Naba 24:17 - Buka Blahi Ka Cheke Holo

¹⁷ “Iara la filonihi unha nate thoke mei ginauna. Kaisei nathunu biꞌo ginauna jifla mei ka vikegna mae Jekob. Uve, kaisei king ginauna funu mei gna Israel. Mana ginauna mei fanoinoli phaꞌudi mae lidadi Moab re, eghuteuna mana ginauna mei goigonidi mae mala magra re.

Naba 24:17 ပူးပေါင်းရင်းမြစ်များ

Thakle 22:16

“Iara mae Jisas, iara neke kuru ari ka ghotilo nogu engel na mala toutonudi glepo igre ka ghotilo te au ka khiloau are. Iara neke karha mei ka vikegna mae kuꞌeda Devet. Iara jateula nathunu rane te siasigla ia eghu.”

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Profet Sekaraea 10:4

Iara ginauna vavahi keha mae ka vikegna Juda mala baubatu ka nogu naikno iara gre. Mare ginauna maku jateula thina te togho hagheni suga na, ba jateula gaju te haru te maku tagna phukrigna suga tapuale ia eghu, ba jateula phaloho mala magra ra eghu.

Nodi Khoje Hatimare Mae Jiu 45:6

Nolaghi teke tusu ari God ka iagho teke king iagho igne ginauna au fabrahu ka iagho tifa tifa. Iagho funei frunidi nou naiknore ka puhi te doglo.

Luku 1:78

Kau nogna kokhoni ghita noda God, kaisei nathunu rane majaghani funugna kligna ginauna na phae ke klignada tahati.

Hibru 1:8

Nu God neke cheke eghu agne eigna mae Thugna, “God, nou sape nafnakno iagho na au fabrahu tifa e tifa! Iagho ginauna na funei frunidi nou naiknore ka puhi te keli nei doglo.

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Ululahu Kronikols 18:2

Keha fata na, mae Devet tei ne magra ka naiknodi Moab, eghuteuna mana ne uludi mare, aonu maedi Moab gre ne au ke parigna nogna nolaghi mana, eghuteuna mare ne foli takis ka mana.

Fapea Samuel 8:2

Mana jaola ne tei goigonidi mae Moab, eghuteuna mana ne fathuru sorudi pari ka glose na ne fananaba gnarho mala laseni mae ihei nate lehe ka mare na. Ihei te mei naba kaisei nei phei teuna mala lehe. Nu ihei te mei fatilo na, mae tuana te mala karha. Aonu naiknodi Moab igre ne au ke parigna mana ne foli takis ka mana.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Profet Jeremaea 48:45

“Iheire te fariuriu rikha mala tei poru ka namono Hesbon teu igre ginauna glaꞌe sukha, naugna ka namono tuana nogna suga King Sihon igne ginauna gnhubra ka khaꞌaghi baludi keha suga te au rhegnai. Eghuteuna khaꞌaghi igne ginauna jifla mei mala nhako vido te gnafa ka kantri igne baludi nodi suga iheire te foflo biꞌo gognaro gre.

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Profet Isaia 15:1

Igne cheke eigna Moab. Lord neke cheke eghu, “Kaisei bongi kolho, phei namono biꞌo Ara ghe Kira ka kantri Moab igre ginauna groꞌe theo tokadi ka hatimare mae naoka.

Nodi Khoje Hatimare Mae Jiu 110:2

Fufunu Jerusalem te tei posa ka keha vido are, mana ne tusu ari nolaghi biꞌo ka iagho neke cheke eghu, “Iagho na funei frunidi nou naokare.”

Fapea Kings 3:5

Nu ke leghugna te lehe King Ehab igne, King Mesa ne tirogna fanomho ka king majaghani King Joram gna Israel na ne tirogna foli takis ka mana.

Ululahu Samuel 14:38

Aonu king ne cheke eghu ka hatimare mae komanda, “Mei agne ghotilo, mala hironi unha teke eni fadiꞌa tahati ginei na.

Naba 21:29

Kokhoni ghami fara naiknomi Moab ra! Mare la goigoni ghami ghotilo iheire naikno te maimanihini god Kemos ra. Nomi god ghotilo na ne snakredi thumi nalhaꞌu ghotilo re mala au tafri kolho. Eghuteuna mana jaola ne snakreni mae King Sihon gna Amoa na mala hata thumi gaꞌase ghotilo re.

Hibru 7:14

Naugna tahati lasenihi, mae Jisas igne neke karha mei ka vikegna mae Juda. Eghuteuna mae Moses neke theome chekeni kaisei glepo eigna vike tuana kani teke cheke eidi mana hatimare mae pris.

Naba 24:16

Igne nogna cheke mae ihei te nomhini chekegna God na, nei laseni teu gaoghatho gna God mae te kligna lahu na. Uve, igne ngala nogna cheke mae ihei te filodi u mifi te funu mei ka God mae ihei te nolaghi fara na.

Fapea Samuel 8:14

Mana ne lilisei kmana soldia ka vido te gnafa Idom, eghuteuna naikno te gnafa Idom igre ne au ke parigna nogna nolaghi mana. Eghuteuna ka vido te gnafa aheva te tei magra mae Devet igre, Lord toghoni mana.

Profet Jeremaea 48:1

Lord mae ihei te au nolaghi fateote'o, nei nodi God mae Israel teu igne ne cheke eghu eidi naikno te au ka kantri Moab: “Kokhonini fara namono biꞌo Nebo! Naꞌa ginauna groꞌe theo tokagna. Naoka ginauna jaola uluni namono Kiriat, eghuteuna mare ginauna paꞌe sukha nodi vido mala poru re, eghuteuna naikno gna namono biꞌo tuana ginauna mamaja nodi fara.