Naba 23:20 - Buka Blahi Ka Cheke Holo

²⁰ Uve, mana neke cheke ghau iara mala fablahidi naiknodi Israel. Aonu God ne fablahidi mare, eghuteuna iara theome tangomana teke lhotini nogna fablahi mana na.

Naba 23:20 ပူးပေါင်းရင်းမြစ်များ

Naba 22:12

Aonu Lord neke cheke eghu ka mana, “Iagho thosei tei baludi mare. Eghuteuna iagho thosei ke tibridi mare mala thokedi hoholo, naugna iara neke fablahidi naikno igre.”

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Profet Isaia 43:13

Uve, iara God mae ihei te au fabrahu funu tifa na. Theo kaisei naikno te rikhani nogu nolaghi iara na, eghuteuna theo kaisei naikno nate tughu glepo teke edi iara re.” Igne chekegna Lord.

Naba 22:18

Nu mana neke cheke eghu ka mare, “Neubane tufa mei mae Balak nogna suga te fodu ka silva nei gol teure ka iara, iara theome tangomana te huhughuni chekegna nogu Lord God na.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Naba 22:38

Nu mae Balam ne cheke eghu ka mana, “Uve, iara la meihi gognaro na. Nu iara na theome chekeni kaisei glepo mala togho nigho iagho. Nu iara na chekedi kolho unha teke cheke mei God ka iara re.”

Jenesis 27:33

Mae Isak ne rhana nogna fara ne fififri tongana thinigna na ne cheke eghu, “Tore, mae ihei si tela hata gano tela mei hi ka iara tela ghamuhi iara kani theome mei nga teku iagho tela fablahini hi iara ia? Eghuteuna fablahi igne ginauna au fabrahu hi ka mana tifa e tifa.”

Naba 6:27

“Eghume te chekeni mare nanghagu iara mala fablahidi naiknodi Israel gre teuna, iara ginauna fablahidi naikno tuare.”

Ululahu Kronikols 17:27

Gognarona iara tore nigho iagho mala fablahini vikegu iara gne, mala au ka pharikeli fabrahu ke parimu iagho. Lord iagho neke chekehi, jame te fablahini iagho vikegu iara gne na, iara ginauna laseni iagho ginauna fablahidi mare fabrahu.”