Naba 20:20 - Buka Blahi Ka Cheke Holo

²⁰ Nu mae king na neke cheke eghu ka mare, “Theo! Ghehati theome tangomana te snakre ghami ghotilo na!” Aonu mae king na ne kurudi kmana mae soldia mala tei magra ka mae Israel mala lhotidi mare.

Naba 20:20 ပူးပေါင်းရင်းမြစ်များ

Profet Emos 1:11

Lord ne cheke eghu, “Kmana fata naiknogna kantri Idom tapla jafra ka nakhibo. Mare theome gnafa katha vido ikoi ka puhi igne. Thono theo fara. Mare theome kokhonidi thabusidi thedi maedi Israel igre. Mare diꞌatadi fara ne ngolhi leghudi ne tei aknu falehedi ka naflahi. Eghuteuna diꞌa tadi mare igne theo ka gnafagna. Eghume, iara ginauna roꞌedi maedi Idom igre.

Jajis 11:17

Mare ne fatei cheke ka king gna Idom neke toreni mana mala snakredi mana naiknodi Israel igre mala tei salaꞌu Idom, nu mana neke theome snakreni. Eghuteuna mare jaola neke toreni king gna Moab mala snakredi mare mala tei salaꞌu Moab, nu mana jaola neke theome snakredi. Aonu mare neke au neku kolho Kades naugna theo kaisei naikno te snakredi mare te tei salaꞌu ka namono igne.

Nodi Khoje Hatimare Mae Jiu 120:7

Neubane magnahaghei pharikeli iara na, mare magnahaghei magra kolho.

Jajis 11:20

Nu king igne ne theome snakreni naugna mana theome fatutuani mare. Aonu mana neke kilodi nogna soldia re mala kafe mei ka namono te kiloi Jahas. Eghuteuna mare tei ne magridi kuꞌemi ghehati re.

Naba 20:18

Nu mae king gna Idom na ne cheke eghu, “Theo! Ghehati theome snakreni te mei salaꞌu ghotilo na! Ne mei nga ghotilo nu, ghehati ginauna magri ghami ghotilo eghu.”

Jenesis 32:6

Mae igre neke pulo mei neke cheke eghu ka mae Jekop, “Ghehati ne hata cheke ne tei posa ka mae tighamu Iso, eghuteuna mana gognaro na mei thafo nigho iagho fari hotei nabrou. Eghuteuna fati gobi mae na mei balugna mana.”

Jenesis 27:41

Mae Iso ghatho laoni u fablahi teke tusu lao mae kmagna na ka mae Jekop igne ne diꞌatagna fara ka mae Jekop. Ne cheke eghu, “Narane te mala lehegna mae mama gne la namo farahi, eghuteuna ka glehegna mana na ghehati ginauna na diꞌanagnafani mana. Eghuteuna kate ari te gnafa narane te mala diꞌanagnafa na, iara ginauna na faleheni mae Jekop.”

Naba 20:21

Eghume naugna te theome snakredi mare te mala tei salaꞌuni nodi vido na, mae Israel gre neke figri ne leghuni keha nabrou na.