Naba 21:34 - Buka Blahi Ka Cheke Holo

³⁴ Nu Lord ne cheke eghu ka mae Moses, “Thosei mhaghuni mae king igne. Iara ginauna togho ghami ghotilo, eghuteuna ghotilo ginauna uluni mana baludi nogna mae soldia mana re, eghuteuna iara ginauna nake tufa ari nogna vido glose mana na ka ghotilo. Ghotilo eni igne jateula teke eni ghotilo ka mae King Sihon gna Amoa jare Hesbon ia eghu.”

Naba 21:34 ပူးပေါင်းရင်းမြစ်များ

Josua 8:7

ghotilo jifla mei tei snura ka namono na. Noda God tahati na ginau lisa mei namono tuana ka khameda tahati.

Profet Isaia 41:13

Ghotilo thugu iara. Iara Lord, nomi God ghotilo! Iara au balumi ghotilo, eghuteuna iara ginauna loku famaku ka khame nhetami ghotilo re, na cheke eghu ka ghotilo, ‘Thosei mhaghu, iara ginauna togho ghami ghotilo.’

Fapea Kings 3:18

Mae Elisa ne cheke eghu, “Kaisei glepo bligi kolho te mala eni Lord na. Naugna mana ginauna togho ghami ghotilo mala tapla soruni ghotilo armi gna Moab.

Ululahu Kings 20:28

Aonu mae profet tei ne cheke eghu ka King Ehab, “Igne unha te chekeni Lord na: ‘Te ghathoni mae soldia di Siria igre na, iara gne God gna thogele kolho, theome God gna sare. Eghume, neuba mare ne kmana fara, iara ginauna snakre ari ka khamemu iagho armi biꞌo igne. Eghuteuna iagho ginauna laseni te Iara Lord.’ ”

Ululahu Kings 20:13

Nu ka narane tuana la, kaisei mae profet ne tei ka King Ehab ne cheke eghu ka mana, “Lord ne cheke eghu, ‘Nogna soldia King Ben-Hadad igre kmana fara, nu iagho thosei nanga nou eghu. Naugna gognarona ghotilo ginauna uludi mare, eghume ghotilo ginauna lase ghau iara Lord.’ ”

Fapea Samuel 5:19

Aonu mae Devet ne ghusnani Lord, ne cheke eghu, “Lord, iara tangomana te tei magra ka maedi Filistia igre, ba theo? Jame te tei iara na, iagho tangomana nate togho ghau iara na, ba theo?” Lord ne cheke eghu, “Uve, tei sagho magra ka mare! Iara ginauna togho nigho iagho.”

Ululahu Samuel 23:4

Mae Devet neke fapea tarai ka Lord, aonu Lord ne cheke eghu ka mana, “Ghotilo tei Keila. Iara ginauna togho ghami ghotilo mala tapla faparidi ghotilo soldiadi Filistia tuare.”

Jajis 11:30

Mana ne eni kaisei nhaꞌa cheke ka Lord. Mana ne cheke eghu, “Jame snakreni iagho te uluni iara nogna armi mae Amon na,

Josua 10:25

Eghuteuna mae Josua ne cheke eghu ka naikno te gnafa Israel igre, “Thosei mhaghu nei bobolo eghu, nu kegra heta, naugna Lord ginauna togho ghami ghotilo jateula teke eni mana ka ghotilo ia eghu.”

Josua 10:8

Lord ne cheke eghu ka mae Josua, “Thosei mhaghudi mae tuare. Iara ginauna togho ghami ghotilo, eghuteuna ghotilo ginauna uluni magra igne. Eghuteuna theo kaisei ka mare nate ulu ghami ghotilo ka magra na.”

Diutronomi 31:6

Eghume ghotilo farerheta gaoghathomi are, eghuteuna ghotilo mala kegra heta leghu fata. Thosei mhaghu nei bobolo nomi eghu, naugna Lord nomi God ghotilo na au balumi ghotilo. Mana ginauna na theome tei koko ghami ghotilo, ba ghatho iho ghami.”

Diutronomi 20:3

Mana ginauna cheke eghu, ‘Ghotilo maemi Israel fanomho mei ka nogu cheke iara igne! Gognarona ghotilo tarabana mala tei magra ka nomi naokare. Ghotilo thosei mhaghu ba ghatho peapea ba nanga nomi ba farikha ghami!

Diutronomi 7:24

Iara ginauna lisa ari nodi king re ka khamemi ghotilo mala aknu falehedi hui mala theo kaisei na teke ghathodi re. Ghotilo ginauna aknu falehedi naiknore, eghuteuna theo kaisei naikno na teke kegra fanogridi ka ghotilo re.

Diutronomi 3:11

King Og gna Basan igne, mana mae leghu lahu ka vikedi mae te nheta nei brahu teu te kilodi mare Refaem. Eghuteuna kate lehe King Og na, mare horo bokis gna mana na ka thina pipito te fati mita brahugna na eghuteuna namo phei mita krepagna na. Bokis thina igne au ngala posa gognaro ka namono Raba te au ka nodi nohi naiknodi Amon.

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Diutronomi 2:30

Nu King Sihon ne theome snakre ghita tahati te tei salaꞌu ka nogna namono na, naugna Lord neke eni gaoghathogna king mala patugama. Lord neke eni igne mala tangomana tahati te uluni King Sihon.

Diutronomi 3:1

Mae Moses neke cheke eghu, “Ke leghudi gobigna lepo igre, tahati neke tei fei ke raru, leghui nabrou te tei ka rijon Basan. Jare King Og baludi nogna soldiare neke mei mala magra ka tahati neku rhegna namono Edrei.

Diutronomi 7:17

“Glahu cheke eghu ghotilo, ‘Naikno igre thono nheta fara salaꞌu ghita tahati! Thono ninhigrana fara ranghi ghita tahati te mala ngolhi fajifladi re!’

Diutronomi 7:18

Nu ghotilo thosei mhaghudi mare! Khogla ke ghathodi unha Lord nomi God teke edi ka king nei ka naikno te gnafa Ijep tifa ra.

Diutronomi 7:21

Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.