Naba 23:1 - Buka Blahi Ka Cheke Holo

¹ Mae Balam ne cheke eghu, “Iara magnahaghei te edi iagho fitu olta ka vido igne, eghuteuna iagho ginauna atha mei fitu buluka nalhaꞌudi nei fitu sipu nalhaꞌudi ka iara.”

Naba 23:1 ပူးပေါင်းရင်းမြစ်များ

Naba 23:29

Aonu mae Balam ne cheke eghu ka mae Balak, “Iara magnahaghei te edi iagho fitu olta ka vido igne, eghuteuna iagho ginauna atha mei fitu buluka nalhaꞌudi nei fitu sipu nalhaꞌudi ka iara.”

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Profet Esikiel 45:23

Eghuteuna leuleghu narane ka fitu narane gaghamu igne, king ginauna hata mei fitu buluka nalhaꞌudi nei fitu sipu nalhaꞌudi te theo thubu ba te theo thona ka thinidi re, mala gahu krono fara mala fafara mei ka iara. Eghuteuna leuleghu narane na mana ginauna mala famei kaisei nanigot nalhaꞌugna mala hata koko nakhibo, mala doglo naikno na ka tathagu iara na.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Thoutonu Eigna Mae Job 42:8

Eghume ghotilo na hata tei fitu buluka nalhaꞌudi nei fitu sipu nalhaꞌudi, eghu tei ka mae Job. Eghuteuna ghotilo falelehe glepo igre mala fafara te thofno krono fara. Eghuteuna mae Job nogu mae gloku iara igne ginauna tarai mei ka iara eimi ghotilo. Eghuteuna iara ginauna nomhidi nogna tharai mana re. Neuba ghotilo ne jafrahi, nu iara ginauna na theome para ghami ghotilo. Ghotilo theome cheke fadoglo eigu iara jateula mae Job eghu.”

Fapea Kronikols 29:21

Eghuteuna kate mei mare na, mare ne hata ne mei fitu buluka nalhaꞌudi nei fitu sipu nalhaꞌudi, nei fitu sua sipu nalhaꞌudi, nei fitu nanigot nalhaꞌudi. Glepo igre mala fafara ranghini king nei tharakna gna, nei naikno te gnafa Juda, nei malagna Sugablahi na langau eghu mala doglo ka tathagna Lord. King Hesekaea ne cheke ranghidi mae pris ka vikegna Eron mala fafara gano igre ke kligna olta.

Ululahu Kronikols 15:26

Eghuteuna ka narane pala te tei mae Livaet igre nogna Bokis Nhaꞌa Cheke Lord na, Lord ne toghodi mare. Eghuteuna mae pris gre ne fafara fitu buluka nalhaꞌudi nei fitu sipu nalhaꞌudi eghu ka mana.

Fapea Kings 18:22

Mae komanda gna Asiria igne tudu ne cheke eghu, ‘Glahu chekeni iagho ka iara te rouronu iagho ka Lord nou God na fou? Nu filo si ghotilo! King Hesekaea la goigonihi nogna vido blahi nei nogna olta teu Lord ra. Eghuteuna mana cheke faheta ka ghotilo naiknomi Jerusalem nei Juda teu ra mala pogho soru ka kaisei olta kolho Jerusalem.’

Ululahu Samuel 15:22

Nu Profet Samuel ne cheke eghu, “Unha te magnahagheni Lord na? Ba, mana magnahaghei nigho iagho te faꞌuveni nogna cheke na, ba, mala eni iagho fafara te thofno krono na? Te faꞌuveni iagho mana na tuana keli fara salaꞌuni fafara na. Te fanomho iagho ka mana na tuana keli fara salaꞌuni garofa gna sipu te fafara na.

Naba 29:32

“Eghuteuna ka fafitu narane gna gaghamu na, ghotilo ginau edi keha fafara fananaba kolho ka narane ululahu gna gaghamu ia, nu ghotilo ginau fafara fitu buluka nalhaꞌudi te majaghani.

Eksodas 20:24

“Ghotilo atha keha glose mala hohoro nogu olta iara. Eghuteuna ka olta igne ghotilo mala fafara sipu, nanigot nei buluka eghu ka vido aheva teke vahini iara ranghi ghami ghotilo te mala pogho soru ranghi ghau na. Jame te eni ghotilo igne ka vido aheva teke vahini iara te mala pogho soru ranghi ghau na, iara ginau na soru mei mala fablahi ghami ghotilo.

Naba 22:41

Ka hamerane gna keha rane na, mae Balak athani mae Balam ne tei ka thogele Bamot-Baal, jare ka vido tuana, mae Balam ne filodi keha naiknodi Israel re.

Naba 23:2

Aonu mae Balak ne edi unha te chekedi mae Balam re, eghuteuna phiamare ne fafara buluka nei sipu teure ka fitu olta re.

Naba 23:30

Eghuteuna mae Balak ne edi unha teke chekedi mae Balam re, ne fafara kaisei buluka nei sipu neu ka fitu olta re.