Naba 20:14 - Buka Blahi Ka Cheke Holo

¹⁴ Kate au teu mare Kades na, mae Moses ne kuru teidi keha mae mala tei cheke ka mae king gna Idom na. Mare ne cheke eghu ka mana, “Ghehati vikegna Israel gre kherami ghotilo. Eghuteuna ghotilo la lasedi hila eidi kmana puhi te thoke ghami ghehati ra.

Naba 20:14 ပူးပေါင်းရင်းမြစ်များ

Diutronomi 23:7

“Nu ghotilo theome tiromini kaisei maegna Idom, naugna ghotilo kheragna mana. Eghuteuna ghotilo theome thofno tiromini maegna Ijep, naugna tifa na ghotilo neke au ka nodi kantri mare na jateula mae phosa neku.

Profet Malakai 1:2

Igne unha teke chekeni Lord, “Ghotilo te karha mei ka vikegna Jekop ra, iara thofno namha ghami ghotilo fara.” Nu ghotilo cheke eghu ka mana, “Mala faꞌunha sagho te namha ghami ghehati gnea?” Aonu Lord ne cheke eghu, “Uve, tifa na mae Jekop ghe mae Iso ra neke phei mae thabusigna. Eghuteuna iara neke namhani mae Jekop, eghuteuna iara neke jaola neke namha ghami ghotilo naikno teke karha mei ka vikegna mae Jekop ra eghu.

Josua 9:9

Mare ne cheke eghu ka mana, “Ghehati mei funu ka kaisei kantri te khaba fara. Ghehati nomho kmana thoutonu eigna Lord nomi God ghotilo te edi ka naiknodi Ijep.

Eksodas 18:8

Mae Moses ne toutonu ka mae Jetro gobigna lepo te edi Lord ranghini king, nei naiknodi Ijep. Eigna Lord neke fakarhadi naiknodi Israel. Mana neke jaola neke toutonu ka mae Jetro eigna Lord te toghodi mare ka thua hoholo fateote'o te mei thafodi mare ka nabrou na.

Jenesis 25:23

Lord neke cheke eghu ka naꞌa, “Iagho ginauna na fakarhidi phei thumu nalhaꞌu eghuteuna phei mae igre ginauna mala phaꞌudi phei vike. Eghume phei mae te au teu ka thi'amu iagho na igre ginauna na fnota eghu. Kaisei tothoghei naikno ginauna nheta uluni keha na. Mae teke kulu karha gne mala ke loku ranghini mae teke karha ke leghu na eghu.”

Naba 13:26

Aonu mare neke pulo namono Kades ka namono nagou Paran te au mae Moses ghe mae Eron baludi naikno te gnafa Israel. Aonu mare ne cheke fajifla gobi lepo teke tei filodi thedire, nei jaola fakakhana nure grep te pala te mei thedire.

Naba 20:15

Eghuteuna ghotilo jaola lasedi kuꞌemi ghehati teke tei au Ijep tifa ra. Ghehati neke au jare kmana finogha eghuteuna ghotilo jaola lasedi eidi mae Ijep teke goigoni ghami ghehati.

Naba 20:22

Aonu naiknodi Israel gre ne jifla kokoni vido Kades ne mei ka thogele Hor.

Josua 2:9

ne cheke eghu, “Iara laseni Lord na la tusu arihi kantri igne ka ghotilo! Eghuteuna naikno te gnafa ka kantri igne mhaghu nodi fara ka ghotilo gognarona.

Josua 2:10

Ghehati nomhinihi thoutonu eimi ghotilo kate jiflami Ijep ia! Lord neke famojani Thongna Ukru na neke kasa ghotilo ka glose te moja. Eghuteuna ghehati jaola nomhinihi thoutonu eimi ghotilo te falehedi king Sihon ghe king Og, phei mae ka vikegna Amo te au ke maghati Khoꞌu biꞌo Jordan. Ghotilo neke falehedi phei mae igre baludi nodi naikno te gnafara.

Josua 9:10

Eghuteuna ghehati jaola nomhidi unha te edi mana ka phei nodi king maedi Amoraet te au ke maghati rhegna Khoꞌu biꞌo Jordan. King Sihon maegna kantri Hesbon ghe king Og maegna kantri Besan, nei namono biꞌo Astarot.

Profet Emos 1:11

Lord ne cheke eghu, “Kmana fata naiknogna kantri Idom tapla jafra ka nakhibo. Mare theome gnafa katha vido ikoi ka puhi igne. Thono theo fara. Mare theome kokhonidi thabusidi thedi maedi Israel igre. Mare diꞌatadi fara ne ngolhi leghudi ne tei aknu falehedi ka naflahi. Eghuteuna diꞌa tadi mare igne theo ka gnafagna. Eghume, iara ginauna roꞌedi maedi Idom igre.

Jenesis 25:25

Mae teke kulu karha na thinigna na ne ukru, eghuteuna thinigna thongana na ne fruta. Aonu repa ne kiloni mana Iso. Naugna mana ne fruta fara.

Jenesis 25:26

Kate karha mei fapea mae na mana ne loku famaku ka ghahegna mae Iso na. Aonu repa ne kiloni mana Jekop, naugna mana neke loku famaku ka ghahegna mae Iso na. Mae Isak gne neke namno salei finoghagna hi neke karha mei nga ka Rebeka phei mae te phakri igre.

Jenesis 32:29

Aonu mae Jekop ne cheke eghu ka mana, “Chekeni sagho nanghamu na ka iara.” Nu mana ne cheke eghu, “Iagho theome naba te ghusnani nanghagu iara na.” Ke leghugna igne mana ne fablahini mae Jekop. Mana jifla jare ne tei kokoni mae Jekop.