tei magra ka maedi Amalek neke uludi mare. Aonu mana neke fanogradi mae naoka re mala theome mei magra ka naiknodi Israel.

Jajis 6:3

Eghuteuna leuleghu fata na naiknodi Israel igre joꞌu ghedi gano, maedi Midian baludi maedi Amalek nei maedi ke maghati namono nagou teu igre, mare loku fodu ne mei magra ka naiknodi Israel.

Eksodas 17:16

Mae Moses ne cheke eghu, “Iara nhaꞌa cheke, Lord ginau na magra fabrahu baludi hatimare mae Amalek gre tifa e tifa.”

Eksodas 17:8

Kate mei au mae Israel gre jare Refidim na, hatimare mae Amalek gre mei ne magra ka mare.

Jenesis 36:12

Mae Elifas neke au kaisei thugna nalhaꞌu ka Timna, nanghagna mae Amalek. Timna gne kaisei gaꞌase gloku, nei fapea khetogna la eghu mae Elifas. Eghume, thugna nalhaꞌu Elifas igre neke gragna ngala Ada, khetogna mae Iso.

Naba 24:7

Nakarhami ghotilore ginauna keli fara jateula naikno te au ghedi famane khoꞌu ra eghu, eghuteuna vikemi ghotilore ginauna nheta jateula gano te au kmana khoꞌu tadi te karha kelidi ra eghu. Nomi king ghotilo na ginauna uluni mae Agag, nodi king vikegna mae Amalek, eghuteuna mana ginauna funei frunidi kmana kantri.

Naba 24:19

Mae te king ka vikegna mae Jekob igne ginauna goigonidi nei felehedi eghu naikno te karha nga teu ka namono biꞌo Ir.”

Naba 24:24

Mare ginauna jifla mei funudi ka moumolu Saepras. Eghuteuna mare ginauna mei goigonidi naiknodi Asua nei vikegna Heba. Nu ke leghu, mare jaola ginauna groꞌehi.”

Ululahu Samuel 15:2

Lord mae ihei te au nolaghi fateote'o igne ne cheke eghu, ‘Iara ginauna paradi naiknodi Amalek, naugna ka narane teke jifla mei funudi Ijep kuꞌemi ghotilo tifa ra, mare neke magra ka mare.