Naba 22:4 - Buka Blahi Ka Cheke Holo

⁴ Aonu naiknodi Moab gre ne cheke eghu ka mae lidadi Midian re, “Tore, naikno igre thono kmana fara, eghuteuna theome raugha mare ginauna goigoni noda namono tahati gre, jateula buluka te ghamu fahui buburu ra eghu.” Eghume mae Balak mae ihei te king teu Moab ka vido tuana,

Naba 22:4 ပူးပေါင်းရင်းမြစ်များ

Naba 31:8

Eghuteuna mare jaola ne falehedi glima nodi king maedi Midian re. Nanghadi mae king re igre: Mae king Evi, mae king Rekem, mae king Sua, mae king Hua, nei mae king Reba. Mare jaola ne faleheni mae Balam, thugna mae Beo na.

Profet Jeremaea 48:38

Heva heva ke lamna kantri, naiknore tanhi tafri ke lamna suga, ba ke lamna glalaba. Naugna iara ne goigonini Moab, jateula suspen thina te theo kaisei naikno te magnahagheni te puri nguangujara neu.

Jajis 11:25

Ba, iagho gaoghathomu na iagho nheta salaꞌuni King Balak thugna Sipoa, mae ihei teke king tifa ka vikegna Moab ia? Mana neke theome fapholai ba mei magra ka kuꞌemi ghehati tifa ra!

Naba 24:17

“Iara la filonihi unha nate thoke mei ginauna. Kaisei nathunu biꞌo ginauna jifla mei ka vikegna mae Jekob. Uve, kaisei king ginauna funu mei gna Israel. Mana ginauna mei fanoinoli phaꞌudi mae lidadi Moab re, eghuteuna mana ginauna mei goigonidi mae mala magra re.

Naba 22:7

Aonu mae lidadi Moab ghe Midian re tei ne atha sileni mala folini mae Balam. Mare tei ne filoni Balam ne facheke nogna cheke mae Balak re ka mana.

Naba 22:2

Ka vido tuana, mae Balak thugna mae Sipoa gne ne nomhidi nei filodi neu unha glepo teke edi naiknodi Israel gre ka naiknodi Amoa re.

Eksodas 15:15

Aonu hatimare mae biꞌo te mala baubatu ka phei kantri Idom nei Moab teu gre ne nanga nodi fara. Eghuteuna nodi nanheta naiknodi Kenan re ne blalho jateula nabubla hamerane ra neu kolho.

Naba 25:6

Aonu mae Moses baludi naiknodi Israel re ne kegra ke ulugna Suga Thapuale te blahi na ne loku ka tanhi na. Ka vido tuana, kaisei mae ne tathalei ne mei gaꞌase ka vikedi mae Midian re ka nogna suga thapuale thegna na, nu naikno te gnafare ne kafe filoni mana.

Naba 31:1

Lord neke cheke eghu ka mae Moses,

Jajis 6:1

Naiknodi Israel igre neke huhughuni Lord, aonu Lord snakredi naiknodi Midian neke funei frunidi nabagna fitu finogha.

Ululahu Kings 11:18

Mare jifla ka nohi Midian ne tei ka namono nagou Paran, eghuteuna keha maedi Paran jaola ne toghodi mare. Aonu mare jifla ne tei Ijep mala tei filoni king gna Ijep. King ne snakre lao keha vido glose nei kaisei suga biꞌo neu ka mae Hadad, eghuteuna mana jaola ne toghoni mana ka gano na leghu narane.