Naba 22:17 - Buka Blahi Ka Cheke Holo

¹⁷ naugna iara ginauna foli nigho mala dedei iagho, eghuteuna jaola edi unha te chekedi iagho re. Eghume iara tore nigho mala mei togho ghau iara mala tibridi iagho mare mala thokedi hoholo.”

Naba 22:17 ပူးပေါင်းရင်းမြစ်များ

Naba 24:11

Iagho nake pulo kolho ka namono gognaro la! Iara nhaꞌa cheke mala foli nigho neku sia! Nu iagho ginauna theome atha nou taba na, naugna Lord ne lhoti nigho te mala atha gna nou taba na.”

Matiu 16:26

Jame kaisei mae khotodi gobigna lepo fateo kau nauthoglu igne, eghuteuna lisa laoni thofno nakarhagna na teuna, ba gobigna lepo fateo igre ginauna na toghoni mana? Thono theo fara! Nu unha gne nate tusu lao mana mala teke hata fapuloni nakarhagna na? Thono theo fara!

Matiu 14:7

Aonu mana nhaꞌa cheke ka naꞌa unha te magnahagheni na.

Nogna Buka Esta 7:9

Eghuteuna kaisei mae, nanghagna na mae Habona, mana ne cheke eghu, “King, mae igne neke kulu tarabanahi kaisei gaju mala falehe naikno rhegna nogna suga na, brahugna gaju igne jame nabagna varadaki glima mita. Mana neke kulu eni igne malagna mae Modikae. Nu mae Modikae gne neke fakarhi nigho iagho ka mae Biktana ghe mae Teres ra.” Aonu king ne cheke eghu, “Uve, ghotilo hata gnarho mala haru graragna mae igne mala fagefe haghe ka gaju teke eni mana thegna tuana mala lehe mana jare!”

Nogna Buka Esta 5:11

Kate kafe khapru mei te gnafa mae kheragnare, mana kegra haghe ne fafnaknoni nanghagna thegna na ke uludi mare hui. Mana ne falaseni thegna ka mare te kaisei mae dedei, nei kaisei mae au kmana thugna. Eghuteuna mae king jaola neke tusu lao kaisei sape nafnakno biꞌo ka mana. Eigna mana nogna praeminista mae king. Eghuteuna keha nogna mae minista te gnafa mae king igre au ke parigna mana.

Diutronomi 16:9

Mae Moses ne cheke eghu, “Funu ka narane te funu hata gano ghotilo ka nagare, ghotilo mala kaha fitu wik.

Naba 22:37

Aonu mae Balak ne ghusna eghu ka mana, “Ne unha site theome mei iagho kate kilo iara ululahu ia? Ba, glahu na theome foli fabiꞌo nigho iara eghu sagho gaoghathomu na ia?”

Naba 22:6

Iagho na mei mala togho ghau iara. Iagho ginauna tibridi mare mala thokedi hoholo. Naugna mae igre thofno nheta fara eghuteuna iara theome tangomana te uludi mare ka magra na. Jame te eni iagho na iara ginau tangomana ke chekedi mare mala ke jifla mare ka kantri igne. Naugna iara laseni, naikno te fablahi iagho re ginauna gleꞌa nodi, eghuteuna naikno te tibridi iagho re ginauna thokedi hoholo.”

Naba 22:16

Mare tei ne thoke ka mae Balam ne cheke eghu ka mana, “Igne unha te chekeni mae Balak thugna mae Sipoa na, thosei leghudi keha glepo are mala lhoti nigho mala mei ka iara na,