Naba 20:24 - Buka Blahi Ka Cheke Holo

²⁴ “Mae Eron gne ginauna theome tangomana te tei thoke ka vido te nhaꞌa chekeni iara mala tufa ka naiknodi Israel gre, nu mana ginauna lehe, naugna ghopa ne theome leghudi nogu cheke iara re jare ka Khoꞌu Meriba.

Naba 20:24 ပူးပေါင်းရင်းမြစ်များ

Jenesis 25:8

Mana neke mae khueku'e fara, nei au glealeꞌa fara neku ka nakarhagna. Kate lehe na, tharungagna mana na neke tei au baludi tharungadi vikegna mana teke lehe tifa ra.

Diutronomi 32:50

Iagho ginauna lehe jare ka thogele tuana, jateula thabusimu iagho Eron teke lehe ka thogele Hor.

Fapea Kronikols 34:28

Eghume iagho ginauna na theome filodi puhi biꞌo igre kate karha nga teu iagho na. Ke leghugna te lehe iagho na, puhi biꞌo igre ginauna thoke mei.” Aonu mae iheire teke kuru mei mae King Josia igre neke pulo neke chekeni nogna cheke tughu Hulda na ka king.

Naba 31:2

“Ghotilo ginauna tei falelehe naiknodi Midian ke tughu fapulodi gobigna lepo teke edi mare ka ghotilo ra. Eghuteuna ke leghudi te paradi ghotilo mare na, iagho ginauna lehe.”

Naba 27:13

Kate gnafa filo iagho ka namono tuare, iagho ginauna lehe jateula mae thabusimu mae pris Eron teke lehe tifa ia eghu.

Jajis 2:10

Nu ke leghugna te lehe phagusu igne, iheire te gnafa teke kotu haghe ke leghudi mae igre neke theome ghatho tahuni Lord. Eghuteuna mare theome lasedi glepo biꞌo teke edi Lord ranghidi naiknodi Israel.

Naba 4:27

Eghuteuna mae pris Eron baludi phei thugna gre ginau cheke ka vikegna mae Geson mala reireghidi glepo tuare.

Jenesis 49:33

Ke leghugna te cheke te gnafa ka mae thugna re, mana ne thuru fadoglo soru ka sape na ne lehe.

Jenesis 49:29

Ke leghugna te fablahidi mare te gnafa na, mae Jekop ne cheke eghu faheta ka mae thugna re, “Iara gognaro na la namo lehehi. Nu ne lehe nga iara nu, ghotilo ke hata fapulo thinigu iara na ka kantri Kenan eghu, mala ke giugilu ka gluma thina teke giugilu mare mae ku'egu iara tifa ra ka namono Makipela ke maghati Mamre. Mae Ebraham neke foli sare igne ka mae Efron, vikegna mae Hit. Giugilui ghau ka gluma thina teke giugiludi mae kmagu tifa ra.

Jenesis 35:29

Mana ne kuekuꞌe fara ne lehe. Eghuteuna mae Iso ghe mae Jekop, phei mae thugna re, ne giugiluni mana jare.

Jenesis 25:17

Mae Ismael gne neke karha neke thokeni kaisei gobi tolufulu fitu finoghagna neke lehe nga. Aonu tharungagna mana na neke tei au baludi tharungadi vikegna teke lehe tifa ra.

Jenesis 15:15

Ghema Ebram, iagho ginauna au blagna nou kate kueku'emu na ghilei lehe, eghuteuna mare ginauna na giugilui nigho iagho.

Eksodas 17:7

Naiknore ne diꞌa tadi ne fariu riuni Lord ne ghusna eghu, “Lord na au baluda tahati ba theo?” Aonu mae Moses ne kiloni vido igne Masa, gaoghathogna na “Fariu riu” nei Meriba, gaoghathogna na “Diꞌa tadi.”

Naba 20:5

Naugna unha si ghopa te atha fajifla ghami ghehati Ijep mala mei au ka namono te diꞌa igne ia? Vido igne theo kaisei glepo te karha tagna na. Theo kaisei gano, nei theo kaisei sisi fig, ba sisi grep, ba sisi pomegranet te au tagna na. Eghuteuna theo khoꞌu la te mala koꞌu na.”

Naba 20:26

Jare ka thogele na, iagho ginauna atha koko nogna pohe blahi mae pris te fahaghe mae Eron na, eghuteuna ke fahaghe lao ka mae Eleasa. Mana ginauna lehe jare.”

Diutronomi 33:8

Vikegna mae Livae, ghotilo mae pris te hata phei nogna thina Lord te kilodi Tumim ghe Urim. Lord laseni te ghotilo kolho te doglo kani teke fariuriu ghami mana namono Masa nei ka khoꞌu Meriba.

Josua 2:9

ne cheke eghu, “Iara laseni Lord na la tusu arihi kantri igne ka ghotilo! Eghuteuna naikno te gnafa ka kantri igne mhaghu nodi fara ka ghotilo gognarona.