Naba 2:34 - Buka Blahi Ka Cheke Holo

³⁴ Mare ne edi gobigna lepo teke cheke Lord ka mae Moses re ne fakegra haghe nodi suga thapuale baludi nodi flagi re, eghuteuna leuleghu fata kate tei ka keha vido re mare mala nolo leghudi nodi vike nei tharakna teu thedire.

Naba 2:34 ပူးပေါင်းရင်းမြစ်များ

Nodi Khoje Hatimare Mae Jiu 119:6

Jame te fanomho fakeli iara ka nou famane cheke iagho re meuna, naiknore ginauna theome tangomana te famamaja ghau iara na.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Naba 24:2

Kate filodi mae Balam vikegna te gnafa Israel gre te au teu ka nodi suga thapuale re, nogna tharunga te blahi God na ne soru ka mana,

Naba 23:21

Iagho na theome filoni kaisei glepo te thokedi kokhologna mae Jekob ginauna. Eghuteuna theo kaisei hoholo te ginau thokedi naiknodi Israel gre. Lord na nodi God mare, eghuteuna leuleghu fata mana au baludi mare. Leuleghu fata na mare eha eigna God ngala nodi king mare na.

Naba 10:28

Eghume igne puhi te mala leghudi vikegna Israel gre kate jifla te tei ka keha namono re.

Naba 2:2

“Kate tei au ghotilo ka nomi vido re, ghotilo ginauna edi haghe nomi suga thapuale re mala au faligohoni Suga Tapuale te blahi igne, nu mare mala au fagaꞌu katha vido ka suga thapuale igne. Eghuteuna ghotilo te gnafa na mala au nomi flagi mala fagaglanadi vike ghotilo re, eghuteuna mae nalhaꞌu re mala edi haghe nodi suga thapuale re, mala au faligoho ka flagi vikedi thedire, nei mala au faligohodi nodi flagi kokholo te gnafa thedire.”

Naba 1:54

Aonu naiknodi Israel gre ne edi gobigna lepo teke chekedi Lord ka mae Moses re.

Eksodas 39:42

Naiknodi Israel igre mare edi gobigna lepoi igre thofno leghuni unha teke chekeni Lord ka Moses.

Naba 1:52

Vikegna Israel igre mala au ka nodi tothoghei, nei thabukna teu thedire. Mare mala edi nodi suga thapuale re ka gerigna nodi flagi re.

Naba 2:33

Nu mae Moses ne leghuni unha teke cheke Lord na, ne theome kahani vikegna mae Livae na.

Naba 3:1

Igne thoutonu eidi tharaknadi mae Moses ghe mae pris Eron ka teke cheke Lord ka mae Moses ka Thogele Sanai tifa ia.

Naba 10:12

eghuteuna naikno Israel re ne funu jifla kokoni namono nagou Sanai na. Gromno igne mei ne snoto jare Paran.