Naba 20:11 - Buka Blahi Ka Cheke Holo

¹¹ Aonu mae Moses ne loku haghe khodo na ne phia fata cha lao ka thina biꞌo na, eghuteuna khoꞌu ne loloro mei, aonu naikno baludi glepo te tautagu re ne koꞌu.

Naba 20:11 ပူးပေါင်းရင်းမြစ်များ

Ululahu Korin 10:4

Eghuteuna mare kafe koꞌu ka khoꞌu teke fafura mei God ranghidi ka thina teke tei baludi na. Thina igne Kraes thegna ngala.

Eksodas 17:6

Kate ari te posa iagho ka thina te au ka Thogele Sanai ia na, iara ginau na au jare balumu iagho. Eghuteuna iagho mala atha nou khodo ana mala puphuri ka thina na, eghuteuna khoꞌu na ginau na jifla mei ka thina tuana mala koꞌu naikno are.” Mae Moses ne eni igne ne jifla mei khoꞌu na ka thina na kate filo teu goro mae biꞌodi Israel re.

Diutronomi 8:15

Thosei ghatho ihoni teke batu ghami mana ke lamnagna namono nagou te krepa nei biꞌo fara nei diꞌa fara. Ka namono nagou aheva te au kmana mogo faghughumhu nei thafrasege, nei theo khoꞌu. Nu Lord neke chekeni khoꞌu na neke jifla mei ka kaisei thina biꞌo mala koꞌu ghotilo.

Naba 20:8

“Ghopa atha khodo te au ke ulugna bokis blahi te nhaꞌa cheke ana, aonu ghopa ginauna kilo meidi naikno te gnafa re. Eghuteuna ghopa ginauna cheke lao ka thina biꞌo are kate filo teu naiknore, eghuteuna khoꞌu na ginauna loloro mei ka thina biꞌo tuana. Iagho ginauna fajifla khoꞌu ka thina na mala koꞌu naikno te gnafa baludi nodi buluka.”

Jemes 1:20

Naugna ihei te diꞌatagna na, mana theome tangomana te eni unha te doglo ke ulugna God na.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Hosia 13:5

Iara neke reireghidi kuꞌemi ghotilora ke lamna namono nagou te brana fara ia.

Nodi Khoje Hatimare Mae Jiu 78:16

Mana neke eni khoꞌu te jifla mei ka thinare igne ne soru mei jateula kaisei khoꞌu biꞌo neku.

Ululahu Kronikols 15:13

Tifeiro na ghotilo mae Livaet gre neke theome pala neke mei Bokis Blahi igne, naugna igne Lord neke para ghita tahati. Tahati neke theome ghusnani eigna thofno puhigna te mala palagna Bokis Blahi igne.”

Ululahu Samuel 15:24

Aonu, King Sol ne cheke eghu ka mae Profet Samuel, “Tutuani! Iara la jafrahi la theome faꞌuveni chekegna Lord na! Eghuteuna iara jaola neke theome leghudi nou cheke iagho ra neku. Iara neke mhaghudi nogu mae soldia gre neke leghudi unha te magnahaghedi mare re.

Ululahu Kronikols 15:2

Aonu mana ne cheke eghu, “Hatimare mae Livaet kolho te au nodi nolaghi te mala palagna nogna Bokis Blahi God na, naugna Lord neke vahidi mare te mala pala na, nei mala loku ranghini mana.”

Ululahu Samuel 15:19

Nu iagho neke theome leghudi nogna cheke mana ra! Ba, mala unha site chari te tei hata iagho glepo te keli area? Tuare glepo te thono diꞌa fara te edi iagho ka Lord re!”

Levitikas 10:1

Aonu mae Nadab ghe mae Abihu phei thugna mae pris biꞌo Eron igre, phia mare ne atha phei dis, mala lilisei nakrofu khaꞌaghi te ngaja. Eghuteuna phia mare ne lilisei insens ka khaꞌaghi, aonu phia mare atha ne ruma lamna ka vido aheva te au Lord na. Nu khaꞌaghi igne ne theome blahi naugna Lord neke theome chekedi phia mare te mala eni igne.

Nodi Khoje Hatimare Mae Jiu 74:15

Glokha nei khoꞌu biꞌo eghu teke kafe khaprahi re iagho neke fafuafura haghedi, eghuteuna khoꞌu biꞌo teke theome khapra funu tifare, iagho neke fakhapradi.

Nodi Khoje Hatimare Mae Jiu 78:15

Kate au mare ka namono nagou na, God neke piphike thina biꞌore, aonu khoꞌu na neke loloro mei mala koꞌu naiknore.

Nodi Khoje Hatimare Mae Jiu 78:20

Uve, tutuani fara, God na neke piphike thina re ne loloro mei fabiꞌo khoꞌu na, nu mana theome tangomana te tusu mei gano ka tahati na eghu.”

Nodi Khoje Hatimare Mae Jiu 105:41

Mana neke eni khoꞌu na neke jifla mei ka thina biꞌo na. Khoꞌu na jateula khoꞌu biꞌo neu ne tei posa ka namono nagou te khapra fara na.

Profet Isaia 43:19

Ghotilo filo ka glepo majaghani te edi iara gognaro igre! Iara ginauna eni kaisei nabrou mala tei ke lamna namono nagou, eghuteuna khoꞌure ginauna loloro soru ka vido te krogha.

Profet Isaia 48:21

Kani teke batudi teke mei mana kuꞌeda tahati ra ka namono nagou te brana fara na tifa ra, mare neke theome lehe ka khoꞌu. Theo. Mana neke tothora thina na neke jifla mei khoꞌu na neke koꞌu mare.

Jajis 15:19

God ne piphike thina na Lehi ne jateula dis neu eghuteuna kaisei khoꞌu ne jifla mei tagna. Kate koꞌu te gnafa na, Samson neke rheta fapulo. Mare ne kiloni glokha khoꞌu igne “Nogna Glokha Khoꞌu Mae Ihei te Tanhi.” Glokha khoꞌu igne au ngala Lehi gognarona.