Eghuteuna mae te mala pala te teidi glepo blahi gna suga thapuale re mae ka vikegna mae Kohat. Aonu kate thoke lao mare ka kaisei namono majaghani na, mae ka vikegna mae Geson ghe mae Merari gre mala ke fakegra haghe Suga Thapuale te blahi na mala ke kaikalitidi glepo blahi te pala vikegna mae Kohat re.
Naba 2:17 - Buka Blahi Ka Cheke Holo17 Kate tei ghotilo ka keha vido re, vikegna Livae gre te mala paladi gobi lepo gna Suga Thapuale te blahi igne. Mare mala tei leghudi kokholo te gnafa nei nodi flagi thedire eghu. Ka puhi igne mare ginauna mala au faligohoni Suga Thapuale te blahi igne farihoteidi keha vike re, eghuteuna vikegna mae Livae gre te mala nolo farihoteidi keha vike re. အခန်းကိုကြည့်ပါ။ |
Naba 2:17
8 ပူးပေါင်းရင်းမြစ်များ
Moses balugna mae pris Eron nei phei thugna teure kolho te mala edi haghe nodi suga thapuale re ke ulugna nogna Suga Tapuale te blahi Lord na file maghati. Mare kolho te edi keha fafara ranghidi naiknodi Israel ka suga tapuale na nei tangomana fiofilodi gobigna lepo te au ke lamna re. Eghuteuna mae ihei nga na mei ka vido blahi tuana nu, ghotilo ginauna faleheni mae tuana.
Eghuteuna mae ka vikegna Efrem, nei Manase, nei mae Benjamin re mala edi haghe nodi suga thapuale re file mosu, baludi nodi flagi re. Mare mala au leghudi kokholo te gnafa thedire, baludi nodi mae lida. Mae lida ka vikegna mae Efrem na, mae Elisama, thugna mae Amihud. Khaputudi mare te gnafa na thokei phiatutu thogha glima gobi. Eghuteuna vikegna mae Manase re mala au rhedi vikegna mae Efrem. Mae lida mare na mae Gamaliel, thugna mae Pedasua. Khaputudi mare te gnafa na thokei tolufulu phei thogha phei gobi. Eghuteuna vikegna mae Benjamin gre te mala au ka keha phile na. Mae lida mare na mae Abidan, thugna mae Gidion. Khaputudi mare te gnafa na thokei tolufulu glimai thogha fati gobi.
ကြော်ငြာတွေ