Naba 23:2 - Buka Blahi Ka Cheke Holo

² Aonu mae Balak ne edi unha te chekedi mae Balam re, eghuteuna phiamare ne fafara buluka nei sipu teure ka fitu olta re.

Naba 23:2 ပူးပေါင်းရင်းမြစ်များ

Naba 23:30

Eghuteuna mae Balak ne edi unha teke chekedi mae Balam re, ne fafara kaisei buluka nei sipu neu ka fitu olta re.

Naba 23:14

Aonu mana tathaleini mae Balam ne tei ka vido te snagla jare ka vido Sofim ka thogele Pisga. Eghuteuna jare ka thogele na, mana neke edi fitu olta ne fafara kaisei buluka nei sipu neu ka fitu olta te gnafa igre.

Naba 23:1

Mae Balam ne cheke eghu, “Iara magnahaghei te edi iagho fitu olta ka vido igne, eghuteuna iagho ginauna atha mei fitu buluka nalhaꞌudi nei fitu sipu nalhaꞌudi ka iara.”

Naba 23:3

Aonu mae Balam ne cheke eghu ka mana, “Kate tei iara kosi na, iagho na au agne rhedi nou fafara igre, jau na Lord ginauna mei mala thafo ghau iara. Unha glepo te chekedi mana re, iara nake mei cheke ka iagho.” Aonu mae Balam ne tei thegna ke holo ka vido te theo gaju nei buburu teu tagna na.

Profet Esikiel 45:23

Eghuteuna leuleghu narane ka fitu narane gaghamu igne, king ginauna hata mei fitu buluka nalhaꞌudi nei fitu sipu nalhaꞌudi te theo thubu ba te theo thona ka thinidi re, mala gahu krono fara mala fafara mei ka iara. Eghuteuna leuleghu narane na mana ginauna mala famei kaisei nanigot nalhaꞌugna mala hata koko nakhibo, mala doglo naikno na ka tathagu iara na.

Naba 23:29

Aonu mae Balam ne cheke eghu ka mae Balak, “Iara magnahaghei te edi iagho fitu olta ka vido igne, eghuteuna iagho ginauna atha mei fitu buluka nalhaꞌudi nei fitu sipu nalhaꞌudi ka iara.”