Naba 20:6 - Buka Blahi Ka Cheke Holo

⁶ Aonu mae Moses ghe mae Eron ne jifla farihoteidi naiknore ne tei ka grengatha gna nogna Suga Thapuale te blahi Lord na. Phiamare pogho soru ne thoke phaꞌudire ka glose na. Aonu siasigla gna nogna nolaghi Lord ne thakle ka phiamare.

Naba 20:6 ပူးပေါင်းရင်းမြစ်များ

Naba 14:5

Aonu mae Moses ghe mae Eron ne pogho soru ke uludi naikno te khapru jare re ne thoke phaꞌudire ka glose na mala tarai ka Lord.

Naba 16:45

“Ghopa riu fadelei ka naikno igre! Mala tangomana iara te falehedi naikno igre gognarola!” Nu Moses ghe Eron ne pogho soru foflodi nei tathadi teure pari ka glose na, ne tarai.

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Naba 16:19

Mae Kora ne kilodi mare mala mei kegra ka vido tuana, eghuteuna figri tei ka Moses ghe mae pris Eron ka grengatha gna Sugablahi na. Aonu siasigla gna nogna nolaghi Lord na ne sigla mei ka mare.

Naba 16:4

Kate nomhini mae Moses cheke igne, mana pogho soru pari ne tarai.

Matiu 26:39

Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Ululahu Kronikols 21:16

King Devet ne filoni Engel nogna Lord na kegra neu farihotei maloa ghe nauthoglu, eghuteuna mana louloku kaisei naflahi ka khamegna na tarabana mala goigonini Jerusalem. Eghuteuna mae Devet nei hatimare mae lida pogho soru pari ne tei posa ka glosero pari. Ka narane tuana mare ne pipichi ka pohe diꞌanagnafa, fagaglanagna nodi diꞌanagnafa na.

Josua 7:6

Kate nomhini mae Josua baludi mae mala baubatudi Israel igre nonomho igne, mare ne diꞌanagnafadi fara. Aonu mare ne rerheku nodi pohere balu ghiha nakrofu ka phaꞌudire, fagaglanagna nodi diꞌanagnafa na. Ke leghu, mare tei ne pogho soru pari ka glose na tathadi nei foflodi teure ke ulugna nogna Bokis Nhaꞌa Cheke Lord na ne ghilei rafi.

Naba 14:10

Aonu naiknore kegra ne rodi fadi falehedi mae Moses ghe mae Eron ka thina. Nu siasigla gna nogna nolaghi Lord na ne soru mei ka Suga Thapuale te blahi na, ne sigla tongana ka naiknore.

Naba 12:5

Lord ne soru mei ka kaisei gromno, ne au neu ka grengathagna suga thapuale na. Aonu Lord ne kilodi Eron ghe Miriam mala mei kegra ke ulugna thegna.

Eksodas 17:4

Aonu mae Moses ne tarai ne cheke eghu ka Lord, “Lord, na faꞌunhadi sara naikno igrea? Naikno igre magnahaghei te fadi falehe ghau iara ka thina!”

Eksodas 16:10

Aonu kate cheke teu mae Eron ka naiknore na, naiknore ne figri lao neu fei namono nagou, eghuteuna siasigla gna Lord na ne megei nga ne thakle mei ka khoveo na.

Naba 20:7

Lord ne cheke eghu ka mae Moses,