Naba 20:8 - Buka Blahi Ka Cheke Holo

⁸ “Ghopa atha khodo te au ke ulugna bokis blahi te nhaꞌa cheke ana, aonu ghopa ginauna kilo meidi naikno te gnafa re. Eghuteuna ghopa ginauna cheke lao ka thina biꞌo are kate filo teu naiknore, eghuteuna khoꞌu na ginauna loloro mei ka thina biꞌo tuana. Iagho ginauna fajifla khoꞌu ka thina na mala koꞌu naikno te gnafa baludi nodi buluka.”

Naba 20:8 ပူးပေါင်းရင်းမြစ်များ

Eksodas 4:17

Eghuteuna iagho atha nou khodo na mala ei kofubobhoi.”

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Profet Isaia 43:20

Glepo tautagu igre ginauna ghatho tahu ghau iara. Uve, khuma mata nei nakrudu teu igre ginauna kilo fnakno ghau iara. Naugna iara neke chekedi khoꞌure mala loloro tei ke lamna namono nagou, mala tangomana nogu naikno teke vavahi iara igre te au khoꞌu te mala koꞌu na.

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Mae Khuru 1:14

Mare te gnafa na ne kaisei salo fodu ne tarai fabrahu baludi goro gaꞌase, nei Meri idogna mae Jisas, nei hatimare mae thabusigna mae Jisas re.

Jone 16:24

Funu tifa te ghilei thoke kau narane gognaro gne ghotilo neke theome toreni kaisei glepo kau nanghagu iara na. Eghume ghotilo tore ka mae Mama, eghuteuna ghotilo ginauna hata ka mana. Eghuteuna ghotilo ginauna thono gleale'a fara.”

Luku 11:13

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume te eghu na, mae Kmami ghotilo te au kligna na mana ginauna na tusu lao Tharunga te Blahi na ka iheire te tore ka mana.”

Matiu 21:21

Mae Jisas ne cheke eghu ka mare, “Tutuani fara te chekeni iara ka ghotilo na. Te fatutuani ghotilo te theome ghatho peapea na, ghotilo ginauna tangomana te eni unha teke eni iara ka gaju igne. Eghuteuna ghotilo ginauna tangomana te edi glepo ke biꞌodi igrei. Ghotilo ginauna tangomana te cheke eghu ka thogele igne, ‘Kegra haghe tei krofu ka nhorora gno.’ Te fatutuani ghotilo na, thogele tuana na kegra tei krofu ka nhorora gno.

Profet Isaia 48:21

Kani teke batudi teke mei mana kuꞌeda tahati ra ka namono nagou te brana fara na tifa ra, mare neke theome lehe ka khoꞌu. Theo. Mana neke tothora thina na neke jifla mei khoꞌu na neke koꞌu mare.

Nodi Khoje Hatimare Mae Jiu 105:41

Mana neke eni khoꞌu na neke jifla mei ka thina biꞌo na. Khoꞌu na jateula khoꞌu biꞌo neu ne tei posa ka namono nagou te khapra fara na.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Nehemaea 9:15

Kate rofo naiknore, iagho neke tusu ranghidi gano teke soru mei funugna kligna. Eghuteuna kate roi koꞌu naiknore, iagho neke tusu ranghidi khoꞌu teke jifla mei funu ke lamna thina. Eghuteuna iagho neke cheke ranghidi mala tei hata kasa glose mala khotogna mare glose teke kulu nhaꞌa chekehi iagho ka mare na.

Josua 6:20

Kate cheke te gnafa mae Josua cheke igre, mae pris igre kufli ne raugha fara, eghuteuna mare te gnafa na ne kafe thagru ne eha fabiꞌo fara. Eghuteuna gringnigna namono te bara ka thina biꞌo igne ne phike ne grofo pari ka glose na. Eghuteuna mae soldia igre ne kafe chari doglo ne tei ruma lamna namono. Mare ne uluni namono Jeriko ka narane tuana.

Josua 6:5

Kate nomhini ghotilo te kufli te raugha mare na, ghotilo kafe eha fabiꞌo. Ka vido narane igne, gringnigna namono te bara ka thina igne ginauna phaꞌe khoko soru pari. Eghuteuna nou mae soldia iagho igre ginauna doglo tei ruma lamna namono.”

Naba 21:18

Khoꞌu seu igne, neke dokha mae funeire ka khodo, eghuteuna mae lida re dokha ka nodi khodo thedire.” Eghuteuna ke leghu, mare neke jifla kokoni namono nagou neke tei Matana.

Naba 21:15

nei jaola eidi gloha ikodi rhegna namono Ara ka phile te fofotagna kantri Moab.

Naba 20:11

Aonu mae Moses ne loku haghe khodo na ne phia fata cha lao ka thina biꞌo na, eghuteuna khoꞌu ne loloro mei, aonu naikno baludi glepo te tautagu re ne koꞌu.

Eksodas 17:9

Aonu mae Moses ne cheke eghu ka mae Josua, “Iagho na vavahi keha mae ka mae tahati igre mala jifla nathuꞌu mala tei magra ka hatimare mae Amalek. Nu iara ginau na kegra ka thogele ikoi igne balugu khodo mala atha iara teku God igne.”

Eksodas 14:16

Eghuteuna atha nou khodo ana mala tusu lao ke kligna thongna, eghuteuna thongna gne ginau na fnota pea mala tei kasa mae Israel gre kate khapra fari hoteidi phei gringni khoꞌu te au ka phei philedi are.

Eksodas 7:20

Aonu mae Moses ghe Eron ne leghudi unha teke chekeni Lord na ne edi glepo igre ke ulugna mae king nei hatimare mae biꞌo. Mae Eron atha khodo na ne puphuri ka Khoꞌu biꞌo Nael na, eghuteuna u khoꞌu na ne figri neke vuhai dadara.

Eksodas 4:20

Aonu Moses atha khetogna na nei phei thugnare ne fasaghedi ka nogna dongki na neke figri Ijep. Eghuteuna mana jaola ne atha nogna khodo teke cheke God mala atha mana tekuna.

Eksodas 4:2

Aonu Lord ne ghusna eghu ka Moses, “Unha site loku teu iagho ana ia?” Eghuteuna Moses ne cheke eghu, “Kaisei khodo.”

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Naba 20:7

Lord ne cheke eghu ka mae Moses,