Naba 2:25 - Buka Blahi Ka Cheke Holo

^25-30 Eghuteuna mae ka vikegna Dan, vikegna Asa, nei vikegna mae Naftali re mala edi haghe nodi suga thapuale re file ke raru, baludi nodi flagi re. Mare mala au leghudi kokholo te gnafa thedire, baludi nodi mae lida na. Mae lida ka vikegna mae Dan na, mae Ahiesa, thugna mae Amisadae. Khaputudi mae ka vikegna mae Dan gre ne thokei namno salei phei thogha fitu gobi. Eghuteuna vikegna mae Asa gre mala au rhedi vikegna mae Dan, eghuteuna mae lida mare na mae Pagiel thugna mae Okran. Khaputudi mae ka vikegna mae Asa gre ne thokei phiatutu kaisei thogha glima gobi. Eghuteuna vikegna mae Naftali gre mala au ka keha phile na. Eghuteuna mae lida mare na mae Ahira, thugna mae Enan. Khaputudi mare te gnafa na ne thokei glimafulu thilo thogha fati gobi.

Naba 2:25 ပူးပေါင်းရင်းမြစ်များ

Naba 1:12

Eghuteuna ka vikegna mae Dan, nodi lida mare na mae Ahiesa, thugna mae Amisadae.

Naba 10:25

Aonu leghu lahu tothoghei te mala nolo te tei re, naikno te au ke parigna nodi flagi vikegna mae Dan. Mare mala au leghu lahu mala reireghidi mare te gnafa na. Eghuteuna mae Ahiesa, thugna mae Amisadae gne te mala batudi vikegna mae Dan re.

Naba 3:35

Eghuteuna mae lida ka vikegna mae Merari na mae Suriel, thugna mae Abihael. Mare mala edi haghe nodi suga tapuale re rhegna Suga Thapuale te blahi na ke file raru.