Naba 22:6 - Buka Blahi Ka Cheke Holo

⁶ Iagho na mei mala togho ghau iara. Iagho ginauna tibridi mare mala thokedi hoholo. Naugna mae igre thofno nheta fara eghuteuna iara theome tangomana te uludi mare ka magra na. Jame te eni iagho na iara ginau tangomana ke chekedi mare mala ke jifla mare ka kantri igne. Naugna iara laseni, naikno te fablahi iagho re ginauna gleꞌa nodi, eghuteuna naikno te tibridi iagho re ginauna thokedi hoholo.”

Naba 22:6 ပူးပေါင်းရင်းမြစ်များ

Naba 24:9

Ghotilo jateula lion biꞌo te thuru gnafa nogna teu ia eghu. Uve, ghotilo jateula lion gaꞌase gna te thuru iho teu ia eghu. Mare mhaghu te tei mala fadofrani na. Jame kaisei mae fablahi ghami ghotilo, God ginauna jaola fablahini mana. Nu jame kaisei mae tibri ghami ghotilo mala thoke ghami hoholo teuna, God ginauna jaola tibrini mana mala thokeni hoholo.”

Mae Khuru 16:16

Kaisei narane kate tei ghehati ka vido te mala tarai na, kaisei gaꞌase gloku mei ne deni ghami ghehati. Kaisei naitu na au ka gaꞌase tuana mala tangomana naꞌa te toutonudi glepo te theome thoke mei nga teure. Aonu nogna mae funei naꞌa re hata sileni biꞌo fara kate eni naꞌa tuana.

Profet Esikiel 13:6

Nomi profet ghotilo are chekedi kolho chaichaghi eidi mifi mare te theome filodi, eghuteuna mare jaola cheke chaichaghi ka puhi te theo nafudi teke hohoro kolho ka naitu. Mare cheke eghu, ‘Igne cheke neke mei funugna ka Lord,’ nu iara Lord neke theome kurudi mare. Neuba ngau, mare gaoghathodi na nodi chekere ginauna thoke mei tutuani eghu!

Nehemaea 13:2

Naugna naiknodi Amon nei Moab teu igre neke theome tufa gano nei khoꞌu eghu ka kuꞌemi ghehati teke tei salaꞌu ka nodi namono mare tifa ra, nu mare neke folini mae Balam mala cheke mana ka God mala thokei mei puhi biꞌo ke klignadi mae Israel. Neuba, nomi God ghehati na theome snakreni mae Balam te eni igne. Nu mae Balam neke cheke ka God mala fablahidi nogna naiknore.

Ululahu Kings 22:13

Aonu mae biꞌo teke kilo meini mae Profet Maekaea igne ne cheke eghu ka mana, “Keha mae profet igre mare nhaꞌa cheke ka king te mala uluni mana magra na. Te keli na iagho jame jaola cheke jateula mare eghu.”

Ululahu Kings 22:8

Aonu King Ehab ne cheke eghu, “Uve, kaisei nogna profet Lord na au agne, nanghagna na mae Maekaea, thugna mae Imla. Tapa tangomana te ghusnani mana te mala nomhini gaoghathogna Lord na. Nu iara tiroguni mae igne eigna leuleghu fata na mana theome chekeni kaisei glepo te keli ka iara, nu nonomho diꞌa eigu iara kolho!” Mae Jehosafat ne cheke eghu ka mana, “Iagho theome tangomana te cheke jateula tuana teuna. Fanomho sagho ka unha te chekeni mana na!”

Ululahu Kings 22:6

Aonu mae king Ehab ne kilo meidi fati gobi profet. Eghuteuna mana ne ghusna eghu ka mae profet igre, “Ba, iara tangomana te tei magra ka king gna Siria jare Ramot-Gilead, ba theo?” Hatimare ne cheke eghu ka mana, “Uve king, tei sagho. Noda Lord ginauna togho nigho mala uluni iagho magra na!”

Ululahu Samuel 17:43

Eghuteuna mana ne cheke eghu ka mae Devet, “Ghema, ne kaisei khuma iara eghu mei balu khodo sagho ia?” Aonu mana ne ehadi nogna god re mala tibrini mae Devet.

Diutronomi 23:4

Naugna tifa kani teke jifla ghotilo Ijep ia, ghotilo neke mei salaꞌu ka nodi nohi naiknodi Amon, eghuteuna mare neke theome kelitadi te tufa gano nei khoꞌu teu ka ghotilo na. Eghuteuna kate mei ghotilo ka nodi nohi naiknodi Moab, mare neke kilo meini mae Balam thugna mae Beo, maegna ka namono Petoa jare Mesopotemia. Mare folini mae Balam mala tibri ghami ghotilo.

Naba 22:17

naugna iara ginauna foli nigho mala dedei iagho, eghuteuna jaola edi unha te chekedi iagho re. Eghume iara tore nigho mala mei togho ghau iara mala tibridi iagho mare mala thokedi hoholo.”

Naba 22:12

Aonu Lord neke cheke eghu ka mana, “Iagho thosei tei baludi mare. Eghuteuna iagho thosei ke tibridi mare mala thokedi hoholo, naugna iara neke fablahidi naikno igre.”

Jenesis 27:29

Naikno te gnafa ka namono igre ginauna mala loku ranghi nigho iagho, nei mala ghatho tahu nigho iagho. Iagho ginauna mala nodi funei hatimare mae thabusimu iagho gre. Vikegna idomu iagho gre ginauna mala ghatho tahu nigho iagho. Iheire te tibri nigho iagho re, God ginauna nake tibridi. Eghuteuna iheire te fablahi nigho iagho re, God ginauna nake fablahidi.”

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Proveb 26:2

Thibri te mala goigonini mae te doglo te theome eni kaisei puhi na, ginauna jateula nanghaji te flalo tafri kligna ra eghu kolho.

Nodi Khoje Hatimare Mae Jiu 109:28

Lisa lao sagho tibri ghau iara mare, nu iagho ginau fablahi ghau iara kolho. Tapla sorudi sagho naikno te cheke famamaja ghau iara are. Jame te eghu iagho na, nou mae gloku iagho na ginauna thono glealeꞌa fara.

Josua 24:9

King Balak thugna Sipoa, mana nodi king naiknodi Moab ka narane tuare, mana na ari magra ka ghotilo. Mana fatei cheke ka mae Balam thugna Beo mala ari tibri ghami mala thoke ghami ghotilo puhi biꞌo.

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Naba 23:13

Aonu mae Balak neke cheke eghu ka mae Balam, “Tapa nake age ka kaisei vido, jare iagho na tangomana te filodi keha naiknodi Israel re. Ka vido tuana iagho na togho ghau iara mala tibridi iagho naikno tuare.”

Naba 23:27

Aonu mae Balak neke cheke eghu ka mae Balam, “Mei iagho, tapa nake age ka kaisei vido ngau. Glahu ke keli tagna God ke snakre nigho iagho mala togho ghau iara, mala ke tibridi iagho mare mala thoke hoholo.”