Naba 21:24 - Buka Blahi Ka Cheke Holo

²⁴ Nu armi gna Israel gre ne faleheni mae King Sihon baludi nogna mae soldiare. Aonu naiknodi Israel gre neke khotogna nodi vido mare re, funu ka Khoꞌu Anon tei posa ka Khoꞌu Jabok ke holo te fofotagna nogna vido mae Amon na. Nu mare theome tangomana te tei ka keha phile na, naugna naiknodi Amon gre nheta fara.

Naba 21:24 ပူးပေါင်းရင်းမြစ်များ

Profet Emos 2:9

“Ghotilo nogu naikno iara ra, iara neke togho ghami ghotilo neke falehedi vikegna mae Amo. Vikegna mae Amo igne brahu nei rheta eghu jateula gaju sida ba gaju ok eghu, nu iara neke kafe falehedi gnafa.

Nodi Khoje Hatimare Mae Jiu 136:19

Mana neke faleheni mae Sihon, nodi king hatimare maedi Amoraet. Mana ne namha ghita tahati tifa tifa.

Nehemaea 9:22

“Iagho neke snakredi kuꞌemi ghehati ra neke magra ka King Sihon ka kantri Hesbon nei King Og gna kantri Basan. Eghuteuna mare tapla faparidi phiamare ne hata nodi vido glose phiamare re. Eghuteuna glose igne neke vido glosegna nodi kantri mare na.

Josua 24:8

nu ke leghu na, iara neke hata mei ghami ghotilo ka glose igne teke nodi vikegna Amo teke au mei ke maghati, ka keha phile Khoꞌu biꞌo Jordan. Kate mei magra mare ka ghotilo na, nu iara togho ghami mala uludi ghotilo mare. Eghuteuna kate namo thokeni ghotilo nodi rijon mare na, nu iara teke falehedi mare na, aonu ghotilo gognarona khotodi nodi glose mare re.

Jenesis 32:22

Ka bongi tuana mae Jekop kegra haghe ne hata phei khetognare, phei nogna gaꞌase gloku re nei nabotho kaisei thugnare neu ne kasa ka khoꞌu Jabok.

Jajis 21:8

Aonu mare ne ghusna eghu, “Ka narane teke mei khapru tahati ke ulugna Lord Mispa ia, ihei ka vike tahati igne teke theome mei baluda tahati ia?” Aonu kate kaha mare naikno te gnafa re, mare ne laseni te maedi Jabes Gilead igre neke theome mei baludi mare.

Josua 9:10

Eghuteuna ghehati jaola nomhidi unha te edi mana ka phei nodi king maedi Amoraet te au ke maghati rhegna Khoꞌu biꞌo Jordan. King Sihon maegna kantri Hesbon ghe king Og maegna kantri Besan, nei namono biꞌo Astarot.

Diutronomi 29:7

“Kate thoke mei ghotilo ka namono igne na, King Sihon gna namono biꞌo Hesbon, ghe King Og gna namono biꞌo Basan, phei mae igre neke mei magri ghami ghotilo, nu ghotilo neke uludi phiamare.

Diutronomi 3:16

Eghuteuna keha vidogna rijon igne balugna glose te tei posa ke mata Khoꞌu Anon iara neke tusu lao ka vikegna mae Ruben nei ka vikegna mae Gad. Nodi glose mare na, fofotagna ke mosu na doglo farihotei Khoꞌu Anon, eghuteuna fofotagna ke maghati na ka Khoꞌu Jabok, eghuteuna naiknodi Amon igre mare au ka keha phile na.

Naba 21:13

Ke leghu, mare jifla jare neke tei au ke holo gna Khoꞌu Anon, rhegna vido te fofotagna nodi vido mae Amoa re. Khoꞌu Anon gne fofotagna nodi vido kokholo gna mae Moab nei kokholo gna mae Amoa.

Josua 13:12

Eghuteuna funu jare tei posa ka vido te gnafa ka nohi teke funei frunidi King Og baludi phei namono Astarot ghe Edrei teke namono biꞌo na. Mae Og gne ngala mae leghu lahu ka vikegna mae Refaem tifa na. Mae Moses baludi naiknodi Israel neke magra neke uludi naikno igre baludi nodi namono re.

Jajis 11:13

Funeigna Amon igne ne cheke eghu ka mare, “Tifa te mei na, kate jifla kuꞌemi ghotilo Ijep ra, mare mei neke hata nomi glose ghehati te funu ke mata khoꞌu biꞌo Anon, eghuteuna leghuni Khoꞌu biꞌo Jordan ke mosu, eghuteuna tei posa ke raru Khoꞌu biꞌo Jabok. Gognarona ghotilo ke tusu fapulo glose tuare. Jame te eghu ghotilo na, ghehati ginauna theome eni kaisei magra.”

Diutronomi 31:4

Lord ginauna goigoni naiknodi Kenan jateula teke goigonidi mana King Sihon ghe King Og, nei nodi namono vikegna mae Amoa.

Jajis 10:11

Lord ne cheke tughuni nodi tharai mare igne ne cheke eghu, “Tifa te mei na, vikegna Ijep, nei vikegna Amoa, nei vikegna Amon, nei vikegna Filistia,