Naba 22:20 - Buka Blahi Ka Cheke Holo

²⁰ Ka bongi tuana God ne mei ka mae Balam, ne cheke eghu ka mana, “Eghume te mei mae igre te cheke ka iagho mala tei baludi teuna, iagho tei baludi mare, nu edi kolho iagho unha te chekedi iara ka iagho re eghu.”

Naba 22:20 ပူးပေါင်းရင်းမြစ်များ

Naba 24:13

Neubane tufa mei mae Balak nogna gol nei silva teure ka iara, iara theome tangomana te huhughuni nogna cheke Lord na. Neubane glepo keli ba glepo diꞌa neu, iara theome tangomana te chekeni kaisei glepo te jifla mei ka gaoghatho guna. Iara mala chekedi kolho unha teke tonu mei Lord ka iara re.

Naba 23:26

Nu mae Balam ne cheke eghu ka mana, “Iara neke chekehi ka iagho te iara ginauna chekedi kolho unha te cheke mei Lord ka iara re.”

Naba 23:12

Mae Balam ne cheke eghu, “Iara chekedi kolho unha te cheke meidi Lord ka iara re.”

Naba 22:35

Nu engel na neke cheke eghu ka mae Balam, “Tei sagho baludi mare, nu chekedi kolho iagho unha teke cheke iara ka iagho ra eghu.” Aonu mae Balam ne tei baludi nogna mae funei mae Balak re.

Profet Hosia 13:11

Iara diꞌatagu neke vahini kaisei king ka ghotilo. Eghuteuna gognaro na iara jaola diꞌatagu ne brue teidi king igre.

Profet Isaia 37:29

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.

Nodi Khoje Hatimare Mae Jiu 81:12

Eghume iara lisa laodi mala patu gama mare, mala eni mare unha te magnahagheni thedi na eghu.

Naba 23:16

Aonu Lord mei ne thafoni mae Balam, ne toutonu ka mana unha te mala tonudi mana re, eghuteuna ke kuru fapuloni mana ka mae Balak mala tonu ka mana nogna thonu re.

Naba 23:5

Aonu Lord ne tufa lao kaisei nonomho ka phepeogna mae Balam ne cheke eghu, “Iagho ke pulo ka mae Balak eghuteuna toutonu lao ka mana nonomho igne eghu.”

Naba 22:19

Iara tore ghami ghotilo mala au agne bongi na jateula mae teke kulu mei ra eghu, glahu cheke mei Lord keha glepo ka iara ba theo.”

Naba 24:4

Igne nogna cheke mae ihei te nomhini chekegna God na. Uve, igne nogna cheke mae ihei te filoni ka mifi unha te mei funu ka God te nolaghi.

Profet Jeremaea 1:7

Nu mana ne cheke eghu ka iara, “Thosei chekeni iagho ne mae majaghani fara teuna. Iara ginauna kuru tei nigho iagho ka naikno te gnafa ka vido aheva nate tei iagho na. Eghuteuna iagho ginauna toutonu ranghidi gobigna lepo te chekedi iara ka iagho igre.