Naba 23:19 - Buka Blahi Ka Cheke Holo

¹⁹ God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Naba 23:19 ပူးပေါင်းရင်းမြစ်များ

Ululahu Samuel 15:29

Nodi God maedi Israel te au fabrahu igne theome jateula tahati eghu tangomana te chaghi na, nei jaola theome tangomana teke tughu gaoghathogna na.”

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Profet Malakai 3:6

Lord mae ihei te au nolaghi fateoteo igne ne cheke eghu, “Iara Lord, iara theome tangomana teke tughu na. Eghume ghotilo vikegna mae Jekop ra ghotilo ginauna theo kaisei glepo ka nauthoglu igne nate tapla fapari ghami ba fahui ghami ghotilo.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Taetus 1:2

Mana magnahaghei ghita tahati te mala hata u karha te theo ka huigna na. Eghuteuna, tahati rouronu eigna u nakarha igne naugna God neke kulu nhaꞌa chekenihi igne funu tifa kani theome vuvuha nga tekeu u nauthoglu igne. Nu tahati kafe laseni God na theome tangomana te chaghi ghita tahati na.

Letas Teke Riso Tei Mae Pol Ka Khiloau Rom 11:29

Naugna God na theome tangomana nate tughu nagnafagna ka mae Jiu, iheire mana teke vahidi nei fablahidi.

Luku 21:33

Maloa ghe nauthoglu gre ginauna hui, nu chekegu iara na ginauna theo ka huigna.”

Profet Habaku 2:3

Naugna narane te mala thoke meidi gobigna lepo teke fakakhana iara ka iagho igre na theome raugha thoke mei. Jame gaoghathomu iagho na glepo igre ginauna theome ghosei mei eghu. Nu iagho ofou kolho, naugna glepo igre ginauna thoke mei ka thofno narane gna na.

Nodi Khoje Hatimare Mae Jiu 89:35

Iara neke nhaꞌa chekehi ka nanghagu te blahi ne, eghume iara theome tangomana te chaghini mae Devet.

Profet Hosia 11:9

Neubane diꞌatagu iara ka ghotilo, iara ginauna na theome para ghami ba goigoni ghami fabrahu ghotilo. Iara God mae ihei te au balumi fabrahu ghotilo. Puhigu iara na theome jateula puhigna naikno eghu. Neubane diꞌatagu iara ka ghotilo, iara na theome hiro mala para ghami ghotilo. Theo.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Ululahu Kronikols 17:17

God, eidi gobigna lepo te chekedi iagho unha nate thoke mei nathuꞌu nauriha ka vikegu iara gne thofno keli fara salaꞌudi unha glepo teke edi iagho ka iara tifa ra. Iara khogla naikno kolho, nu iagho Lord God, iagho eni kaisei glepo te thofno keli fara ka iara.

Letas Teke Riso Tei Mae Pol Ka Khiloau Rom 9:6

Neubane kmana mae Jiu te theome fatutuani ni nga teu mae Jisas Kraes, nogna nhaꞌa cheke God ranghidi mae Ebraham, mae Isak, nei mae Jekop na theome jafra. Naugna keha naikno ghu kolho Israel te thofno nogna naikno God re.

Fapea Timoti 2:13

Neuba tahati ne theome tajini noda nhaꞌa cheke na, mana ginauna na tajini fabrahu nogna nhaꞌa cheke na, naugna mana theome tangomana te chaghini thegna na.”

Hibru 7:21

Nu kate pris mae Jisas na, God neke nhaꞌa cheke eghu, “Lord neke eni kaisei nhaꞌa cheke, eghuteuna mana ginauna theome tughu gaoghathogna na. Mana ne cheke eghu, ‘Iagho kaisei mae mala pris fabrahu tifa tifa.’ ”

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Naba 14:35

Iara na eni igne ka naikno te diꞌa te mei khapru te buiburi ghau iara igre, mala lehe mare agne ka namono nagou gne. Iara Lord te chekeni igne.”

Naba 23:18

aonu mae Balam ne cheke eghu ka mana, “Uve, ghema Balak, thugna mae Sipoa, fanomho fakeli iagho ka nogu cheke iara gne:

Nodi Khoje Hatimare Mae Jiu 89:34

Uve, iara ginauna na theome ari fadidiꞌa nogu nhaꞌa cheke balugna mana na, eghuteuna iara ginauna na theome tuthughu kaisei glepo ka nhaꞌa cheke tuana.

