Naba 24:14 - Buka Blahi Ka Cheke Holo

¹⁴ Gognaro na iara nake pulo ka nogu naiknore. Nu iara na kulu cheke ka iagho unha nate eni naiknodi Israel gre ka nou naikno iaghore ginauna.”

Naba 24:14 ပူးပေါင်းရင်းမြစ်များ

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Jenesis 49:1

Mae Jekop ne eha meidi mae thugna re ne cheke eghu ka mare, “Mei ghotilo rhegu iara agne mala kulu chekedi iara ka ghotilo unha nate thoke mei ka ghotilo ginau re.

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Fapea Timoti 3:1

Ghathoni igne! Jare ginauna na kmana puhi biꞌo ka narane leghu lahu re.

Profet Daniel 2:28

Nu God gna kligna na ngala te tangomana te fakakhana glepo te poru igre. Eghuteuna mana neke fakakhanahi ka iagho unha nate thoke mei gna narane leghu lahu na. Iara ginauna toutonuni mifi igne ka iagho, eghuteuna igne unha thuru teke filoni iagho na.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Mae Khuru 2:17

“ ‘God ne cheke eghu: Kate namo huigna nauthoglu gne, iara ginauna lisa soru Tharungagu na ke klignadi naikno te gnafare. Eghuteuna thumi nalhaꞌu nei gaꞌase teu ghotilo are ginauna na toutonuni chekegu iara na. Eghuteuna mae majaghani nei mae biꞌomi teu ghotilo re, iara ginauna na tusu ranghidi nolaghi te mala mifi na.

Profet Hosia 3:5

Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.

Profet Daniel 10:14

Iara mei mala cheke ka iagho unha nate thoke mei ka nou naikno iagho igre mala lasedi iagho glepo igre. Unha te filodi iagho ka mifi igre, u thotoghaledi glepo te theome thoke mei nga teu.”

Profet Jeremaea 49:39

“Nu ke leghu na, iara ginauna tuthughu nakarhadi naiknodi Elam mala ke naikno keli fapulo.” Igne cheke gna Lord.

Profet Jeremaea 48:47

“Nu neuba, ka narane nate mei ginau igre, iara na tuthughu nakarhadi naiknogna Moab mala ke naikno keli fapulo.” Igne cheke gna Lord. Eghuteuna igne gnafa gna cheke eigna puhi gna Lord nate parani Moab ginauna.

Profet Isaia 24:22

Mana ginauna kafe koko sorudi ke lamnagna kaisei khora glave biꞌo, jateula iheire te au ke lamna suga sosolo ra eghu. Eghuteuna mana ginauna botho lokmo diu jare ghilei thokeni narane nate paradi re.

Naba 24:17

“Iara la filonihi unha nate thoke mei ginauna. Kaisei nathunu biꞌo ginauna jifla mei ka vikegna mae Jekob. Uve, kaisei king ginauna funu mei gna Israel. Mana ginauna mei fanoinoli phaꞌudi mae lidadi Moab re, eghuteuna mana ginauna mei goigonidi mae mala magra re.

Naba 24:25

Aonu mae Balam kegra haghe neke pulo ka nogna namono na. Eghuteuna mae Balak jaola ne tei nogna.

Josua 13:22

Kaisei mae ka mae igre teke aknu falehe mae Moses na, mae Belam thugna mae Beo. Mae Belam gne kaisei mae mala fafara ka naitu mala laseni unha nate thoke mei ginauna.