Naba 20:1 - Buka Blahi Ka Cheke Holo

¹ Ka nhigra ululahu ka finogha tuana, naiknodi Israel re ne mei thokei ka namono nagou Sini ne mei au Kades. Ka vido tuana, Miriam ne lehe, aonu mare ne giugiluni naꞌa jare.

Naba 20:1 ပူးပေါင်းရင်းမြစ်များ

Naba 13:21

Aonu nabotho phei mae igre jifla ne tei mala filoni vido tuana. Mare ne funu ka namono nagou Sini ke mata, ne doglo ne tei ka namono Rehob, rhegna vido Lebo-Hamat ke raru Kenan.

Naba 33:36

Ke leghugna te jifla mare Esion-Geba na, mare neke tei au Kades ka namono nagou Sini.

Eksodas 15:20

Profet Miriam, gregagna mae Eron gne ne atha nogna tamborin na ne baubatudi keha gaꞌasere ne koje balu ragi.

Naba 27:14

Iagho ginauna jaola lehe, naugna tifa na, kani au teku ghotilo ka vido te moja ka glokha khoꞌu jare Meriba ia, naiknore neke cheke fadiꞌa ghau iara, eghuteuna ghopa jaola neke theome leghu ghau iara nei theome fakakhana ka naiknore te blahi iara na.” (Glokha khoꞌu Meriba gne neke au ka vido te moja jare Sini, rhegna namono Kades.)

Naba 26:59

Aonu mae Amram ne tolaghi ka thugna gaꞌase mae Livae na, nanghagna na Jokebed. Jokebed gne neke karha Ijep. Aonu repa ne au thilo thudi, igre nanghadi thilo thudi repa re: Mae Eron, mae Moses nei Miriam.

Naba 12:1

Kate au teu mare ka vido Haserot na, mae Eron ghe Miriam gre ne cheke faparini mae Moses, mae thabusidi na, naugna mana ne tolaghi ka gaꞌase gna kantri Etiopia.

Profet Maeka 6:4

Kani teke loku jateula naikno sneka teku kuꞌemi ghotilo Ijep tifa ra, iara neke atha fajifladi ka kantri tuana mala snagla mare. Iara neke kuru teidi Moses, Eron, nei greghadi Miriam mala batudi mare mala ke pulo mei.

Nodi Khoje Hatimare Mae Jiu 29:8

Chekegna mana na ne fakheuni namono nagou Kades.

Diutronomi 32:51

Naugna ghopa neke theome ghatho tahu ghau iara ke uludi naiknodi Israel tifa ra. Ka narane tuana ghopa neke au ka khoꞌu Meriba, rhegna namono Kades ke lamna namono nagou Sin, eghuteuna ghopa neke theome fakakhana te mae blahi iara na ka tathadi naiknodi Israel.

Diutronomi 2:14

“Nu tolufulu nhana finogha funu ka narane teke jifla tahati Kades Banea, te ghilei mei posa ka narane te kasa tahati ka Khoꞌu Sered. Eghuteuna ka narane tuare, mae te nabadi te mala magra ka magra biꞌo ra mare la kafe lehehi ke lamna namono nagou jateula teke chekeni Lord ia neu.

Naba 20:16

Eghuteuna kate tanhi lao ghehati ka Lord na, mana nomhidi nomi natanhi ghehati re ne kuru meini kaisei engel mala batu fajifla ghami Ijep. “Nu gognaro na ghehati au Kades ka namono te fofotagna nou vido iagho gne.

Naba 12:15

Aonu mare tei ne liliseini naꞌa ke kosigna namono na nabagna fitu narane. Eghuteuna mare ne theome tei kokoni vido tuana ne ghilei thokeni narane mala ke pulo mei naꞌa na.

Naba 12:10

eghuteuna gromno na jaola ne jifla kokoni Suga Thapuale te blahi na. Ke leghugna tuana, kaisei khabru te thono diꞌa fara na ne thokeni Miriam ne fadiꞌani thinigna naꞌa na, eghuteuna guligna Miriam na jaola ne vegha fara. Aonu Eron figri lao ka naꞌa ne filodi thubu ka thinigna Miriam na.

Eksodas 2:7

Aonu greghagna mae sitei igne mei ne cheke eghu ka thugna king, “Ba, iagho magnahaghei ghau iara te tei hironi kaisei thau Hibru mala taego ranghi nigho iagho sua igne?”

Eksodas 2:4

Eghuteuna greghagna sua igne kegra filo neu delei mala filoni unha nate eni ka sua igne.

Naba 13:26

Aonu mare neke pulo namono Kades ka namono nagou Paran te au mae Moses ghe mae Eron baludi naikno te gnafa Israel. Aonu mare ne cheke fajifla gobi lepo teke tei filodi thedire, nei jaola fakakhana nure grep te pala te mei thedire.

Naba 20:22

Aonu naiknodi Israel gre ne jifla kokoni vido Kades ne mei ka thogele Hor.

Jajis 11:16

Thoutonu eigna glepo te chekeni iagho igne e eghu agne, kani teke jifla Ijep kuꞌemi ghehati ra, mare neke tei salaꞌu fei namono nagou neke tei kasa ka Thongna Ukru na eghuteuna mei ka namono Kades.

Naba 20:28

Kate thoke lao mare ka thogele na, mae Moses ne atha koko pohe te fahaghe mae Eron re ne fahaghe lao ka mae Eleasa. Mae Eron ne lehe jare ka thogele na, aonu mae Moses ghe mae Eleasa neke pulo nodi.

Profet Esikiel 47:19

Ka nohi ke mata na ginauna fufunu ka namono Tama tei salaꞌu ka namono nagou na, eghuteuna tei posa ka glokha khoꞌu Meribat-Kades. Nohi igne tei ke mosu, leghui jari ka nohi ke mata Ijep tei gnafa ka Thongna Mediterenian.