Nodi Khoje Hatimare Mae Jiu 110:4

Lord neke eni kaisei nhaꞌa cheke ka iagho, eghuteuna mana ginauna nake theome tughu gaoghathogna na. Mana neke nhaꞌa cheke eghu, “Iagho ginauna pris fabrahu jateula mae Melkisedek tifa ia eghu.”

Profet Isaia 21:17

Neuba mae soldiadi Keda igre ne nheta kate magra na, eghuteuna mare laseni fara te fada ka phaloho na neu, nu phei ba thiloi kolho nate karha na. Iara Lord, nodi God maedi Israel te chekeni igne!”

Profet Isaia 31:2

Lord na mae glalase fara, eghuteuna mana theome tangomana teke tughu nogna nhaꞌa cheke te mala goigonidi naikno te diꞌare. Mana ginauna snakre mei puhi biꞌo mala thokedi iheire te fariuriu toghodi naikno te diꞌare eghuteuna mana ginauna paradi mare.

Profet Isaia 40:8

Uve, buburu na tangomana te gnhagha na, eghuteuna chechenge na tangomana te khoko pari na, nu chekegna noda God na ginauna au fabrahu tifa tifa.”

Profet Isaia 46:11

Iara ginauna kilo meini kaisei maegna ka vido te khaba fara ke maghati, eghuteuna mana ginauna ghosei mei jateula kaisei gaghata te ghosei te tava te soru mei funugna kligna te atha ghegna ganora eghu. Mae igne ginauna mei edi gobigna lepo teke ghathodi iara re. Iara neke chekehi igne, eghuteuna iara ginauna edi glepo igre jateula teke chekeni iara ia eghu.

Profet Isaia 55:11

Chekegu iara na ginauna jateula tuana eghu. Gobigna lepo te chekedi iara igre ginauna thoke mei tutuani jateula teke ghathoni iara na eghu. Eghuteuna unha te chekeni iara na, na theome theo. Uve, gobigna lepo te chekedi iara igre ginauna thoke mei jateula te magnahagheni iara na eghu.

Profet Jeremaea 4:28

Gobigna lepo ka nauthoglu na igre ginauna tanhi, eghuteuna maloa igne ginauna romno soru. Naugna igne, nogu cheke nei gaoghatho teu iara te mala edi glepo igre ginauna na theome ke tughu.”

Profet Daniel 4:28

Gobigna lepo igre ne thoke mei tutuani fara ka King Nebukadnesa.

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Josua 21:45

Lord neke tajidi nogna nhaꞌa cheke te gnafa teke edi mana baludi kuꞌedi mare tifa ra. Nogna famane nhaꞌa cheke mana igre ne thoke mei tutuani fara.

Ululahu Samuel 3:12

Ka narane tuare, iara ginauna edi gobigna lepo teke chekedi iara ranghini tharaknagna mae Eli, eghuteuna theo kaisei glepo nate jafra na.

Ululahu Kings 14:11

Vikegna mae Jeroboam te lehe ke lamna namono biꞌo na, khuma ginauna ghamu thinidire. Eghuteuna keha te lehe mata re, nanghaji ginauna ghamu thinidire. Iara Lord te chekeni igne!’

Fapea Kings 7:2

Kaisei mae biꞌo te tei koba balugna king na ne cheke eghu ka mae Elisa, “Iagho chaghi! Neuba Lord ne tothora maloa na ne tofa soru gano gna kligna na gognarogne meuna, foligna gano na theome tangomana nate soru na!” Mae Elisa ne cheke eghu ka mana, “Iagho ginauna filoni ka tathamu themu na glepo igne, nu iagho ginauna na theome ghamuni kaisei glepo ka gano igre.”

Fapea Kings 15:12

Aonu nhaꞌa cheke teke cheke eghu Lord ka King Jehu tifa igne ne thoke mei tutuani, “Vikemu iagho te sukha ka fati phagusu igre ginauna mala king Israel.”

Nodi Khoje Hatimare Mae Jiu 77:9

Ba? God na theome kokhoni ghami ghehati sia? Ba? Diꞌatagna mana ka ghehati na salaꞌuni puhi te keli ranghi ghami ghehati na sia?”

Nodi Khoje Hatimare Mae Jiu 132:11

Iagho neke eni kaisei nhaꞌa cheke te theome bligi ka mae Devet te theome tangomana iagho te fakhusui na. Uve, iagho neke nhaꞌa cheke eghu agne, “Iara ginauna vahini kaisei mae thumu iagho mala king, eghuteuna mana ginauna mala funei frunidi naiknore ke leghumu iagho.