Naba 23:13 - Buka Blahi Ka Cheke Holo

¹³ Aonu mae Balak neke cheke eghu ka mae Balam, “Tapa nake age ka kaisei vido, jare iagho na tangomana te filodi keha naiknodi Israel re. Ka vido tuana iagho na togho ghau iara mala tibridi iagho naikno tuare.”

Naba 23:13 ပူးပေါင်းရင်းမြစ်များ

Nodi Khoje Hatimare Mae Jiu 109:17

Mae igne neke magnahaghei te tibri falehedi keha naiknore. Eghume, jame te keli na, tibri teke edi mana tuare mala ke thokeni thegna! Mana neke theome magnahaghei te eni kaisei glepo te keli ranghidi keha naiknore. Eghume, thosei snakreni kaisei glepo te keli te mei ka mana na!

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Ululahu Kings 20:28

Aonu mae profet tei ne cheke eghu ka King Ehab, “Igne unha te chekeni Lord na: ‘Te ghathoni mae soldia di Siria igre na, iara gne God gna thogele kolho, theome God gna sare. Eghume, neuba mare ne kmana fara, iara ginauna snakre ari ka khamemu iagho armi biꞌo igne. Eghuteuna iagho ginauna laseni te Iara Lord.’ ”

Ululahu Kings 20:23

Ke leghugna igne, hatimare nogna mae biꞌo King Ben-Hadad igre ne cheke eghu ka mana, “Nodi god naiknodi Israel na, god gna thogele kolho, naugna igne te ulu ghita tahati mare na. Nu jame te tei magra tahati ka mare ka sare na, tahati ginauna tangomana te uludi mare na.

Josua 24:9

King Balak thugna Sipoa, mana nodi king naiknodi Moab ka narane tuare, mana na ari magra ka ghotilo. Mana fatei cheke ka mae Balam thugna Beo mala ari tibri ghami mala thoke ghami ghotilo puhi biꞌo.

Naba 22:41

Ka hamerane gna keha rane na, mae Balak athani mae Balam ne tei ka thogele Bamot-Baal, jare ka vido tuana, mae Balam ne filodi keha naiknodi Israel re.

Naba 23:12

Mae Balam ne cheke eghu, “Iara chekedi kolho unha te cheke meidi Lord ka iara re.”

Naba 23:14

Aonu mana tathaleini mae Balam ne tei ka vido te snagla jare ka vido Sofim ka thogele Pisga. Eghuteuna jare ka thogele na, mana neke edi fitu olta ne fafara kaisei buluka nei sipu neu ka fitu olta te gnafa igre.

Naba 22:6

Iagho na mei mala togho ghau iara. Iagho ginauna tibridi mare mala thokedi hoholo. Naugna mae igre thofno nheta fara eghuteuna iara theome tangomana te uludi mare ka magra na. Jame te eni iagho na iara ginau tangomana ke chekedi mare mala ke jifla mare ka kantri igne. Naugna iara laseni, naikno te fablahi iagho re ginauna gleꞌa nodi, eghuteuna naikno te tibridi iagho re ginauna thokedi hoholo.”