Naba 21:33 - Buka Blahi Ka Cheke Holo

³³ Aonu mare figri mala ke leghuni nabrou te mala tei thoke rijon Basan na, eghuteuna mae King Og te king teu Basan ne mei baludi nogna mae soldiare mala magra ka naiknodi Israel jare ka namono Edrei.

Naba 21:33 ပူးပေါင်းရင်းမြစ်များ

Josua 13:12

Eghuteuna funu jare tei posa ka vido te gnafa ka nohi teke funei frunidi King Og baludi phei namono Astarot ghe Edrei teke namono biꞌo na. Mae Og gne ngala mae leghu lahu ka vikegna mae Refaem tifa na. Mae Moses baludi naiknodi Israel neke magra neke uludi naikno igre baludi nodi namono re.

Diutronomi 29:7

“Kate thoke mei ghotilo ka namono igne na, King Sihon gna namono biꞌo Hesbon, ghe King Og gna namono biꞌo Basan, phei mae igre neke mei magri ghami ghotilo, nu ghotilo neke uludi phiamare.

Profet Emos 4:1

Ghotilo goro gaꞌasemi Samaria te dedei ra, fanomho ka cheke igre. Ghotilo gognarona blokha jateula buluka te ghamu buburu te blokha ra neu ne theome nanga nomi ni kaisei glepo. Ghotilo theome kokhonidi naikno te nigra, nei filo faparidi iheire te kuma. Ghotilo cheke eghu koba ka khetomire, “Hata mei kmana waen mala koꞌu thaviru nogu!”

Profet Esikiel 39:18

Ghotilo ginauna tangomana te ghamu thinidi mae king, nei dadaradi nogna famane soldia, nei koꞌu dadaradi re jateula te ghamu nei koꞌu teu nafnahidi sua sipu nalhaꞌudi, nei nanigot nalhaꞌudi, nei buluka nalhaꞌudi te famane blokha mala fafara.

Profet Esikiel 27:6

Mare neke horo nou gorha iagho re, ka famane gaju funudi Basan, eghuteuna mare neke horo nou dek iagho na, ka gaju saepras funudi ka moumolu Saepras, eghuteuna lalaoni nou dek iagho na ka kheꞌi elefant.

Profet Isaia 33:9

Nagare te au ka glose igne ra la dofidi, eghuteuna theo kaisei naikno te loku tagna na. Gaju biꞌo te au ka namhata gna kantri Lebanon ra la mojadila. Famane glose Saron ia la mojahi jateula namono nagou te falithuini Thongna Lehe ia eghu, eghuteuna khakladi gaju te gnafa Besan ghe Kamel ra la jaola la kafe brusu soru.

Nodi Khoje Hatimare Mae Jiu 68:15

Besan, iagho kaisei thogele biꞌo fara, iagho au kmana gukhu fara tamu.

Nodi Khoje Hatimare Mae Jiu 22:12

Kmana naoka mei falithui ghau iara jateula bukrei buluka te diꞌatadi ra eghu ka iara. Mare nheta fara jateula bukrei buluka di Besan ra eghu fara.

Josua 13:30

Nohi igne funu Mahanaem nei glose te gnafa Besan teu igre au ke lamnagna nohi igne, baludi namnosalei namono ikodi teke uludi mae Jaea kaisei fata ka magra tifa. Uve, tifa na King Og gna Besan teke funei frunidi vido te gnafa ka nohi tuana. Eghuteuna mae Manase neke jaola neke atha namono Salei, nogna namono mae Jai te au ka nohi Besan.

Josua 12:4

Eghuteuna mae Moses nei hatimare mae Israel ne tei magra ka mae king Og, mae ihei te funei ka kantri Besan ne uluni mana. Mae igne kaisei mae te au teu ka teke vikegna mae Refaem, mae ihei te nheta nei brahu fara. Mae igne mana funei ka phei namono biꞌo Astarot ghe Edrei.

Josua 9:10

Eghuteuna ghehati jaola nomhidi unha te edi mana ka phei nodi king maedi Amoraet te au ke maghati rhegna Khoꞌu biꞌo Jordan. King Sihon maegna kantri Hesbon ghe king Og maegna kantri Besan, nei namono biꞌo Astarot.

Diutronomi 32:14

Eghuteuna nomi buluka nei nanigot nei sipu teu ghotilo re blokha fara ka teke au reꞌe ka namono Besan. Reꞌe tufa kmana milk ka ghotilo. Eghuteuna nomi nagare wit ghotilo re famane fara. Eghuteuna waen ukru te koꞌu ghotilo re thofno mamahe fara.

Naba 32:33

Aonu Moses ne tufa lao ka vikegna mae Gad nei vikegna mae Ruben, nei keha mae ka vikegna Manase teure u namono biꞌo teke funei fruni mae king Sihon gna Amoa nei namono biꞌo te funei fruni mae king Og gna Basan.

Nodi Khoje Hatimare Mae Jiu 68:22

Noda Lord na neke cheke eghu hi, “Iara ginauna nake hata fapulo nogu naoka te au ka namono te gnafa ka nauthoglu igne.

Nodi Khoje Hatimare Mae Jiu 135:11

Mana neke faleheni mae king Sihon, mae ihei te king ka vikegna Amoro, nei mae king Og, nodi king hatimare maedi Besan, nei jaola falelehe fahui hatimare mae king te gnafa ka kantri Kenan.

Nodi Khoje Hatimare Mae Jiu 136:20

Eghuteuna mana faleheni mae Og, nodi king hatimare maedi Besan. Mana ne namha ghita tahati tifa tifa.

Diutronomi 2:30

Nu King Sihon ne theome snakre ghita tahati te tei salaꞌu ka nogna namono na, naugna Lord neke eni gaoghathogna king mala patugama. Lord neke eni igne mala tangomana tahati te uluni King Sihon.