Naba 22:5 - Buka Blahi Ka Cheke Holo

⁵ ne fatei kaisei nonomho ka mae profet Balam, thugna mae Beo jare ka namono Petoa, rhegna Khoꞌu biꞌo Iufretis. Nonomho igne ne cheke eghu agne, “Iara magnahaghei nigho iagho te laseni eigna kaisei vike biꞌo neke jifla mei funu Ijep. Mare mei au rhegu iara, eghuteuna mare la khotodi hila namono te gnafa re.

Naba 22:5 ပူးပေါင်းရင်းမြစ်များ

Diutronomi 23:4

Naugna tifa kani teke jifla ghotilo Ijep ia, ghotilo neke mei salaꞌu ka nodi nohi naiknodi Amon, eghuteuna mare neke theome kelitadi te tufa gano nei khoꞌu teu ka ghotilo na. Eghuteuna kate mei ghotilo ka nodi nohi naiknodi Moab, mare neke kilo meini mae Balam thugna mae Beo, maegna ka namono Petoa jare Mesopotemia. Mare folini mae Balam mala tibri ghami ghotilo.

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Josua 24:9

King Balak thugna Sipoa, mana nodi king naiknodi Moab ka narane tuare, mana na ari magra ka ghotilo. Mana fatei cheke ka mae Balam thugna Beo mala ari tibri ghami mala thoke ghami ghotilo puhi biꞌo.

Letas Teke Rioriso Mae Jud 1:11

Puhi biꞌo fara na thokei mei ka mare! Eigna mare ne leghuni puhigna mae Kein tifa ia. Eghuteuna mare jateula mae Belam eigna mare magnahaghei hata sileni fara kate toutonu chaghi na. Mare huhughuni God jateula mae Kora teke huhughuni God tifa ia eghu. Mare ginauna jateula mana eghu mala lehe.

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Josua 13:22

Kaisei mae ka mae igre teke aknu falehe mae Moses na, mae Belam thugna mae Beo. Mae Belam gne kaisei mae mala fafara ka naitu mala laseni unha nate thoke mei ginauna.

Naba 23:7

Aonu mae Balam ne cheke fajiflani u nonomho igne, “Mae funei Balak na neke atha fajifla ghau iara funu Siria mala mei agne neku. Mana cheke ka iara mala tibridi iara tharakna gna mae Jekob na. Mae funei gna Moab na neke atha fajifla ghau iara funu ka thogele ke maghati. Mana cheke ka iara mala cheke fadiꞌadi naiknodi Israel re.

Nodi Khoje Hatimare Mae Jiu 105:24

Lord ne fathovudi ne bruara fara neu jare. Mana ne fanhetadi mala theome tangomana hatimare mae naoka te tapla sorudire.

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Eksodas 10:15

Cheche na ne mei ne fodu ne romno thubi neu ka thagrugna glose na ne ghamu fateo buburu te gnafa nei khakladi gaju te ikodi te gnafa teu teke theome fadidiꞌa nakhete thina ra. Theo kaisei khakla gaju ba buburu te au Ijep na, thono theo fara. Hui teuna ngala.

Naba 31:8

Eghuteuna mare jaola ne falehedi glima nodi king maedi Midian re. Nanghadi mae king re igre: Mae king Evi, mae king Rekem, mae king Sua, mae king Hua, nei mae king Reba. Mare jaola ne faleheni mae Balam, thugna mae Beo na.

Diutronomi 23:5

Nu Lord nomi God ghotilo igne neke tirogna fanomho ka mae Balam. Eghuteuna neuba mae Balam ne tibri ghami ghotilo, God figri thibri igne ka kaisei fablahi, naugna mana namha ghami ghotilo.