Naba 21:1 - Buka Blahi Ka Cheke Holo

¹ Kaisei mae gna Kenan ne king ka namono Arad, mana au ka namono nagou Negev. Kate nomhini mana te mei mae Israel gre ka nabrou te mei thoke ka namono Atharim na, mana tei ne magridi ne athadi keha mae ka naiknodi Israel re.

Naba 21:1 ပူးပေါင်းရင်းမြစ်များ

Jajis 1:16

Vikegna nanghogna naꞌa Moses te vikegna Kein igne, mare ne tei baludi vikegna mae Juda. Mare ne kafe jifla ka namono Jeriko te kiloi namono thubo igne, eghuteuna mare ne tei ne au ke mata namono nagou rhegna namono Arad baludi naiknodi jare re.

Naba 33:40

Ka vido tuana, mae king gna Arad te au ka namono nagou Negev jare Kenan ka keha phile ke mata na, ne nomhini te mei mae Israel re.

Josua 12:14

Homa ghe Arat,

Josua 7:5

Maedi Ai igre ne ngolhidi maedi Israel funu ka grengathagna namono na ne ghilei tei posa ka kaisei thogele te mala dokha thina na. Eghuteuna kate ngolhodi te sukha maedi Ai ka thogele igne na, mare ne aknu falehe tolufulu namno mae ka nogna soldia mae Josua igre. Mae Israel igre ne mhaghudi mae igre ne glaꞌe soru fara gaoghathodire.

Diutronomi 2:32

“Aonu King Sihon balugna nogna armi na mei neke magra ka tahati rhegna namono Jahas.

Naba 14:45

Kate thoke mare ka thogele Kenan, mae ka vikegna mae Amalek ghe mae Kenan te au ka thogele re soru mei ne magra ne uludi mare, aonu mare ngholi fapulo naiknodi Israel gre ne thoke ka namono Homa.

Jenesis 12:9

Ke leghugna igne mae Ebram nei nogna vike na ne jifla jare ne tei ke mhata. Eghuteuna mana ne tei fabrahu ne ghilei tei posa ka nohi Negev.